Agenda item

Yn ei gyfarfod diwethaf a gynhaliwyd ar 26 Mehefin 2018 cafodd yr Is-bwyllgor y 3 Hysbysiad Digwyddiad Dros Dro, ond er mwyn casglu rhagor o dystiolaeth, penderfynwyd gohirio gwneud penderfyniad ynghylch y 3 Hysbysiad Digwyddiad Dros Dro tan y cyfarfod hwn.

 

Rhoddodd Rheolwr y Gwasanaethau Cyfreithiol wybodaeth i bawb oedd yn bresennol am y weithdrefn ar gyfer y cyfarfod a dywedodd wrth yr Is-bwyllgor fod hysbysiad gwrthwynebu wedi cael ei gyflwyno gan Adain Iechyd y Cyhoedd Cyngor Sir Caerfyrddin mewn perthynas â'r 3 Hysbysiad Digwyddiad Dros Dro a gyflwynwyd gan Mrs Maria Dallavalle o La Scala, 15 Rhodfa Bryn Mawr, Rhydaman, SA18 2DA.

 

Roedd yr Hysbysiadau Digwyddiad Dros Dro yn berthnasol i werthu alcohol trwy fanwerthu, darparu Adloniant Rheoledig a Lluniaeth Gyda'r Hwyr ar y safle ar y diwrnodau a'r amserau canlynol:-

 

Hysbysiad Digwyddiad Dros Dro 1 –
Dydd Sadwrn, 25 Awst 2018 – Y Lawnt Uchaf, Plasty Derwydd

·         Cyflenwi Alcohol, Adloniant Rheoledig a Lluniaeth hwyrnos 12:00-00:30

 

Hysbysiad Digwyddiad Dros Dro 2 –
Dydd Sadwrn, 1 Medi 2018 – Y Lawnt Uchaf, Plasty Derwydd.

·         Cyflenwi Alcohol, Adloniant Rheoledig a Lluniaeth hwyrnos 12:00-00:30

 

Hysbysiad Digwyddiad Dros Dro 3 –
Dydd Sadwrn, 3 Tachwedd 2018 – Y Neuadd Fawr, Plasty Derwydd.

·         Cyflenwi Alcohol, Adloniant Rheoledig a Lluniaeth hwyrnos 12:00-00:30

 

Rhoddodd Rheolwr y Gwasanaethau Cyfreithiol wybod i'r Pwyllgor fod Adain Iechyd y Cyhoedd wedi gwrthod pob un o'r 3 Hysbysiad Digwyddiad Dros Dro ar sail niwsans s?n yn dilyn digwyddiadau eraill a gynhaliwyd ar y safle.

 

Rhoddodd yr Is-bwyllgor ystyriaeth i'r dogfennau a gyflwynwyd, a'r holl sylwadau ysgrifenedig perthnasol a gafwyd cyn y gwrandawiad gan y partïon.

 

Cafodd yr Is-bwyllgor sylwadau llafar gan Ymarferydd Iechyd yr Amgylchedd:-

 

• Rhoddodd yr Ymarferydd Iechyd yr Amgylchedd wybod i'r Is-bwyllgor ei fod wedi gwrthod yr Hysbysiadau Digwyddiad Dros Dro oherwydd hanes blaenorol ynghylch niwsans s?n yn ystod digwyddiadau ym Mhlas Derwydd.

 

• Ers y cyfarfod diwethaf, rhoddodd yr Ymarferydd Iechyd yr Amgylchedd wybod ei fod wedi cwrdd â Mr Ian Matthews, sef Ymgynghorydd Acwstig Mrs Dallavalle, a oedd wedi nodi, er nad oedd lefelau s?n penodol yn bodoli ar gyfer digwyddiadau o'r fath, y cytunwyd y byddai lefel bwrpasol yn cael ei phennu ar gyfer y math hwn o ddigwyddiad. Cydnabuwyd y byddai angen arbrofi ychydig o bosibl er mwyn dod o hyd i lefel dderbyniol y cytunir arni.

 

• Cafodd yr Is-bwyllgor gyfle i ystyried tystiolaeth ychwanegol a ddosbarthwyd ar ddechrau'r cyfarfod. Roedd y dystiolaeth yn cynnwys graffiau oedd yn dangos lefel y s?n a gofnodwyd ar 2 Mehefin 2018 am 22:57 ac ar 28 Gorffennaf 2018 am 21:11. Roedd yn amlwg bod y graff cofnodi s?n ar gyfer 28 Gorffennaf yn dangos bod gostyngiad sylweddol yn s?n y curiad/bas ers y lefel ar 2 Mehefin.

 

• Tynnodd Rheolwr Iechyd yr Amgylchedd sylw'r Is-bwyllgor at y ffaith ei bod wedi bod yn anodd cael recordiad s?n 'clir' oherwydd y tywydd gwael, ond er gwaethaf hyn, roedd lefelau'r s?n ar y graff ar gyfer 28 Gorffennaf yn dal i ddangos gostyngiad sylweddol o 12 desibel.

 

• Yn ogystal, cafwyd ar ddeall bod Mr Matthews wedi datblygu cynllun rheoli s?n a oedd wedi cael ei roi ar waith i sicrhau bod y gostyngiad o ran s?n yn cael ei gynnal mewn digwyddiadau yn y dyfodol. Cydnabuwyd bod yr holl gamau rheoli yn dibynnu ar Mrs Dallavalle yn cymryd camau gweddol syml i liniaru s?n. Ar y lefelau hyn roedd yr Is-bwyllgor yn fodlon na fyddai'r digwyddiadau'n achosi niwsans cyhoeddus.

Cafodd yr holl bartïon gyfle i holi Swyddog Iechyd yr Amgylchedd am ei sylwadau ac am y dystiolaeth a gyflwynwyd.

Yna cafodd yr Is-bwyllgor dystiolaeth gan gymydog i'r safle oedd yn cefnogi gwrthwynebiadau Swyddog Iechyd yr Amgylchedd, a nodwyd y canlynol:-

 

• Roedd hon wedi bod yn broblem barhaus ers dwy flynedd;

 

• Gall fod y tywydd gwael ar 28 Gorffennaf 2018 wedi cyfrannu at ostyngiad mewn s?n pobl oherwydd bod y rhan fwyaf o gyfranogwyr y digwyddiad wedi aros y tu mewn i'r babell fawr;

 

• Y gofid oedd y byddai Mrs Dallavalle yn anwybyddu'r cynllun rheoli s?n yn y dyfodol.

Rhoddwyd cyfle i'r holl bartïon holi'r tyst ynghylch ei sylwadau.

• Cyfeiriwyd at y graffiau monitro s?n. Mewn ymateb i ymholiad, cadarnhaodd yr Ymarferydd Iechyd yr Amgylchedd fod y graffiau'n cofnodi'r gerddoriaeth yn unig ac nid s?n pobl yn y cefndir.

 

• Mewn ymateb i ymholiad arall, nododd yr Ymarferydd Iechyd yr Amgylchedd ei fod wedi gweld y cynllun rheoli s?n a oedd yn cynnwys y mesurau ymarferol canlynol:-

 

­   Pennu lefel gyffredinol y s?n

­   Lleihau'r mynediad i'r maes parcio;

­   Rhoi hysbysiadau i gwsmeriaid;

­   Trefnu staff yn y maes parcio;

­   Gosod cyfyngiadau ar ddefnyddio rhannau o'r maes parcio;

­   Cau ffenestri a drysau ar gyfer digwyddiadau y tu mewn;

­   Troi'r seinyddion oddi wrth eiddo;

­   Dim cerddoriaeth fyw/heb ei rheoli.

 

Nid oedd yr Is-bwyllgor wedi cael sylwadau llafar gan Mrs Dallavalle na Mr Matthews, sef yr ymgynghorydd s?n, gan nad oeddent yn bresennol.

 

Ar hynny:

 

PENDERFYNWYD YN UNFRYDOL gynnal sesiwn preifat er mwyn cael cyngor cyfreithiol yn unol â Pharagraff 16 o Atodlen 12A i'r Ddeddf Llywodraeth Leol.

 

Ar ôl y toriad, rhoddodd yr Is-bwyllgor sylw hefyd i'r paragraffau perthnasol yn Natganiad Polisi Trwyddedu yr Awdurdod Trwyddedu ac i'r Cyfarwyddyd a gyhoeddir gan yr Adran dros Ddiwylliant, y Cyfryngau a Chwaraeon (DCMS) a chan y Swyddfa Gartref a nodwyd yn yr eitem ar yr agenda, ac i'r rheiny y cyfeiriwyd atynt gan y partïon.

 

PENDERFYNODD yr Is-bwyllgor, ar ôl ystyried yr holl dystiolaeth a roddwyd ger ei fron, y dylid ymdrin â'r Hysbysiadau Digwyddiad Dros Dro fel a ganlyn:-

 

Hysbysiad Digwyddiad Dros Dro 1 -	25 Awst, 2018	Nid oedd gwrth-hysbysiad wedi cael ei gyflwyno
Hysbysiad Digwyddiad Dros Dro 2 -	1 Medi 2018	Nid oedd gwrth-hysbysiad wedi cael ei gyflwyno
Hysbysiad Digwyddiad Dros Dro 3 -	3 Tachwedd 2018	Gohirio tan 25/09/18

 

Y RHESYMAU:-

 

Wrth benderfynu ar y cais, roedd y ffeithiau canlynol yn hysbys i'r Is-bwyllgor;

 

1. Mae'r safle yn agos at ddwy fangre breswyl;
   
   
2. Roedd s?n yn hwyr yn y nos a oedd yn dod o ddigwyddiadau ar y safle wedi tarfu ar y preswylwyr yn un o'r eiddo hynny yn y gorffennol;
   
   
3. Mae'r recordiadau s?n a wnaed gan Wasanaethau Iechyd y Cyhoedd yn ystod digwyddiadau yn y gorffennol yn awgrymu y gallai digwyddiadau arwain at niwsans i'r preswylwyr yn yr eiddo hynny;
   
   
4. Nid oes unrhyw bobl eraill yng nghyffiniau'r eiddo a fyddai'n debygol o gael eu heffeithio gan unrhyw ddigwyddiadau a fyddai'n cael eu cynnal;
   
   
5. Nid oedd y preswylwyr yn yr eiddo ail agosaf wedi gwneud unrhyw gwynion ynghylch s?n yn dod o'r safle;
   
   
6. Roedd y cynllun rheoli s?n yn effeithiol yn ôl pob golwg, ond roedd yn dibynnu ar Mrs Dallavalle yn ei roi ar waith;
   
   
7. Yn absenoldeb unrhyw sicrwydd gan Mrs Dallavalle ynghylch hyn, roedd yr Is-bwyllgor yn pryderu a fyddai hyn yn digwydd.

 

Roedd yr Is-bwyllgor wedi rhoi pwys ar farn yr awdurdodau cyfrifol.

 

Roedd yr Is-bwyllgor yn cydnabod bod yn rhaid i'w benderfyniad gael ei seilio ar dystiolaeth wirioneddol, ac nad yw pryderon nac ofnau ynghylch yr hyn a allai ddigwydd pe caniateid i'r digwyddiadau hyn gael eu cynnal, lle nad oedd tystiolaeth o'r fath i'w hategu, yn faterion y gallant roi ystyriaeth briodol iddynt.

 

Barn yr Is-bwyllgor oedd bod tystiolaeth y trigolion lleol yn gredadwy ac mae'n derbyn bod digwyddiadau yn y safle wedi tarfu ar breswylwyr un eiddo yn y gorffennol.

 

Wrth benderfynu, roedd angen i'r Is-bwyllgor gymryd camau priodol i hyrwyddo'r amcan trwyddedu o ran atal Niwsans Cyhoeddus.

 

Yng ngoleuni tystiolaeth Mr Morgan, roedd yr Is-bwyllgor yn fodlon na fyddai niwsans cyhoeddus yn digwydd yn sgil y digwyddiadau hyn petai'r cynllun rheoli s?n yn cael ei weithredu. Fodd bynnag, gan nad oedd Mrs Dallavalle yn bresennol roedd angen rhagor o dystiolaeth ar yr Is-bwyllgor y byddai'r cynllun yn cael ei weithredu ac am ei effeithiolrwydd cyn gwneud penderfyniad ynghylch yr Hysbysiad Digwyddiad Dros Dro ar gyfer 3 Tachwedd 2018.