Agenda a Chofnodion

Derbyniwyd ymddiheuriadau am absenoldeb gan y Cynghorwyr B.W. Jones a H.B Shepardson.

Ni chafwyd dim datganiadau ynghylch chwip waharddedig.

Dywedodd y Cadeirydd nad oedd dim cwestiynau wedi dod i law gan y cyhoedd.

Yn unol â'r penderfyniad a wnaed yn ei gyfarfod ar 26 Ionawr 2023, cafodd y Pwyllgor adroddiad monitro ar effeithiolrwydd y Polisi Dyrannu Tai Cymdeithasol Brys newydd a luniwyd gan ei Gr?p Gorchwyl a Gorffen. Nodwyd bod yr adroddiad yn cynnwys data ar gyfer y cyfnod blaenorol yn ymwneud â'r canlynol:

1.     Cyfran yr eiddo a barwyd yn uniongyrchol a'r rhai a hysbysebwyd,

2.      Bandiau'r cleientiaid a barwyd yn uniongyrchol,

3.   Nifer yr eiddo a barwyd yn uniongyrchol ac a hysbysebwyd gan bob ardal gymunedol, math o eiddo a landlord,    

4.   Cyfran yr achosion o baru uniongyrchol a oedd yn llwyddiannus,     

5.     Nifer yr achosion o baru uniongyrchol lle gofynnodd y cleient am adolygiad o'r dyraniad, a chanlyniad yr adolygiadau hynny,

6.     Nifer yr achosion o baru uniongyrchol lle gwrthododd y cleientiaid y dyraniad ond heb ofyn am adolygiad.

Codwyd y cwestiynau/materion canlynol ar yr adroddiad:-

·    Mewn ymateb i gwestiwn am y rheswm dros y cynnydd yn nifer yr achosion o baru anaddas o ran eiddo rhwng chwarter 3 a chwarter 4 2023-24, rhoddwyd gwybod i'r Pwyllgor ei fod yn ymwneud yn bennaf ag eiddo a gynigir i bobl ym Mand B, a oedd â'r hawl i wrthod hyd at ddau gynnig rhesymol o eiddo. Nodwyd bod agwedd ar y polisi yn cael ei hadolygu fel rhan o ddatblygiad y Polisi Dyrannu Tai Cymdeithasol Newydd ac y byddai'n cael ei chynnwys yn y polisi i'w gyflwyno i'r Pwyllgor yn ei gyfarfod ym mis Gorffennaf.

PENDERFYNWYD YN UNFRYDOL dderbyn yr adroddiad monitro.

(NODER: Roedd y Cynghorydd R. Sparks wedi datgan buddiant yn yr eitem hon yn gynharach; ailddatganodd y buddiant hwnnw ac arhosodd yn y cyfarfod wrth i'r Pwyllgor ei hystyried)

Bu'r Pwyllgor yn ystyried adroddiadau Monitro Cyllideb Refeniw a Chyllideb Gyfalaf 2023/24 y Gwasanaethau Tai, Adfywio, ac Eiddo, Lle a Chynaliadwyedd a Hamdden ac Adloniant ar gyfer y cyfnod hyd at 29 Chwefror 2024.  Nododd y rhagwelid tanwariant o £181k yn y gyllideb refeniw, tanwariant o £38,256k yn y gyllideb gyfalaf, a gorwariant o £46k yn y Cyfrif Refeniw Tai.

PENDERFYNWYD YN UNFRYDOL fod Adroddiad Monitro'r Gyllideb Refeniw a'r Gyllideb Gyfalaf yn cael ei dderbyn.

Rhoddodd y Pwyllgor ystyriaeth i adroddiad ei Gr?p Gorchwyl a Gorffen a sefydlwyd i archwilio gweithrediad Gwasanaeth Addasiadau'r Cyngor o fewn Is-adran Eiddo Tai a Phrosiectau Strategol yr Adran Gymunedol mewn perthynas â'r ôl-groniad presennol o waith a'r prosesau, gyda'r bwriad o wella'r gwasanaeth a ddarperir i'r cyhoedd a deiliaid contractau (tenantiaid).

Roedd yr adroddiad yn manylu ar waith y Gr?p gan gynnwys llunio Polisi Addasiadau i'r Cartref diwygiedig, sydd ynghlwm wrth yr adroddiad fel Atodiad 1, ynghyd ag argymhellion i'r Pwyllgor eu hystyried a fyddai, pe byddent yn cael eu mabwysiadu, yn cael eu hanfon ymlaen at Gabinet y Cyngor i'w hystyried.

Rhoddwyd sylw i'r cwestiynau/materion canlynol wrth drafod yr adroddiad:

·       Cyfeiriwyd at yr argymhelliad i ailgyflwyno prawf modd ar gyfer Grantiau Cyfleusterau i'r Anabl ar raddfa ganolig a gofynnwyd am eglurhad ynghylch y golled ganlyniadol o £122k o Gyllid Grant Cymru pe bai'r Cabinet yn cymeradwyo'r argymhelliad.

Dywedodd Pennaeth Eiddo Tai a Phrosiectau Strategol fod yr argymhelliad wedi codi o ganlyniad i'r cynnydd mewn ceisiadau grant a dderbyniwyd yn dilyn dileu profion modd yn 2022. Credwyd y byddai eu hailgyflwyno yn galluogi i gyllid gael ei ddargyfeirio i'r rhai sydd mewn mwy o angen, gyda'r rhai sy'n gallu fforddio gwneud addasiadau yn talu amdanynt eu hunain a fydd, yn ei dro, yn cynorthwyo i reoli'r galw am grantiau.

O ran colli grant Llywodraeth Cymru, roedd dadansoddiad o ddata yn seiliedig ar nifer y ceisiadau grant rheolaidd a gyflwynwyd yn ystod y cyfnod o ddwy flynedd yn dilyn cael gwared ar brofion modd wedi datgelu cynnydd net o £164k y flwyddyn mewn cyllid. 

·       Cyfeiriodd y Pennaeth Eiddo Tai a Phrosiectau Strategol at gwestiwn ynghylch casgliad 2 ac argymhelliad 5 o fewn yr adroddiad yn ymwneud â'r pwysau ar adnoddau staffio ac i weld a ellid cysylltu â'r Bwrdd Iechyd i gyfrannu at hynny ar y sail bod gwaith y tîm addasiadau yn cynorthwyo i atal derbyniadau i ysbytai. Dywedodd fod yr awdurdod yn cysylltu â'r Bwrdd Iechyd ynghylch ystod o faterion yn ymwneud ag addasiadau, gan gynnwys rhyddhau cleifion, a gellid cynnal trafodaethau gyda'r Bwrdd ar unrhyw gyfraniad posibl tuag at yr adnoddau hynny.

PENDERFYNWYD YN UNFRYDOL argymell i'r Cabinet:

Cafodd y Pwyllgor ei Adroddiad Blynyddol ar y gwaith a gyflawnwyd yn ystod blwyddyn y cyngor 2023/24. Nodwyd bod yr adroddiad wedi'i baratoi'n unol ag Erthygl 6.2 o Gyfansoddiad y Cyngor a'i fod yn rhoi trosolwg o'r rhaglen waith a materion allweddol dan sylw, gan gynnwys hefyd unrhyw faterion a gyfeiriwyd at neu gan y Cabinet, adolygiadau Gorchwyl a Gorffen a sesiynau datblygu.

PENDERFYNWYD YN UNFRYDOL dderbyn Adroddiad Blynyddol 2023-24.  

Bu'r Pwyllgor, yn unol ag Erthygl 6.2 o Gyfansoddiad y Cyngor, yn ystyried ei Flaengynllun Gwaith drafft ar gyfer 2024/25 a oedd yn nodi manylion materion ac adroddiadau i'w hystyried yn ystod y blwyddyn y cyngor.  Nodwyd, gan fod y Cynllun yn 'ddogfen fyw', y byddai'n esblygu'n barhaus trwy gydol blwyddyn y Cyngor wrth i Flaengynllun y Cabinet esblygu ac yn sgil ceisiadau gan y Pwyllgor.

Rhoddwyd sylw i'r cwestiynau/materion canlynol wrth drafod yr adroddiad:

·         Mewn ymateb i'r cwestiynau a godwyd yn ymwneud â'r ôl-groniad o waith atgyweirio tai gwag, rhoddwyd gwybod i'r Pwyllgor am y mesurau amrywiol oedd yn cael eu cymryd gan yr adran i leihau'r rheiny, gan gynnwys creu tîm o weithwyr mewnol ac ailosod y Fframwaith Gwaith Eiddo er mwyn galluogi contractwyr lleol llai i wneud cais i gael eu cynnwys yn y fframwaith a gwneud gwaith atgyweirio. Ar hyn o bryd, roedd lefelau'r tai gwag wedi gostwng i 180 o'i gymharu â'r lefel uchaf flaenorol o dros 400 ym mis Mai 2022, gan arwain at 250 o eiddo ychwanegol ar gael i'w gosod ac incwm rhent cynyddol o bron i £1m. Dywedodd y byddai'n trefnu bod adroddiad diweddaru ynghylch tai gwag yn cael ei gyflwyno i gyfarfod y Pwyllgor yn y dyfodol.

PENDERFYNWYD YN UNFRYDOL gymeradwyo Blaengynllun Gwaith drafft 2024/25 yn amodol ar ychwanegu adroddiad diweddaru ynghylch tai gwag.

PENDERFYNWYD llofnodi cofnodion cyfarfod y Pwyllgor a gynhaliwyd ar 16Ebrill, 2024 gan eu bod yn gywir.

NI DDYLID CYHOEDDI’R ADRODDIADAU SY’N YMWNEUD Â’R MATERION CANLYNOL GAN EU BOD YN CYNNWYS GWYBODAETH EITHRIEDIG FEL Y’I DIFFINIWYD YM MHARAGRAFF 14 O RAN 4 O ATODLEN 12A I DDEDDF LLYWODRAETH LEOL 1972 FEL Y’I DIWYGIWYD GAN ORCHYMYN LLYWODRAETH LEOL (MYNEDIAD AT WYBODAETH) (AMRYWIO) (CYMRU) 2007. OS BYDD Y PWYLLGOR AR ÔL CYNNAL PRAWF LLES Y CYHOEDD YN PENDERFYNU YN UNOL Â’R DDEDDF, I YSTYRIED Y MATERION HYN YN BREIFAT, GORCHMYNNIR I’R CYHOEDD ADAEL Y CYFARFOD YN YSTOD TRAFODAETH O’R FATH.

PENDERFYNWYD YN UNFRYDOL, yn unol â Deddf Llywodraeth Leol 1972, fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywio) (Cymru) 2007, orchymyn i'r cyhoedd adael y cyfarfod tra oedd yr eitem ganlynol yn cael ei hystyried, gan fod yr adroddiad yn cynnwys gwybodaeth eithriedig fel y'i diffiniwyd ym Mharagraff 14 o Ran 4 o Atodlen 12A i'r Ddeddf</AI12>

(NODER:

1.     Roedd y Cynghorydd R. Sparks wedi datgan buddiant yn yr eitem hon yn gynharach; ailddatganodd y buddiant hwnnw ac arhosodd yn y cyfarfod wrth i'r Pwyllgor ei hystyried)

2.     Wrth ystyried yr eitem hon, roedd y Cynghorydd Palfreman wedi datgan buddiant, sef ei fod yn rhedeg gwasanaethau Ymgynghoriaeth Gofal Cymdeithasol ac mae ganddo ollyngiad gan y Pwyllgor Safonau i siarad a gwneud sylwadau ysgrifenedig, ond nid pleidleisio ar faterion sy'n cynnwys yn uniongyrchol ei fusnes neu weithgareddau proffesiynol cysylltiedig. Arhosodd yn y cyfarfod wrth i'r Pwyllgor ystyried yr eitem)

Yn sgil gweithredu'r prawf budd y cyhoedd PENDERFYNWYD YN UNFRYDOL, yn unol â'r Ddeddf y cyfeiriwyd ati yng Nghofnod 10 uchod, ystyried y mater hwn yn breifat gan orchymyn i'r cyhoedd adael y cyfarfod gan y byddai datgelu cynnwys yr adroddiad o bosibl yn tanseilio'r Cyngor mewn trafodaethau yn y dyfodol gyda thirfeddianwyr.

Cafodd y Pwyllgor adroddiad diweddaru ar gynigion adfywio canol tref sy'n cael eu darparu ar hyn o bryd ar gyfer defnyddiau canol tref amgen posibl yng nghanol trefi Rhydaman, Caerfyrddin a Llanelli

PENDERFYNWYD YN UNFRYDOL dderbyn yr adroddiad.

(NODER: Roedd y Cynghorydd R. Sparks wedi datgan buddiant yn yr eitem hon yn gynharach; ailddatganodd y buddiant hwnnw ac arhosodd yn y cyfarfod wrth i'r Pwyllgor ei hystyried)

Yn sgil gweithredu'r prawf budd y cyhoedd PENDERFYNWYD YN UNFRYDOL, yn unol â'r Ddeddf y cyfeiriwyd ati yng nghofnod rhif 10 uchod, fod y mater hwn yn cael ei ystyried yn breifat, gan beidio â gadael i'r cyhoedd fod yn bresennol yn y cyfarfod, gan y byddai datgelu cynnwys yr adroddiad yn debygol o achosi niwed ariannol i'r Cyngor drwy danseilio ei safbwynt mewn trafodaethau yn y dyfodol ynghylch y prosiectau hyn.

Cafodd y Pwyllgor adroddiad diweddaru ar Brosiectau Datblygu Mawr - Adfywio sy'n cael eu cynnal yn Sir Gaerfyrddin.

PENDERFYNWYD YN UNFRYDOL dderbyn yr adroddiad.