Agenda a Chofnodion

Derbyniwyd ymddiheuriadau am absenoldeb gan y Cynghorwyr A. Davies, S. Godfrey-Coles, T. Higgins a G.B. Thomas.

Ni chafwyd dim datganiadau ynghylch unrhyw chwip waharddedig.

Ni chafwyd dim datganiadau o fuddiant.

Atgoffwyd y Pwyllgor gan y Cadeirydd, yn ei gyfarfod ar 13 Mawrth 2024, ei fod wedi gohirio ystyried y mater uchod oherwydd anawsterau technegol, ac aildrefnwyd y cyfarfod ar gyfer y diwrnod hwnnw er mwyn i'r Pwyllgor barhau ei drafodaethau ynghylch y Cynllun Rheoli Traethlin ac Addasu Arfordirol yn Sir Gaerfyrddin ynghyd â'r eitemau oedd yn weddill ar yr agenda.

Codwyd y sylwadau/ymholiadau canlynol ynghylch yr adroddiad:

·       Cyfeiriwyd at yr 87 o gamau gweithredu o fewn y cynllun rheoli traethlin sy'n ymwneud ag Arfordir Sir Gaerfyrddin, yr Hendy i Bentywyn. Cadarnhawyd eu bod yn cael eu craffu gan Grwp Peirianneg Arfordirol Abertawe a Bae Caerfyrddin sydd, yn ei dro, yn adroddi  Gyfoeth Naturiol Cymru a Llywodraeth Cymru.

·       Cadarnhawyd y byddai unrhyw waith amddiffyn rhag llifogydd sydd i'w wneud ar yr arfordir ger arfordir Sir Gaerfyrddin yn destun asesiad effaith llawn cyn iddynt ddechrau.

·       O ran effaith adeiladu ar orlifdiroedd / ardaloedd sydd mewn perygl o lifogydd, rhoddwyd gwybod i'r Pwyllgor y byddai unrhyw ddatblygiad o'r fath yn destun darpariaethau Nodyn Cyngor Technegol Rhif 15 Llywodraeth Cymru: Datblygu, Llifogydd ac Erydu Arfordirol. Roedd y nodyn hwnnw'n cael ei adolygu ar hyn o bryd gan Lywodraeth Cymru, ac mae disgwyl cyhoeddiad yn ddiweddarach yn y flwyddyn. Yn dilyn cyhoeddi, byddai ei ddarpariaethau yn cael eu bwydo i'r cynllun datblygu lleol.

·       O ran yr effaith bosibl y gallai carthu tywod oddi ar y glannau ei chael ar yr arfordir, cadarnhawyd mai'r cyfrifoldeb dros roi trwyddedau carthu oedd Cyfoeth Naturiol Cymru. Gallai'r Cyngor, fodd bynnag, gyflwyno sylwadau i'r corff hwnnw mewn perthynas ag unrhyw garthu yr ystyriai a allai effeithio ar arfordir y Sir.

PENDERFYNWYD YN UNFRYDOL:

Ystyriodd y Pwyllgor y rhestr o eitemau i gael eu cynnwys ar yr agenda ar gyfer y cyfarfod nesaf oedd i'w gynnal ar 22 Ebrill 2024 a rhoddwyd cyfle i'r Pwyllgor wneud cais am unrhyw wybodaeth benodol yr hoffai'r Aelodau ei chynnwys yn yr adroddiadau.

PENDERFYNWYD YN UNFRYDOL gytuno ar y rhestr o'r eitemau i'w hystyried yng nghyfarfod nesaf y Pwyllgor ar 22 Ebrill 2024.

PENDERFYNWYD llofnodi cofnodion cyfarfod y Pwyllgor a gynhaliwyd ar 30 Ionawr 2024 fel cofnod cywir.