Agenda a Chofnodion

Ni chafwyd datganiadau o fuddiant personol.

PENDERFYNWYD llofnodi Cofnod Penderfyniadau'r cyfarfod oedd wedi ei gynnal ar 19 Ionawr 2023, gan ei fod yn gywir.

Atgoffwyd yr Aelod Cabinet fod y Cabinet wedi derbyn argymhelliad y Bartneriaeth Adfywio yn flaenorol ar y modelau cyflawni ar gyfer gweithredu Cronfa Ffyniant Gyffredin y DU yn Sir Gaerfyrddin ar gyfer y themâu/prosiectau canlynol:

·       Rhaglenni Angor - Rhaglenni thematig a ddatblygwyd o dan bob un o themâu allweddol y Gronfa Ffyniant Gyffredin a fydd yn rheoli rhannau mawr o'r strategaeth fuddsoddi.

·       Prosiectau annibynnol - Ceisiadau strategol a fydd yn mynd i'r afael â heriau nad ydynt yn cael eu cynnwys gan y prosiectau Angor. Bydd ceisiadau'n cael eu gwahodd drwy alwadau agored.

·       Prosiectau a gomisiynwyd - Caffael Gweithgaredd i ddarparu gweithgaredd wedi'i ddiffinio'n union nad yw'n cael ei gyflawni gan y modelau cyflenwi y manylir arnynt uchod.

Adroddwyd, o ran Galwad Agored Prosiectau Annibynnol, bod ymarfer mapio wedi'i wneud (Atodiad 2 i'r adroddiad) lle aseswyd heriau a chyfleoedd allweddol a nodwyd o fewn Cynllun Buddsoddi Sir Gaerfyrddin yn erbyn y cyfleoedd cyllido sydd ar gael o fewn y rhaglenni Angor ar gyfer y blaenoriaethau buddsoddi Cymunedau a Lle a Chefnogi Busnesau. Byddai ymarfer tebyg yn cael ei gynnal ar gyfer blaenoriaeth Pobl a Sgiliau unwaith y byddai'r rhaglen Angor o fewn y flaenoriaeth honno wedi'i datblygu'n llawn.

Yn dilyn yr ymarfer mapio hwnnw ac yn seiliedig ar ganfyddiadau a mewnbynnau'r is-grwpiau blaenoriaeth, cynghorwyd yr Aelod Cabinet fod cymeradwyaeth yn cael ei geisio am alwadau agored ar gyfer ceisiadau am brosiectau Annibynnol sy'n canolbwyntio ar y themâu canlynol.

-Prosiectau sy'n ymateb i'r cyfleoedd yn y Strategaeth Arloesi Lleol  – Digidol, Iechyd, Yr Economi Gylchol, a'r Economi Sylfaenol       

-        Cymorth gwirfoddoli

-        Cymorth i fentrau cymdeithasol

-        Modelau bwyd lleol

-        Teithio llesol a thrafnidiaeth wledig

-        Prosiectau twristiaeth / diwylliant / treftadaeth strategol

-        Prosiectau sero net strategol ledled y sir

O ran yr Angor Gwledig ac elfen Hwb Fach y Wlad, y cyfeirir ato o fewn yr adroddiad, cafodd yr Aelod Cabinet y wybodaeth ddiweddaraf ynghylch sut y byddai hynny'n cael ei weithredu trwy sefydlu canolfannau Hwb gwledig ar draws trefi marchnad gwledig y Sir gan gynnig mynediad i wasanaethau, gwybodaeth a chefnogaeth i breswylwyr gwledig.

PENDERFYNWYD

Ystyriodd yr Aelod Cabinet yr adroddiad ynghylch Taliadau Hamdden 2023-24 a oedd yn gofyn am gymeradwyo'r taliadau arfaethedig a oedd yn ffurfio rhan o'r cynllun cynhyrchu incwm ar gyfer yr isadran hamdden yn 2023/24. Roedd yr adroddiad yn cynnwys taliadau ar gyfer yr isadrannau canlynol o fewn Gwasanaethau Hamdden a hefyd yn manylu ar nifer o ffactorau, gan gynnwys grymoedd y farchnad, a oedd wedi dylanwadu ar lefel arfaethedig y taliadau:-

·        Gwasanaethau Diwylliannol (Y Celfyddydau, Amgueddfeydd, Theatrau a'r Gwasanaeth Archifau)

·        Lleoliadau Hamdden a Chwaraeon (Canolfannau Hamdden, pyllau nofio, cynnyrch ar-lein Actif  a Thaliadau Chwaraeon Cymunedol Actif)

·        Hamdden Awyr Agored (Parciau Gwledig, gan gynnwys Parc Arfordirol y Mileniwm, maes parcio Traeth Pentywyn a Chanolfan Addysg Awyr Agored Pentywyn.

PENDERFYNWYD bod y Taliadau Hamdden ar gyfer 2023-24 fel y nodir yn yr adroddiad yn cael eu cymeradwyo.