Agenda a Chofnodion

Derbyniwyd ymddiheuriadau am absenoldeb gan y Cynghorwyr P. Cooper, W.T. Evans ac A. Leyshon.

Ni chafwyd datganiadau o fuddiant personol.

PENDERFYNWYD YN UNFRYDOL ganiatáu'r ceisiadau cynllunio canlynol yn amodol ar yr amodau yn Adroddiad/Atodiad y Pennaeth Lle a Chynaliadwyedd a/neu y rhoddwyd gwybod amdanynt yn y cyfarfod:-

Rhoddodd y Pwyllgor ystyriaeth i'r Adroddiad Apeliadau Cynllunio a oedd yn darparu gwybodaeth yn ymwneud ag apeliadau cynllunio a gyflwynwyd ar 8 Gorffennaf, 2024.

PENDERFYNWYD YN UNFRYDOL nodi'r adroddiad.

Rhoddodd y Pwyllgor ystyriaeth i Adroddiad Perfformiad y Gwasanaeth Cynllunio ar gyfer Chwarter 1 am y cyfnod Ebrill i Fehefin 2024 ar gyfer y Gwasanaeth Cynllunio, ac, yn arbennig, yr Is-adran Rheoli Datblygu a Gorfodi. Roedd yr adroddiad yn cynnwys dangosyddion monitro perfformiad craidd ynghyd â data cymharol ar gyfer data chwarterol a chronnol ar gyfer 2023/24.

Roedd yr adroddiad yn nodi set o ddangosyddion monitro perfformiad craidd a fyddai'n rhan o fonitro perfformiad y gwasanaethau cynllunio yn y dyfodol. Roedd y rhain yn cynnwys "Dangosyddion Cenedlaethol" a'r rhai a nodwyd gan y Cyngor.

Gwnaed cyfeiriadau at y broses orfodi, a gwnaed awgrym y gallai fod o fudd i aelodau'r Pwyllgor dderbyn hyfforddiant ar hynny. Atgoffwyd y Pwyllgor gan yr Uwch-reolwr Datblygu a Gorfodi fod trefniadau'n cael eu gwneud ar hyn o bryd i aelodau dderbyn hyfforddiant ar y broses apelio a gellid helaethu'r hyfforddiant i gynnwys gorfodi.

PENDERFYNWYD YN UNFRYDOL dderbyn yr adroddiad.

PENDERFYNWYD llofnodi cofnodion cyfarfod y Pwyllgor a gynhaliwyd ar 20 Mehefin, 2024 fel cofnod cywir.