Lleoliad: Siambr, Neuadd y Sir, Caerfyrddin. SA31 1JP ac o bell. Cyfarwyddiadau
Cyswllt: Julie Owens
01267 224088
Media
Eitemau
| Rhif |
eitem |
1. |
YMDDIHEURIADAU AM ABSENOLDEB
Dogfennau ychwanegol:
Cofnodion:
Cafwyd
ymddiheuriad am absenoldeb gan y Cynghorydd P Cooper.
|
2. |
DATGAN BUDDIANNAU PERSONOL
Dogfennau ychwanegol:
Cofnodion:
Ni
chafwyd datganiadau o fuddiant personol.
|
3. |
PENDERFYNU AR GEISIADAU CYNLLUNIO  PDF 238 KB
Dogfennau ychwanegol:
Cofnodion:
PENDERFYNWYD
caniatáu'r ceisiadau cynllunio canlynol yn amodol ar yr
amodau yn Adroddiad/Atodiad y Pennaeth Lle a Chynaliadwyedd a/neu y
rhoddwyd gwybod amdanynt yn y cyfarfod:-
|
PL/06297
|
Dileu Amod 5 sydd ynghlwm
wrth ganiatâd cynllunio cyfeirnod W/38893, i ganiatáu
cadw'r strwythur pren presennol ar y safle a chadw carafán
deithiol at ddibenion domestig ategol ym Mharc yr Odyn, Hebron,
Hendy-gwyn ar Daf, SA34 0XT
Cyfeiriodd yr Uwch-reolwr
Datblygu a Gorfodi at ymweliad preifat y Pwyllgor â'r safle'n
gynharach y diwrnod hwnnw (gweler cofnod 3.2 o gyfarfod y Pwyllgor
Cynllunio ar 7 Rhagfyr 2023), a drefnwyd er mwyn i'r Pwyllgor gael
golwg ar y safle yn sgil pryderon a godwyd y gallai'r cais fod yn
groes i'r egwyddorion a nodwyd yn y canllawiau Datblygiad Un Blaned
(OPD) o ran ei effaith amgylcheddol ac ecolegol.
Cyfeiriodd, gyda chymorth
sleidiau PowerPoint, at adroddiad ysgrifenedig y Pennaeth Lle a
Chynaliadwyedd a oedd yn rhoi arfarniad o'r safle, ynghyd â
disgrifiad o'r cynnig, crynodeb o'r ymatebion a gafwyd i'r
ymgynghoriad a gwybodaeth am y polisïau lleol a chenedlaethol
a oedd yn berthnasol wrth asesu'r cais.
Nodwyd y byddai caniatâd yn
amodol ar Gytundeb Adran 106 i sicrhau bod y cynnig yn cydymffurfio
â gofynion y Polisi Datblygu Un Blaned a dogfennau Canllawiau
Ymarfer.
Rhoddwyd gwybod i'r Pwyllgor fod y Pennaeth
Lle a Chynaliadwyedd yn argymell cymeradwyo'r cais am y rhesymau a
nodwyd yn yr adroddiad ysgrifenedig.
|
|
PL/06617
|
Cais ôl-weithredol ar
gyfer yr estyniad arfaethedig y tu cefn i Lain 3 ac estyniad i'r
decin wedi'i godi yn y cefn a gymeradwywyd o dan y gymeradwyaeth am
faterion a gadwyd yn ôl (cyf. PL/00588) yn Llain 3, Hen
Labordai CNC, Pen y Fai, Llanelli, SA15 4EN
Cafwyd sylwadau a wrthwynebai'r
cais ôl-weithredol ac a ailadroddodd y pwyntiau gwrthwynebu y
manylwyd arnynt yn adroddiad ysgrifenedig y Pennaeth Cynllunio ac
roedd y prif bryderon yn ymwneud â'r canlynol:-
· Nid yw'r datblygiad yn cydymffurfio â
gofynion y caniatâd cynllunio blaenorol o ran ei faint, y
math o falconi a'r balwstrad gwydr a'r effaith ganlyniadol ar yr
eiddo cyfagos.
· Mae'r estyniad i'r gegin a adeiladwyd 30% yn
fwy na'r cynllun gwreiddiol.
· Problemau o ran mynediad.
·
Eiddo cyfagos yn colli
preifatrwydd.
Ymatebodd asiant yr
ymgeisydd a'r Uwch-swyddog Rheoli Datblygu i'r materion a
godwyd.
|
|