Agenda a Chofnodion

Derbyniwyd ymddiheuriadau am absenoldeb gan y Cynghorwyr L.R. Bowen, P. Cooper, A. Davies, W.R.A. Davies, Ll. M. Davies, S. Godfrey-Coles, J. D. James, G. R. Jones, H. Jones, M. J. A. Lewis, G.B. Thomas ac A. Vaughan-Owen.

Ni chafwyd datganiadau o fuddiant personol.

Croesawodd y Cynghorydd Louvain Roberts, sef y cadeirydd a oedd yn ymddeol, westeion nodedig, Cynghorwyr, staff a ffrindiau i'r cyfarfod. Soniodd am ei blwyddyn yn y swydd a'r digwyddiadau a'r dathliadau roedd wedi'u mynychu gyda'i chydymaith, Mrs Vanessa Rees.

Diolchodd y Cadeirydd a oedd yn ymddeol i'r Prif Weithredwr, Wendy Walters, Linda Rees-Jones, Gaynor Morgan ac Eira Evans am eu cefnogaeth, eu cyngor ac arweiniad proffesiynol cyson dros y flwyddyn ddiwethaf.  Diolchodd i'r Cynghorwyr Annibynnol am yr enwebiad ac i'r Cynghorydd Sharen Davies a'r Cynghorydd Jason Hart am eu cefnogaeth a'u cymorth cyson i godi £6,000 ar gyfer ei helusennau enwebedig - Hosbis T? Bryngwyn, Ymatebwr Cyntaf Pen-bre a Phorth Tywyn a Chanolfan Deulu Sant Paul.  Yn ogystal, estynnwyd cydnabyddiaeth a diolch i adran Chwaraeon Actif y Cyngor am y cyfraniadau hael.

Diolchodd i'w gyrwyr ymroddedig Jeff Jones ac Andrew Smith. Talodd deyrnged i'w chydymaith, Mrs Vanessa Rees, a diolchodd iddi'n ffurfiol am ei chefnogaeth. Yn olaf, dymunodd yn dda i'r Darpar Gadeirydd, y Cynghorydd Handel Davies, a'i gydymaith, Mrs Margaret Davies, yn ei flwyddyn yn y swydd. 

Ni wnaethpwyd unrhyw gyhoeddiadau.

Cafodd ei gynnig gan Gadeirydd y llynedd, y Cynghorydd B.A.L Roberts, a'i eilio gan y Cynghorydd D. Price a PHENDERFYNWYD YN UNFRYDOL fod y Cynghorydd H. Davies yn cael ei ethol yn Gadeirydd Cyngor Sir Caerfyrddin am Flwyddyn y Cyngor 2024/25.

Estynnodd y Cynghorydd Roberts ei llongyfarchiadau i'r Cynghorydd H. Davies ar gael ei ethol.

Gwnaeth y Cynghorydd Handel Davies ei ddatganiad yn derbyn y swydd, ac fe'i harwisgwyd â'r Gadwyn Swyddogol.

Diolchodd y Cynghorydd Davies i'r holl Gynghorwyr am eu cefnogaeth wrth ei benodi'n Gadeirydd Cyngor Sir Caerfyrddin a dywedodd ei fod yn edrych ymlaen at ei flwyddyn yn y swydd yn cynrychioli'r Cyngor. Talodd y Cynghorydd Davies deyrnged hefyd i'r Cadeirydd oedd yn ymddeol, y Cynghorydd B.A.L. Roberts a chyflwynodd albwm o ffotograffau a Chrogdlws Cyn-gadeirydd iddi ynghyd â thusw o flodau. Manteisiodd y Cynghorydd Davies ar y cyfle i ddymuno'n dda i Mrs Linda Rees-Jones, Pennaeth Gweinyddiaeth a'r Gyfraith ar ei hymddeoliad a diolchodd iddi ar ran holl aelodau'r Cyngor am ei blynyddoedd lawer o wasanaeth.

Talwyd teyrngedau i'r Cadeirydd oedd yn ymddeol gan y Cynghorydd Darren Price, Arweinydd Gr?p Plaid Cymru, y Cynghorydd Jane Tremlett, Arweinydd y Gr?p Annibynnol, a'r Cynghorydd Deryk Cundy, Arweinydd y Gr?p Llafur. Talodd y Prif Weithredwr, ar ran y Tîm Rheoli Corfforaethol, deyrnged hefyd i'r Cadeirydd oedd yn ymddeol.

Cynigiwyd gan y Cynghorydd D. Cundy, ac eiliwyd gan y Cynghorydd T. Higgins a PHENDERFYNWYD YN UNFRYDOL fod y Cynghorydd Dot Jones yn cael ei hethol yn Is-gadeirydd Cyngor Sir Caerfyrddin am Flwyddyn y Cyngor 2024/25.

Arwisgwyd y Cynghorydd Dot Jones â'r Gadwyn Swyddogol gan y Cadeirydd, y Cynghorydd Handel Davies, a gwnaeth ei datganiad yn derbyn y swydd. Mynegodd yr Is-gadeirydd ei gwerthfawrogiad i'r Cyngor ar ei phenodiad.

Cyflwynwyd Cadwyn y Swydd i gydymaith yr Is-gadeirydd, Dr Gary Jones, gan Mrs Margaret Davies Cydymaith y cyn Is-gadeirydd

Estynnodd y Cadeirydd longyfarchiadau i'r Is-gadeirydd a'i Chydymaith ar eu penodiadau.  

Bu'r Cyngor yn ystyried adroddiad yn manylu ar aelodaeth arfaethedig Pwyllgorau Rheoleiddio, Pwyllgorau Craffu, a Phwyllgorau a Phaneli Eraill.

Cynigiwyd ac eiliwyd yn briodol a

PHENDERFYNWYD YN UNFRYDOL I  gymeradwyo penodi aelodau i Bwyllgorau Rheoleiddio, Pwyllgorau Craffu a Phwyllgorau Eraill fel y nodwyd yn Atodiad 1 yr adroddiad. 

Bu'r Cyngor yn ystyried enwebiadau oedd wedi dod i law ar gyfer penodi

Cadeiryddion ac Is-gadeiryddion y Pwyllgorau am Flwyddyn y Cyngor 2024/25. 

Cynigiwyd ac eiliwyd yn briodol a

PHENDERFYNWYD YN UNFRYDOL fod y canlynol yn cael eu penodi'n

Gadeiryddion ac yn Is-gadeiryddion y Pwyllgorau Rheoleiddio, y Pwyllgorau Craffu,

 a'r Pwyllgorau a'r Panelau Eraill am Flwyddyn y Cyngor 2024/25:-

PWYLLGORAU CRAFFU:

PWYLLGORAU ERAILL

Atgoffwyd y Cyngor o'r gofyniad iddo adolygu ei Gyfansoddiad yn flynyddol a'i fod, fel rhan o'r broses honno, wedi sefydlu Gweithgor Adolygu'r Cyfansoddiad i gyflwyno unrhyw newidiadau a argymhellir.

Dywedwyd er na fu unrhyw newidiadau deddfwriaethol a oedd yn ei gwneud yn ofynnol i newidiadau gael eu gwneud i Gyfansoddiad y Cyngor, byddai angen i'r Cyngor gadarnhau'r cyfansoddiad cyfredol a diwygio Rhan 6.1 o'r Cyfansoddiad i adlewyrchu symiau rhagnodedig Panel Annibynnol Cymru ar Gydnabyddiaeth Ariannol i'w talu i Gynghorwyr ar gyfer 2024-25.

Dywedwyd ymhellach fod Gweithgor Adolygu'r Cyfansoddiad wedi cyfarfod ar 8 Ebrill 2024 i adolygu elfennau o'r Cyfansoddiad ac roedd yr argymhellion wedi'u cynnwys yn yr adroddiad i'w hystyried.

Wrth gydnabod mai cynnal ffocws oedd pwrpas cyflwyno'r terfynau amser, awgrymwyd yn barchus er mwyn sicrhau nad oedd unrhyw effaith niweidiol ar ddemocratiaeth, tryloywder ac atebolrwydd, pe baent yn cael eu mabwysiadu, bod y terfynau amser yn cael eu monitro'n agos dros y 12 mis nesaf a'u hadolygu yng Nghyfarfod Cyffredinol Blynyddol nesaf y Cyngor.

PENDERFYNWYD

</AI9>