Agenda a Chofnodion

Cafwyd ymddiheuriad am absenoldeb gan y Cynghorydd B.A.L. Roberts.

PENDERFYNWYD YN UNFRYDOLbenodi'r Cynghorydd T. Higgins yn Gadeirydd y Pwyllgor ar gyfer Blwyddyn y Cyngor 2021/22.

PENDERFYNWYD YN UNFRYDOL benodi'r Cynghorydd G. Morgan yn Is-gadeirydd y Pwyllgor ar gyfer Blwyddyn y Cyngor 2021/22.

Bu'r Pwyllgor yn ystyried adroddiad a roddai'r wybodaeth ddiweddaraf am y cynnydd oedd yn cael ei wneud o ran gweithredu'r Cynllun Archwilio Mewnol.

Adroddiad A: Adroddiadau Cynnydd ynghylch Cynllun Archwilio Mewnol 2020/21 a 2021/22

Adroddiad B:Crynodeb o'r Adroddiadau Terfynol wedi'u cwblhau ynghylch Systemau Ariannol Allweddol (Y Gyflogres / Y Brif System Gyfrifyddu a Rheoli'r Trysorlys)

Adroddiad C: Argymhellion Blaenoriaeth 1 mewn perthynas ag Adolygiadau o Systemau ac Archwiliadau Sefydliadau Eraill (Fframwaith Coedyddiaeth)

Cwestiynau a Sylwadau a godwyd:-

·         Gofynnwyd am eglurhad ynghylch Adroddiad B mewn perthynas â'r gyflogres sy'n dangos posibilrwydd helaeth ar gyfer eleni.  Dywedodd y Pennaeth Refeniw a Chydymffurfiaeth Ariannol y treuliwyd 40 niwrnod ar yr adolygiad hwn; gan helaethu'r hyn oedd o dan sylw a dod i'r casgliad bod y rhan fwyaf o'r mesurau rheoli ar waith.  Roedd y materion a nodwyd yn ymwneud â gordaliadau o ran goramser, sydd bellach wedi'u had-dalu, a gweithwyr priodol yn cael defnyddio'r system fel "Goruchwyliwr”;

·         Gofynnwyd am y Brif System Gyfrifyddu, sy'n un o swyddogaethau hanfodol yr Awdurdod, a dywedodd y Pennaeth Refeniw a Chydymffurfiaeth fod angen diweddaru llawlyfr y gyllideb ac y bydd yn dod gerbron y Pwyllgor Archwilio a Llywodraethu yn ddiweddarach;

·         Gofynnwyd a oedd tystiolaeth ynghylch "nad oedd profion o sampl o 10 o drosglwyddiadau ariannol a glustnodwyd i gadarnhau cymeradwyo 3 o drosglwyddiadau ariannol, ar gael", a dywedodd y Pennaeth Refeniw a Chydymffurfiaeth Ariannol fod hyn wedi'i nodi, bod pryderon wedi'u hadrodd i'r adran, bod camau'n cael eu cymryd gan dîm Pennaeth y Gwasanaethau Ariannol a bod systemau ar waith i oresgyn y mater.  Roedd y trosglwyddiadau ariannol hyn yn benodol o fewn categorïau'r deiliaid cyllidebau ac ystyriwyd eu bod yn llai o risg;

·         Roedd pryderon sylweddol ynghylch rheoli contractau o dan Adroddiad C.  Dywedodd y Pennaeth Refeniw a Chydymffurfiaeth Ariannol fod hyn oherwydd bod diffyg prosesau yn y meysydd hyn.  Mae adolygiad mewnol wedi'i gynnal ar yr hyn oedd angen ei roi ar waith i fynd i'r afael â'r mater a gwnaeth yr adran ragor o welliannau i'r system; erbyn hyn disgwylir i'r contractwyr gyflwyno taflenni amser llawn a thystiolaeth o beiriannau wedi'u hurio fel bod ad-daliadau'n cael eu cyfrif.  Dywedodd Pennaeth y Gwasanaethau Amgylcheddol a Gwastraff fod ceisiadau am swyddi'n cael eu sianeli drwy'r Uned Cymorth Busnes yn electronig ac yna'n cael eu dosbarthu'n unol â hynny, a'u bod yn manylu ar y gwaith sydd i'w wneud ac nad oes unrhyw waith yn dechrau cyn i Archeb Brynu ddod i law.  Gofynnodd yr Aelodau fod adolygiad archwilio mewnol dilynol yn cael ei gynnal a bod y canfyddiadau'n cael eu hadrodd i'r Pwyllgor Archwilio a Llywodraethu;

·         Gofynnwyd am gymhwysedd y tîm a osododd rubanau coch ar "goed afiach" nad ydynt yn afiach.  Cadarnhaodd y Pennaeth Refeniw a Chydymffurfiaeth Ariannol eu bod yn cael eu "clustnodi" oherwydd iechyd a diogelwch y cyhoedd.

PENDERFYNWYD YN UNFRYDOL dderbyn yr adroddiad.

Bu'r Pwyllgor yn ystyried adroddiad a oedd yn rhoi barn ar ddigonolrwydd ac effeithiolrwydd amgylchedd rheoli'r Cyngor ar gyfer y flwyddyn o fis Ebrill 2020 i fis Mawrth 2021, yn seiliedig ar y gwaith a wnaed yng Nghynllun Archwilio Mewnol 2020/21, fel y cytunwyd gan y Pwyllgor Archwilio.

Nododd y Pwyllgor fod y Pennaeth Refeniw a Chydymffurfiaeth Ariannol o'r farn fod gan yr Awdurdod, ar y cyfan, amgylchedd rheoli derbyniol ar waith. Ceir trefniadau llywodraethu clir sydd â chyfrifoldebau rheoli a strwythurau pwyllgorau pendant ar waith. Mae'r fframwaith rheoli yn gadarn ar y cyfan ac yn cael ei weithredu'n eithaf cyson.  Mae gan yr Awdurdod Gyfansoddiad sefydledig, ac mae wedi datblygu polisïau a chymeradwyo Rheolau Gweithdrefn Ariannol sy'n rhoi cyngor ac arweiniad i'r holl staff ac aelodau.  O ganlyniad, roedd y Pennaeth Refeniw a Chydymffurfiaeth Ariannol yn fodlon fod gwaith sicrwydd digonol wedi ei gyflawni i'w galluogi i ddod i gasgliad rhesymol ynghylch digonolrwydd ac effeithiolrwydd amgylchedd rheoli mewnol yr Awdurdod.

Lle bo gwendidau wedi eu nodi drwy adolygiadau archwilio mewnol, gwnaed gwaith gyda'r rheolwyr i gytuno ar gamau unioni priodol ac amserlen ar gyfer gwella.

Dywedodd y Pennaeth Refeniw a Chydymffurfiaeth Ariannol fod y Datganiad Llywodraethu Blynyddol yn rhan o'r datganiad cyfrifon blynyddol gan nodi i ba raddau y cydymffurfir ag egwyddorion ac arferion llywodraethu da, gan gynnwys sut y mae effeithiolrwydd y gwaith llywodraethu wedi'i fonitro ac yn nodi'r camau gweithredu ar gyfer newidiadau arfaethedig yn y flwyddyn i ddod. Anfonir copi at bob aelod fel y gellir mynegi unrhyw bryderon.

Codwyd y cwestiynau a'r sylwadau canlynol wrth drafod yr adroddiad:-

·         Gofynnwyd a oedd cymhariaeth â'r flwyddyn flaenorol yn Nhabl 1:  Dywedodd y Pennaeth Refeniw a Chydymffurfiaeth fod Dadansoddiad o'r Argymhellion ar gael ac y byddai'n cael ei rannu â'r Pwyllgor.

PENDERFYNWYD YN UNFRYDOL, yn unol â'r gofynion statudol, fod yr adroddiad yn cael ei dderbyn.

Bu'r Pwyllgor yn ystyried ei Flaenraglen Waith flynyddol a oedd yn manylu ar yr adroddiadau a fydd yn cael eu cyflwyno i'w hystyried yn ystod cylch cyfarfodydd y Pwyllgor Archwilio 2021/22.

PENDERFYNWYD YN UNFRYDOL gymeradwyo Blaenraglen Waith y Pwyllgor Archwilio a Llywodraethu ar gyfer 2021/22. 

(NODER: Roedd y Cynghorwyr A.G. Morgan, T. Higgins, G. John, E. Williams, B. Thomas, K. Davies a K. Broom wedi datgan buddiant yn yr eitem hon yn gynharach, a bu iddynt aros yn y cyfarfod tra oedd dan sylw).

Bu i'r Pwyllgor ystyried yr Adroddiad Cynnydd yn ymwneud â Diffygion a Gwargedion Ysgolion a oedd yn manylu ar y wybodaeth ddiweddaraf am strategaeth a sefyllfa'r Awdurdod Lleol o ran ysgolion a gynhelir sy'n wynebu neu'n rhagweld diffyg yn y gyllideb.  Mae'n dilyn cyflwyniad blaenorol a wnaed i'r Pwyllgor Archwilio.  Mae'r adroddiad yn ystyried y gweithdrefnau sy'n ymwneud â rheoli diffygion a gwargedion o ran cyllidebau Ysgolion er mwyn sicrhau bod cyllidebau'n cael eu cyflwyno a'u hadrodd yn brydlon, ac yn unol â Rheoliadau Cyllido Ysgolion (Cymru) 2010 a'r Cynllun ar gyfer Ariannu Ysgolion.

Cydnabyddir bod y 17 mis diwethaf wedi cael effaith sylweddol ar ysgolion ac ar wasanaethau ledled Sir Gaerfyrddin. O ganlyniad, mae cyllidebau ysgolion wedi'u heffeithio'n sylweddol ac amharwyd yn ddifrifol ar allu'r Tîm Cyllid, gyda chymorth gan y Tîm Gwella Ysgolion, i gefnogi a herio ysgolion.

Codwyd y cwestiynau a'r sylwadau canlynol wrth drafod yr adroddiad:-

·         Gofynnwyd am eglurhad ynghylch un ysgol yn benodol a oedd yn elfen sylweddol o'r diffyg a gofynnwyd a ellir rhannu hynny. Dywedwyd bod gan yr ysgol dan sylw dipyn llai o ddiffyg yn ystod y flwyddyn honno a'i bod yn rhagweld y bydd o fewn y gyllideb yn ystod y flwyddyn ariannol hon.  Fodd bynnag, mae ysgol uwchradd arall yn wynebu pwysau ariannol sylweddol oherwydd bod nifer y disgyblion yn cwympo;

·         Holwyd ynghylch effaith gweddill yr ysgol ar y cronfeydd corfforaethol wrth gefn.  Dywedodd Cyfrifydd y Gr?p fod gweddillau ar gael fel y gallant ddefnyddio'r cyllid neu gynllunio ar gyfer adfer diffyg ariannol dros nifer o flynyddoedd ac ychwanegodd fod cronfeydd wrth gefn ysgolion ar wahân i gronfeydd corfforaethol wrth gefn ac na ellir eu defnyddio mewn mannau eraill gan eu bod yn gysylltiedig â'r ysgolion;

·         O ran y trosiant mewn 3 blynedd ariannol, roedd diffyg net o £393,000 yn 2018/19 gan gynyddu i £2m yn 2019/20 gyda thanwariant o £9m yn 2020/21 gan roi gwarged net o £7m.  Dywedodd y Pennaeth Addysg a Chynhwysiant fod y gweddillau dros ben yn bennaf oherwydd bod ysgolion wedi'u cau neu wedi lleihau'r adegau roeddynt ar agor, ynghyd â chyfleustodau, adnoddau ac arbedion gwasanaeth cyflenwi ynghyd â grantiau ychwanegol gan Lywodraeth Cymru;

·         Gofynnwyd am yr heriau a guddiwyd gan arian ychwanegol yn dod i mewn yn ddiweddarach yn y flwyddyn.

·         Byddai'n fuddiol pe gellid cael adroddiad tebyg ymhen blwyddyn gan fod heriau ariannol yn parhau mewn rhai ysgolion (rhai bach yn bennaf).  Dywedodd Cyfarwyddwr y Gwasanaethau Corfforaethol y bydd y newid o ran gweddillau ariannol ysgolion yn cael ei gynnwys yn y Datganiad Cyfrifon.

PENDERFYNWYD YN UNFRYDOL dderbyn yr Adroddiad Cynnydd ynghylch Diffygion a Gwargedion Ysgolion.

Bu i'r Pwyllgor ystyried Adroddiad Atal Twyll ac Arferion Llwgr Blynyddol 2020/21 sy'n rhoi crynodeb o weithgareddau swyddogaeth Atal Twyll y Cyngor ar gyfer y flwyddyn ariannol 2020/21.  Mae'n nodi bod gan Gyngor Sir Caerfyrddin ymagwedd dim goddefgarwch tuag at bob math o dwyll, arferion llwgr a dwyn, yn y cyngor ac o ffynonellau allanol.  Cydnabyddir y gall twyll: 

-       danseilio safonau'r gwasanaethau cyhoeddus y mae’r Cyngor yn ceisio eu cyrraedd;

-       lleihau’r adnoddau a'r gwasanaethau sydd ar gael i breswylwyr Sir Gaerfyrddin; ac

-       arwain at ganlyniadau o bwys sy’n lleihau hyder y cyhoedd yn y Cyngor.

Mae Llywodraethu Corfforaethol da yn mynnu bod yn rhaid i’r Awdurdod ddangos yn glir ei fod wedi ymrwymo i fynd i’r afael â thwyll ac arferion llwgr ac y bydd yn ymdrin yn gyfartal â chyflawnwyr o’r tu mewn (aelodau a gweithwyr) ac o’r tu allan i’r Cyngor. 

Dywedodd y Pennaeth Refeniw a Chydymffurfiaeth Ariannol fod sesiynau ymwybyddiaeth o dwyll gyda'r Heddlu wedi'u cynnal gydag aelodau o'r Tîm Rheoli Corfforaethol, y Bwrdd Gweithredol, y Pwyllgor Archwilio a Llywodraethu a'r staff, gan gynnwys y Tîm Archwilio Mewnol.  Mae tudalen bwrpasol ar gael ar y Fewnrwyd mewn perthynas â thwyll ac ar hyn o bryd mae'r tîm yn edrych ar fodiwl e-ddysgu i gynyddu ymwybyddiaeth ymysg y staff.

Mae'r Awdurdod yn cymryd rhan yn ymarfer y Fenter Twyll Genedlaethol (NFI), lle mae data, gan gynnwys data ynghylch y Gyflogres, Credydwyr ac ati, yn cael ei baru'n genedlaethol bob 2 flynedd i nodi twyll unigol posibl. 

Rhoddwyd sylw i'r sylwadau canlynol wrth drafod yr adroddiad:-

·         Byddai'n arfer da gweld cymhariaeth o flwyddyn flaenorol bob amser.  Dywedodd y Pennaeth Refeniw a Chydymffurfiaeth Ariannol y byddai hyn yn cael ei adlewyrchu yn yr adroddiad y flwyddyn nesaf.

PENDERFYNWYD YN UNFRYDOL dderbyn Adroddiad Atal Twyll ac Arferion Llwgr Blynyddol 2020/21.

Bu'r Pwyllgor yn ystyried y Polisi Cwynion sy'n nodi bod Ombwdsmon Gwasanaethau Cyhoeddus Cymru a'i Awdurdod Safonau Cwynion wedi lansio Polisi Pryderon a Chwynion Enghreifftiol newydd yn ffurfiol ar 30 Medi 2020 (ynghyd â'r canllawiau cysylltiedig):

https://www.ombwdsmon.cymru/awdurdod-safonau-cwynion/

Rhoddwyd 6 mis i awdurdodau lleol o'r dyddiad uchod i weithredu'r Polisi/y broses newydd hon a chyflwyno dogfen wedi'i diweddaru i Ombwdsmon Gwasanaethau Cyhoeddus Cymru.  Cydymffurfiodd y Cyngor â'r dyddiad cau hwn a chymeradwywyd Polisi Cwynion newydd gan y Bwrdd Gweithredol ar 22 Mawrth 2021.  Yn dilyn hyn, cyflwynwyd y polisi i'r Awdurdod Safonau Cwynion er mwyn cadarnhau cydymffurfio â'r gofynion. Yna ysgrifennodd Pennaeth yr Awdurdod Safonau Cwynion at y Prif Weithredwr a'r Arweinydd ar 26 Mai 2021 yn cadarnhau bod Polisi Cwynion y Cyngor yn cydymffurfio â'r gofynion.

Nid yw'r polisi newydd yn gwyro'n sylweddol oddi wrth ein Gweithdrefn Cwynion a Chanmoliaeth flaenorol a'n prosesau o ran ymdrin â chwynion.  Serch hynny, mae'r newidiadau allweddol yn cynnwys:

·        Ymrwymiad i ad-dalu achwynwyr mewn rhai amgylchiadau – yn benodol, lle bu'n rhaid i berson dalu am wasanaeth y dylai'r Cyngor fod wedi'i ddarparu. Gallai hyn gael goblygiadau ariannol mewn achosion lle gallai hyn godi, ond mae'n anodd mesur hyn.

·        Gofyniad i gyflwyno gwell adroddiadau;

·         Ymrwymiad i roi gwybod i uwch-reolwyr am bob cwyn 'ddifrifol';

·         Nodir yn y ddogfen ganllaw y dylai'r cwynion na ellir eu datrys yng Ngham 1 (ymateb anffurfiol) o fewn 10 niwrnod gwaith symud ymlaen i Gam 2. Fodd bynnag, nid yw'n glir ar hyn o bryd a fyddai'r Ombwdsmon yn gorfodi hyn yn llym, o ystyried geiriad y canllawiau.  Bydd hyn yn parhau i gael ei adolygu.

Mae trefniadau i weithredu'r gofynion hyn yn mynd rhagddynt.

PENDERFYNWYD YN UNFRYDOL dderbyn y Polisi Cwynion canlynol.

Estynnodd y Cadeirydd groeso i'r cyfarfod i Mr Jason Garcia o Archwilio Cymru

Estynnodd y Cadeirydd groeso i'r cyfarfod i Mr Jason Garcia o Archwilio Cymru.

Bu'r Pwyllgor yn ystyried y wybodaeth ddiweddaraf am Raglen Waith Archwilio Cymru.

Cwestiynau a sylwadau a godwyd:-

·         Gofynnwyd a yw'r adolygiad o'r gwasanaethau cynllunio yn Adolygiad Cymru Gyfan neu'n benodol i Sir Gaerfyrddin?  Cadarnhaodd Archwilio Cymru mai gwaith lleol i Sir Gaerfyrddin yw hwn a bod asesiad risg yn cael ei gynnal yn fewnol a rhaglen waith yn cael ei datblygu sy'n parhau i nodi gwaith yn y dyfodol.

PENDERFYNWYD YN UNFRYDOL fod y wybodaeth ddiweddaraf am Raglen Archwilio Cymru yn cael ei derbyn.

Yn unol â darpariaethau Rheoliadau Cyfrifon ac Archwilio (Cymru) 2014 (fel y'u diwygiwyd 2018), derbyniodd y Pwyllgor i'w gymeradwyo Ddatganiad Cyfrifon 2020/21 o ran Cyngor Sir Caerfyrddin. Roedd y Datganiad yn dwyn ynghyd holl drafodion ariannol yr Awdurdod am y flwyddyn, a hefyd roedd yn rhoi manylion asedau a rhwymedigaethau'r Awdurdod fel yr oeddynt ar 31 Mawrth 2021.

Nodwyd bod yr Awdurdod wedi cadw at gyllideb gwariant net cronfa gyffredinol y Cyngor yn ystod 2020/21. 

O ganlyniad i gyllid grant ychwanegol sylweddol a gafwyd gan Lywodraeth Cymru cyn diwedd y flwyddyn, ynghyd â chostau ychwanegol oedd yn gysylltiedig â COVID 19 ac incwm a gollwyd yn cael ei ad-dalu i raddau helaeth o dan gynllun caledi Llywodraeth Cymru; o ganlyniad i wasanaethau'n cael eu hoedi neu eu lleihau oherwydd y cyfyngiadau symud ac o ganlyniad i swyddi gwag yn ystod y flwyddyn, cafwyd sefyllfa alldro sydd wedi caniatáu i'r Awdurdod drosglwyddo £814,000 i'w gronfeydd cyffredinol.

Wrth baratoi'r cyfrifon, gwnaed trosglwyddiadau i mewn ac allan o'r cronfeydd wrth gefn sydd wedi'u clustnodi fel a ganlyn:-

-       Y Gronfa Ymddeol Gorfforaethol

-       Y Gronfa Datblygiadau Mawr

-       Cyllid cyfalaf Rhaglen Moderneiddio Addysg

-       Cronfa wrth gefn y Fargen Ddinesig

Gofynnwyd i'r Pwyllgor gymeradwyo'r symudiadau hyn yn ôl-weithredol a chymeradwyo creu cronfeydd wrth gefn ar gyfer Caledi COVID-19, Adfer Economaidd, Costau Etholiadol y Cyngor Sir, Canolfan Ailgylchu Nantycaws, Cynllun Cynaliadwyedd HWB Ysgolion a Threfniadaeth Ysgolion.

Roedd llif ychwanegol sylweddol o gyllid gyda chymorth Llywodraeth Cymru o ran darparu ar gyfer gwariant a hynny nid yn unig i systemau ond hefyd i wneud taliadau i fusnesau ledled y sir. Rhoddodd Llywodraeth Cymru gefnogaeth drwy nifer o ddulliau gan gynnwys £23m ar wariant cyffredinol a £10m ar golli incwm.

PENDERFYNWYD YN UNFRYDOL

Bu'r Pwyllgor yn ystyried Datganiad Ariannol Harbwr Porth Tywyn 2020-21, a luniwyd yn unol â Deddf Harbyrau 1964, a nodai ei bod yn ofynnol i bob Awdurdod Harbwr Statudol lunio datganiad blynyddol o gyfrifon ynghylch gweithgareddau'r harbwr. 

Roedd y cyfrifon ar ffurf cyfrif incwm a gwariant blynyddol ar wahân a datganiad ynghylch gweddillau. 

O 1 Ebrill 2018 ymlaen, roedd yr Awdurdod wedi rhoi prydles hirdymor i The Marine & Property Group Ltd, a gymerodd gyfrifoldeb dros gynnal a rheoli Harbwr Porth Tywyn ac o ganlyniad roedd llawer llai o weithgaredd ar y datganiad.

Cost net gweithgareddau'r harbwr yn 2020/21 oedd £803,000 (2019-20 £76,000) ac roedd yr holl weithgareddau'n cael eu cyllido'n llawn gan Gyngor Sir Caerfyrddin.  Roedd yr asedau sefydlog a ddelir ar 31 Mawrth 2020 yn dod i gyfanswm o £925,000. Roedd cynnydd o £727,000 yn y gost o flwyddyn i flwyddyn yn bennaf yn ymwneud â chynnydd o £731,000 mewn gwariant cyfalaf, hynny yw arian a wariwyd ar waliau'r harbwr, a gostyngiad o £16,000 mewn costau gweithredu wedi'i wrthbwyso gan ostyngiad o £12,000 mewn incwm.

PENDERFYNWYD YN UNFRYDOL dderbyn Datganiad Cyfrifon Awdurdod Harbwr Porth Tywyn 2020-21.

Bu'r Pwyllgor yn ystyried adroddiad y Côd Llywodraethu Corfforaethol sy'n cynnwys y systemau a’r prosesau, y diwylliannau a’r gwerthoedd hynny sy’n cyfarwyddo ac yn rheoli’r Cyngor ynghyd â’r modd y mae'n atebol i’w ddinasyddion ac yn ymgysylltu â nhw.

Mae'r Côd Llywodraethu Corfforaethol yn nodi dull Cyngor Sir Caerfyrddin o gyflawni a chynnal llywodraethu corfforaethol da.  Mae'r Côd hwn wedi'i ddiweddaru a'i adolygu gan y Gr?p Llywodraethu Corfforaethol i gydnabod polisïau a phrosesau sy'n unol ag egwyddorion Fframwaith y Sefydliad Siartredig Cyllid Cyhoeddus a Chyfrifyddiaeth (CIPFA) a Chymdeithas Prif Weithredwyr ac Uwch-reolwyr Awdurdodau Lleol (SOLACE) sef 'Delivering Good Governance in Local Government' (Nodiadau Esboniadol i Awdurdodau Cymru, Argraffiad 2016 – Cyhoeddwyd ym mis Medi, 2016).  Mae'r fframwaith hwn yn clustnodi 7 prif egwyddor llywodraethu da sy'n ategu gofynion Deddf Llesiant Cenedlaethau'r Dyfodol.

PENDERFYNWYD YN UNFRYDOL dderbyn Adroddiad y Côd Llywodraethu Corfforaethol.

PENDERFYNWYD YN UNFRYDOL dderbyn cofnodion cyfarfod y Gr?p Llywio Rheoli Risg a gynhaliwyd ar 29 Ebrill 2021.

PENDERFYNWYD YN UNFRYDOL dderbyn cofnodion cyfarfod y Panel Grantiau a gynhaliwyd ar 26 Chwefror 2021.

PENDERFYNWYD YN UNFRYDOL dderbyn cofnodion cyfarfod y Gr?p Llywodraethu Corfforaethol a gynhaliwyd ar 16 Chwefror a 30 Mawrth 2021.

PENDERFYNWYD YN UNFRYDOL lofnodi cofnodion cyfarfod y Pwyllgor Archwilio a gynhaliwyd ar 26 Mawrth 2021 gan eu bod yn gywir.