Agenda a Chofnodion

Ni chafwyd dim datganiadau o fuddiant personol.

PENDERFYNWYD llofnodi bod cofnod penderfyniadau'r cyfarfod a gynhaliwyd ar 23 Gorffennaf 2020 yn gofnod cywir.

Bu'r Aelod o'r Bwrdd Gweithredol yn ystyried adroddiad i gadarnhau'r cynnydd yn y rhenti wythnosol ar gyfer safle Sipsiwn/Teithwyr Pen-y-bryn yn ystod blwyddyn ariannol 2021/22. Hysbyswyd yr Aelod o'r Bwrdd Gweithredol fod y safle Sipsiwn a Theithwyr yn wasanaeth a gyllidir gan y Dreth Gyngor a bod 15 llain ar safle Pen-y-bryn ar hyn o bryd. Er bod yr holl Awdurdodau Lleol a Chymdeithasau Tai yng Nghymru yn gweithredu yn unol â'r polisi rhenti tai cymdeithasol mewn perthynas â lefelau rhenti tai cymdeithasol, nid oedd safle Pen-y-bryn yn rhan o'r Cyfrif Refeniw Tai, ac felly nid oedd y rhenti'n cael eu rheoli gan bolisi rhenti Llywodraeth Cymru. Fodd bynnag, bernid ei bod yn deg ac yn gyfiawn bod y rhenti'n cynyddu drwy ddefnyddio'r un fformiwla â thenantiaid y Cyngor. Ar gyfer blwyddyn ariannol 2021/22, byddai hynny'n gynnydd o 1.5% (cyfradd CPI ym mis Medi 2020) ac argymhellwyd y dylid pennu'r lefelau rhenti wythnosol ar gyfer 2021/22 ar £57.06 (taliadau net am wasanaethau a threthi d?r) gan ddarparu incwm blynyddol o £41,083.20 ar gyfer 2021/22, pe bai pob un o'r 15 llain yn cael eu meddiannu drwy gydol y flwyddyn.

Gwnaeth yr Aelod o'r Bwrdd Gweithredol gwestiynau'r elfen tâl am wasanaethau yn yr adroddiad a rhoddwyd eglurhad gan y swyddog ei bod yn cael ei chymhwyso ar yr un sail â chanolfannau tai gwarchod y Cyngor.

PENDERFYNWYD: