Agenda a chofnodion drafft

PL/05597

Adeiladu bwyty/archebion drwy ffenest car, maes parcio, tirlunio a gwaith cysylltiedig, gan gynnwys arddangosfeydd archebion cwsmeriaid, ffrâm chwarae a mân waith i faes parcio Tesco, gan gynnwys adleoli'r lle cadw trolïau a newidiadau i'r llinellau gwyn ym Maes Parcio Tesco, Ffordd William Walker, Rhydaman, SA18 2LR

Yn dilyn cyflwyniad gan yr Uwch-swyddog Rheoli Datblygu, rhoddwyd gwybod i'r Pwyllgor fod y Pennaeth Lle a Chynaliadwyedd yn argymell cymeradwyo'r cais am y rhesymau a nodwyd yn yr adroddiad ysgrifenedig.

Rhoddwyd ystyriaeth i Erthygl 18(1) Cyfarwyddyd Atal a gyhoeddwyd gan Lywodraeth Cymru o dan Orchymyn Cynllunio Gwlad a Thref (Gweithdrefn Rheoli Datblygu) (Cymru) 2012 ("Cyfarwyddiadau Atal") ar y sail y gallai'r datblygiad arfaethedig gael effaith y tu hwnt i arwyddocâd lleol.

PL/06623

Dirwyn i ben y defnydd fel tafarn a chyfuno'r elfen breswyl bresennol yn 2 d? hunangynhwysol â 2 ystafell wely yn Nhafarn yr Angel Inn, Salem, Llandeilo, SA19 7LY.

Yn dilyn cyflwyniad gan yr Uwch-swyddog Rheoli Datblygu, rhoddwyd gwybod i'r Pwyllgor fod y Pennaeth Lle a Chynaliadwyedd yn argymell cymeradwyo y cais am y rhesymau a nodwyd yn yr adroddiad ysgrifenedig.

Nodwyd y byddai caniatâd yn amodol ar Gytundeb Adran 106 mewn perthynas â darpariaeth tai fforddiadwy.

Cafwyd sylwadau a wrthwynebai'r cais ac a ail-bwysleisiai'r pwyntiau yn adroddiad y Pennaeth Lle a Chynaliadwyedd, gan gynnwys y pwyntiau isod:

·      Mae'r awydd i gadw'r dafarn ar agor yn amlwg o ganlyniad i ffurfio Gr?p Cymunedol sy'n ceisio prynu'r dafarn.

·      Mae'r cynnig yn groes i bolisi Cynllun Datblygu Lleol Sir Gaerfyrddin RT8 'Siopau a Chyfleusterau Lleol', a fydd yn arwain at golli cyfleuster cymunedol a thwristiaeth pwysig.

·      Nid oes digon o drafnidiaeth gyhoeddus i drigolion gael mynediad i amwynderau yn Llandeilo.

·      Nid yw’r ffaith bod neuadd bentref yno yn golygu nad oes angen t? tafarn.

·      Ychydig iawn o farchnata a gafwyd o ran bod yr eiddo'n cael ei werthu.

·      Mae camgymeriad o ran cynllun daearyddol yr ardal.

·      Colli preifatrwydd o ganlyniad i'r datblygiad arfaethedig.

Ymatebodd yr Ymgeisydd i'r pwyntiau a godwyd.

Cafwyd sylwadau gan yr aelod lleol yn gwrthwynebu'r cais ar y sail ei fod yn cael ei ystyried yn rhesymol y gallai'r Gr?p Cymunedol gyflawni ei nod o brynu'r dafarn a chynnal canolfan gymunedol gynaliadwy a fyddai'n gwasanaethu Salem a’r ardal gymunedol a fyddai o fudd i'r gymuned  ...  Gweld y cofnodion lawn ar gyfer eitem 3.