Agenda a chofnodion drafft

Derbyniwyd ymddiheuriadau am absenoldeb gan y Cynghorwyr M. Donoghue, H. Jones a B.A.L. Roberts.

Ni chafwyd dim datganiadau ynghylch buddiannau personol na chwip waharddedig.

Dywedodd y Cadeirydd nad oedd dim cwestiynau wedi dod i law gan y cyhoedd.

Trafododd y Pwyllgor yr Adroddiad Gwasanaeth Taliadau Uniongyrchol yr oedd wedi gofyn amdano.  Roedd yr adroddiad yn rhoi'r wybodaeth ddiweddaraf am y gwasanaeth Taliadau Uniongyrchol yn Sir Gaerfyrddin.  Roedd yn nodi'r cynnydd a wnaed ers trosglwyddo'r swyddogaeth rheoli a chymorth i Gyngor Sir Caerfyrddin.

Gofynnwyd nifer o gwestiynau ac ymatebodd y swyddogion iddynt. Dyma'r prif faterion:

·         Mewn ymateb i ymholiad ynghylch pam fod swm cost yr Wythnos Weithredol fesul gr?p poblogaeth yn isel ar gyfer Iechyd Meddwl, dywedodd swyddogion fod nifer y taliadau uniongyrchol ar gyfer unigolion Sir Gaerfyrddin ag Iechyd Meddwl yn cael ei adlewyrchu ledled Cymru fel arfer. Mynegwyd y gallai cymorth Iechyd Meddwl fod yn fwy amrywiol a bod anghenion gofal yr unigolion yn cynyddu ac yn lleihau ond bod taliadau uniongyrchol yn dal i fod yn gynnig gweithredol i bawb.  Amlygwyd bod rhai o'r unigolion a gynhwysir yn y ffigurau ar gyfer Anableddau Dysgu yn aml wedi cael diagnosis deuol felly mae'n bosibl bod ganddynt broblem Iechyd Meddwl a hefyd Anableddau Dysgu.

·         Wrth gyfeirio at y ffigurau uchel ar gyfer Anableddau Dysgu, gofynnwyd a oedd hyn yn uwch oherwydd bod llai o weithgareddau yn digwydd yn y cymunedau.  Dywedodd y Rheolwr Comisiynu a Chontractio fod pobl yn cael cyfle i wneud y pethau y mae ganddynt ddiddordeb ynddynt drwy Daliadau Uniongyrchol wrth gael eu cefnogi gan Gynorthwyydd Personol.  Nodwyd bod newid wedi bod tuag at bersonoli cynllunio gofal a chymorth a bod pobl yn arfer eu dewis a'u rheolaeth ac mai cefnogaeth gymunedol oedd y maes gweithgarwch mwyaf.  Mynegwyd fod nifer y rheiny sy'n cael taliadau uniongyrchol sy'n derbyn cymorth cymunedol yn uchel a'i fod yn ymwneud yn fawr iawn â phobl yn cael y cyfle i wneud y pethau oedd yn bwysig iddynt.  Yn ogystal, dywedodd y Rheolwr Comisiynu a Chontractio fod yr Awdurdod yn edrych ar gyfleoedd lle gallai Taliadau Uniongyrchol ar y cyd fod o fudd i grwpiau o bobl sydd â buddiannau a rennir.  Dywedodd y Pennaeth Gofal Cymdeithasol i Oedolion mai rhan o'r cynllun oedd edrych ar wasanaeth mwy cost-effeithiol ac fel enghraifft dywedodd y gallai fod gennych bum unigolyn yn mynd i'r un digwyddiad yng nghwmni pum Cynorthwyydd Personol ac y byddai hyn yn arbed adnoddau drwy gyfuno taliadau.

·         Gofynnwyd sut roedd yr Awdurdod yn gwybod bod y taliadau'n cael eu gwario'n briodol. Mewn ymateb, dywedodd yr Uwch-reolwr Cymorth Busnes mai un o'r prif ysgogwyr dros ddarparu'r gwasanaeth yn fewnol unwaith eto oedd sicrhau gwiriadau mwy trylwyr a chymhwyso rheoliadau ariannol. Dywedwyd bod gwelliannau wedi'u gwneud, ond roedd rhai meysydd o bryder o hyd yr oedd angen mynd i'r afael â nhw drwy weithio'n agos gyda'r Gweithwyr Cymdeithasol a'r Ymgynghorwyr Taliadau Uniongyrchol a oedd yn delio â'r teuluoedd o ddydd i ddydd.

·         Gofynnwyd a oedd rhestr aros o bobl yn aros i gael eu hasesu.  Dywedodd swyddogion nad oedd rhestr aros, ond roedd heriau o ran recriwtio Cynorthwywyr Personol. Fodd bynnag, roedd gwaith yn parhau i gyfathrebu a chodi ymwybyddiaeth o'r rôl a chynyddu nifer y staff a gedwir.  ...  Gweld y cofnodion lawn ar gyfer eitem 4.

Trafododd y Pwyllgor Adroddiad Perfformiad Chwarter 4 2023/24 am y Camau Gweithredu a'r Mesurau sy'n berthnasol i'r Pwyllgor Craffu hwn o ran Gweledigaeth y Cabinet. Dangosodd yr adroddiad y cynnydd fel yr oedd ar ddiwedd Chwarter 4 – 2023/24 o ran cyflawni yn erbyn Gweledigaeth y Cabinet.

Gofynnwyd nifer o gwestiynau ac ymatebodd y swyddogion iddynt. Dyma'r prif faterion:

·    Mewn ymateb i ymholiad ynghylch y Gr?p Gorchwyl a Gorffen a sefydlwyd i ganolbwyntio ar ddatblygu model adfer ar gyfer yr ysbytai Cymunedol, dywedodd Pennaeth Dros Dro y Gwasanaethau Integredig fod y Gr?p Gorchwyl a Gorffen yn cynnwys y Cyngor a'r Bwrdd Iechyd ac yn cynnwys nifer o weithwyr proffesiynol clinigol a meddygol, arweinwyr therapi, gweithwyr cymdeithasol a nyrsys.  Dywedwyd bod y gr?p yn edrych ar ffyrdd o wella'r cynnig seiliedig ar welyau ac i sicrhau'r canlyniadau mwyaf posibl i bobl. Ar hyn o bryd roedd y maes gwaith penodol mewn perthynas ag Ysbyty Cymunedol Dyffryn Aman ac roedd yn edrych i adlewyrchu cyflwyno'r model a weithredwyd yn Nh? Pili Pala, sef y ganolfan gofal canolradd seiliedig ar welyau sydd wedi'i lleoli yng nghartref gofal Llys y Bryn.  Roedd y gwaith eisoes wedi arwain at leihad o draean mewn arhosiad yn yr ysbyty.

·    Mewn ymateb i ymholiad ynghylch cytundeb Adran 33, dywedodd Pennaeth Dros Dro y Gwasanaethau Integredig fod y ddogfen gyfreithiol gyffredinol wedi'i chwblhau ond nid oedd yr atodlenni ategol a oedd yn hanfodol i'r cytundeb wedi'u cwblhau eto.  Roedd yr atodlenni hyn yn cynnwys manylion yr hyn y mae pob gwasanaeth yn ei ddarparu ac yn sail i'r ddogfen gyfreithiol gyffredinol.  Roedd gwaith ar yr amserlen gofal brys a llif bron wedi'i chwblhau ond roedd gwaith i'w wneud o hyd ar lwybr atal a gofal rhagweithiol a'r amserlenni llwybrau tymor hir.

·    Wrth gyfeirio at y mater yngl?n â'r cynnydd yng nghyfraddau hunanladdiad a hunan-niweidio yn y Sir, dywedodd y Pennaeth Gofal Cymdeithasol i Oedolion fod cryn dipyn o waith yn cael ei wneud gan gynnwys sefydlu gr?p adolygu hunanladdiad.  Byddai'r gr?p yn edrych i weld a oedd unrhyw themâu a meysydd risg daearyddol a demograffig a fyddai'n llywio'r strategaeth atal.  Yn ogystal, dywedwyd bod gwaith yn parhau i sicrhau bod pobl yn cael gwybod ble i droi am gymorth.  Rhoddwyd sicrwydd i'r Pwyllgor mai'r genhadaeth oedd lleihau nifer yr hunanladdiadau yn y rhanbarth a bod hyn yn cael ei wneud ar y cyd â sefydliad partner.

·    Mewn ymateb i ymholiad yngl?n â phenodi rôl cydgysylltydd dros dro, dywedodd y Pennaeth Gofal Cymdeithasol i Oedolion fod y swydd wedi'i chreu gan y cydnabuwyd bod nifer o fentrau a grwpiau'r trydydd sector yn darparu cymorth ynghylch atal hunanladdiad ond nad oedd yna lawer o gydlyniant neu ddealltwriaeth ynghylch ble i fynd na sut i gael mynediad at y gwasanaethau hyn.  Roedd un o'r clystyrau meddygon teulu wedi darparu cyllid i benodi person am dri mis cychwynnol ond roedd bellach wedi bod yn y swydd ers tua naw mis.  Roedd gwaith sylweddol wedi'i wneud gyda  ...  Gweld y cofnodion lawn ar gyfer eitem 5.

Cafodd y Pwyllgor esboniad dros beidio â chyflwyno'r adroddiadau craffu canlynol:

·         Diweddariad am y Strategaeth Cymorth Cynnar

·         Strategaeth Dementia

PENDERFYNWYD nodi'r eglurhad am beidio â chyflwyno'r adroddiad.

PENDERFYNWYD nodi'r rhestr o eitemau ar gyfer y dyfodol a oedd i'w hystyried yn y cyfarfod nesaf ar 17 Hydref 2024.

PENDERFYNWYD YN UNFRYDOL llofnodi cofnodion cyfarfod y Pwyllgor a gynhaliwyd ar 13 Mehefin 2024 fel cofnod cywir.