Agenda a Chofnodion

Derbyniwyd ymddiheuriadau am absenoldeb gan Wendy Walters (Prif Weithredwr, Cyngor Sir Caerfyrddin), William Bramble (Prif Weithredwr, Cyngor Sir Penfro), Cynghorydd David Simpson (Cyngor Sir Penfro), Cynghorydd Rob Stewart (Arweinydd, Cyngor Dinas a Sir Abertawe), Mark Campion (ESTYN) a Karen Newby Jones (ESTYN).

PENDERFYNWYD llofnodi cofnodion y cyfarfod a gynhaliwyd ar 7 Hydref 2022 yn gofnod cywir.

17 Hydref, 2022 - Cofnod Eitem 6

Mewn ymateb i ymholiad ynghylch swyddfeydd, cafodd aelodau wybod bod gostyngiad o 50% yn y defnydd o swyddfeydd a byddai un cyfeiriad busnes ar gyfer Partneriaeth yn cael ei ystyried.

PENDERFYNWYD YN UNFRYDOL bod:

5.1 Martin Nicholls yn cael ei benodi'n Brif Weithredwr Arweiniol

5.2 Helen Morgan Rees yn cael ei phenodi'n Gyfarwyddwr Arweiniol

Cafodd y Cydbwyllgor ddiweddariad ar sefyllfa ariannol Partneriaeth ar ddiwedd Rhagfyr 2022.

Nodwyd bod yr adroddiad yn rhoi gwybodaeth fanwl benodol mewn perthynas â'r canlynol:

·         Cytundebau Lefel Gwasanaeth

·         Cyfraniadau Awdurdod Lleol

·         Monitro'r Gyllideb - Rhagfyr 2022

·         Incwm Grant ar gyfer 2022-23

·         Risgiau a Chyfleoedd

PENDERFYNWYD YN UNFRYDOL:-

6.1 bod yr adroddiad ariannol fel yr oedd ym mis Rhagfyr 2022 a'r alldro a ragwelirar gyfer 2022-23 yn cael eu nodi;

6.2 bod y gyllideb ddiwygiedig ar gyfer 2022-23 a'r incwm grant a'r

dyraniad ar gyfer 2022-23 yn cael eu cymeradwyo

Cafodd y Cyd-bwyllgor Raglen Waith Archwilio Mewnol 2022-23 Partneriaeth i'w hystyried.

Mae'r Rhaglen Waith yn nodi'r amcanion allweddol, cwmpas, dull gweithredu a’r trefniadau adrodd. Datblygwyd y Rhaglen Waith mewn ymgynghoriad â’r Cyfarwyddwr Addysg Arweiniol, y Swyddog Adran 151, y Swyddog Monitro a Swyddog Arweiniol Partneriaeth.

Bydd y gwaith maes o ran Archwilio Mewnol yn cael ei gynnal rhwng mis Mawrth a mis Mai 2023.  Ar ddiwedd y gwaith maes bydd adroddiad Archwilio Mewnol yn cael ei gyhoeddi i'r priod Swyddogion i'w hystyried.  Ar ôl darparu adborth i'r Archwiliad Mewnol, bydd yr adroddiad yn cael ei gyflwyno i'r Cyd-bwyllgor yn ystod tymor yr Haf.

PENDERFYNWYD YN UNFRYDOL dderbyn y wybodaeth ddiweddaraf am Raglen Waith Archwilio Mewnol 2022/23.

Cafodd y Cyd-bwyllgor gyflwyniad gyda'r wybodaeth ddiweddaraf am ddarpariaeth bresennol Partneriaeth.

Yn ystod y chwe mis cyntaf, mae swyddogion Partneriaeth wedi derbyn adborth gonest gan swyddogion yr awdurdodau lleol er mwyn mireinio'r ddarpariaeth i fodloni anghenion lleol. O ganlyniad, mae ymgysylltu, ymddiriedaeth ac ansawdd wedi gwella. Disgwylir y bydd adborth agored ac uniongyrchol rhwng Partneriaeth a swyddogion yr awdurdodau lleol yn fuddiol i bawb i lunio dysgu proffesiynol a datblygu arweinyddiaeth.

Mewn ymateb i ymholiad a godwyd, dywedodd Swyddog Arweiniol Partneriaeth wrth y Cyd-bwyllgor y bydd data yn cael ei ddarparu yn y cyfarfod nesaf i gynllunio ar gyfer y dyfodol.

PENDERFYNWYD YN UNFRYDOL nodi'r diweddariad. 

Derbyniodd y Cyd-bwyllgor broffil risg cyffredinol y rhanbarth. Nodwyd bod y risgiau canlynol o debygolrwydd canolig ac effaith uchel:

·         Methu â chefnogi Awdurdodau Lleol mewn meysydd perthnasol yn ystod eu hymgysylltiad ag Estyn

·        Prydlondeb Llywodraeth Cymru yn darparu cyllid

·         Diffyg Eglurder o ran swyddogaethau Partneriaeth

Ychwanegwyd sylw arall at Risg Canolog 1 i adlewyrchu'r risg sy'n gysylltiedig â’r Cwricwlwm i Gymru.

 PENDERFYNWYD YN UNFRYDOL:-

10.1.      Nodi'r proffil risg

10.2.      Derbyn yr adroddiad risg

Nid oedd dim materion brys i'w trafod.