Agenda a chofnodion drafft

Pennaeth Y Gyfraith, Llywodraethu a Gwasanaethau Sifil (a Swyddog Monitro), Pwyllgor Penodi B - Dydd Mercher, 29ain Mai, 2024 2.00 yp

Lleoliad: Siambr, Neuadd y Sir, Caerfyrddin. SA31 1JP ac o bell. Cyfarwyddiadau

Cyswllt: Kevin Thomas 01267 224027

Nodyn: Nid yw'r cyfarfod yma yn cael ei we-ddarlledu

Eitemau
Rhif	eitem
1.	YMDDIHEURIADAU AM ABSENOLDEB. Cofnodion: Derbyniwyd ymddiheuriadau am absenoldeb gan y Cynghorwyr M. Palfreman a D. Price.
2.	DATGANIADAU O FUDDIANNAU PERSONOL. Cofnodion: Ni chafwyd datganiadau o fuddiant personol.
3.	LLOFNODI YN GOFNOD CYWIR COFNODION Y CYFARFOD A GYNHALWYD AR Y 17 EBRILL 2024 PDF 94 KB Y cefndir i eitem 3. Cofnodion: PENDERFYNWYD llofnodi cofnodion y cyfarfod a gynhaliwyd ar 17 Ebrill, 2024 yn gofnod cywir.
4.	NID YW’R ADRODDIADAU AR YR EITEMAU CANLYNOL I GAEL EU CYHOEDDI GAN EU FOD YN CYNNWYS GWYBODAETH EITHRIEDIG FEL Y’I DDIFFINIWYD YM MHARAGRAFF 12 O RAN 4 O ATOLDEN 12(A) I DDEDDF LLYWODRAETH LEOL 1972 (FEL Y’I DIWYGIWYD GAN ORCHYMYN LLYWODRAETH LEOL (MYNEDIAD AT WYBODAETH)(AMRYWIO)(CYMRU) 2007). OS BYDD Y PWYLLGOR YN PERDERFYNU YN UNOL Â’R DDEDDF I YSTYRIED YR EITEMAU HYN YN BREIFAT, AR ÔL CYNNAL PRAWF BUDD Y CYHOEDD, BYDD Y CYHOEDD YN CAEL EU HEITHRIO O’R CYFARFOD YN YSTOD Y TRAFODAETHAU HYNNY. Cofnodion: PENDERFYNWYD YN UNFRYDOL, yn unol â Deddf Llywodraeth Leol 1972, fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywio) 2007, orchymyn i'r cyhoedd adael y cyfarfod tra oedd yr eitemau canlynol yn cael eu hystyried, gan fod yr adroddiadau'n cynnwys gwybodaeth eithriedig fel y'i diffiniwyd ym Mharagraff 12 o Ran 4 o Atodlen 12A i'r Ddeddfsef gwybodaeth ynghylch ymgeiswyr oedd yn cynnig am swydd gan yr Awdurdod.
5.	DERBYN NODIADAU GWEITHREDU CYFARFOD O’R PANEL RHESTR FER A GYNHALIWYD AR Y 16 EBRILL 2024 Gweld y rhesymau pam fod eitem 5. yn gyfyngedig Cofnodion: Yn sgil gweithredu prawf budd y cyhoedd PENDERFYNWYD YN UNFRYDOL, yn unol â'r Ddeddf y cyfeiriwyd ati yng Nghofnod 4 uchod, ystyried y mater hwn yn breifat gan orchymyn i'r cyhoedd adael y cyfarfod, gan y byddai'r drafodaeth yn datgelu gwybodaeth eithriedig ynghylch unigolyn penodol. PENDERFYNWYD YN UNFRYDOL dderbyn adroddiad cyfarfod y Panel Rhestr Fer oedd wedi ei gynnal ar 16 Ebrill, 2024.
6.	DERBYN CYFLWYNIADAU A CHYFWELD YR YMGEISWYR AR Y RHESTR FER AR GYFER SWYDD PENNAETH Y GYFRAITH, LLYWODRAETHU A GWASANAETHAU SIFIL ( A SWYDDOG MONITRO) AC YSTYRIED GWNEUD PENODIAD. Gweld y rhesymau pam fod eitem 6. yn gyfyngedig Cofnodion: Yn sgil gweithredu prawf budd y cyhoedd PENDERFYNWYD YN UNFRYDOL, yn unol â'r Ddeddf y cyfeiriwyd ati yng Nghofnod 4 uchod, ystyried y mater hwn yn breifat gan orchymyn i'r cyhoedd adael y cyfarfod, gan y byddai'r drafodaeth yn datgelu gwybodaeth eithriedig ynghylch unigolyn penodol. Rhoddwyd gwybod i'r Pwyllgor am y broses ddethol hyd yn hyn a'r drefn a awgrymwyd ar gyfer y cyfarfod. Nododd y Pwyllgor, er bod tri ymgeisydd wedi cyrraedd y rhestr fer ar gyfer swydd Pennaeth y Gyfraith, Llywodraethu a Gwasanaethau Sifil (a'r Swyddog Monitro), roedd un wedi tynnu'n ôl ers hynny, a bod y ddau arall yn cael eu cyflwyno ar gyfer cyfweliad. Cafodd y Pwyllgor adborth gan swyddogion mewn perthynas â'r broses recriwtio ac asesu a'i gasgliadau. Cafodd y Pwyllgor gyflwyniad gan y ddau ymgeisydd a chafodd aelodau'r Pwyllgor gyfle i ofyn cwestiynau i'r ymgeiswyr. Yn dilyn trafodaeth a phleidlais, PENDERFYNWYD penodi Stephen Murphy yn Bennaeth y Gyfraith, Llywodraethu a Gwasanaethau Sifil (a Swyddog Monitro). [Galwyd Stephen Murphy yn ôl i'r cyfarfod, a dywedodd ei fod yn derbyn y swydd.] Nodwyd, gan fod swydd y Swyddog Monitro yn benodiad gan y Cyngor, byddai hynny'n cael ei wneud gan y Cyngor yn ei gyfarfod ym mis Gorffennaf).