|
Amrywio Amod 2 (o gais W/35339) er mwyn
newid cynlluniau i gynnwys ramp mynediad diwygiedig a newidiadau i
annedd.
Cyn ystyried y cais, derbyniwyd cais gan y
cynghorydd lleol i ohirio ystyried y cais er mwyn cynnal ymweliad
safle arall er mwyn galluogi'r Pwyllgor i weld y datblygiad o ardd
gefn gwrthwynebydd ar y sail nad oedd mynediad yn bosibl y bore
hwnnw oherwydd camddealltwriaeth rhyngddi hi a'r
gwrthwynebydd
Dywedodd Rheolwr y Gwasanaethau Cyfreithiol,
gan fod yr ymweliad safle wedi'i gynnal yn unol â'r protocol
cynllunio, nad oedd unrhyw reswm cyfreithiol y gellir ei gyfiawnhau
dros ohirio'r cais i gynnal ymweliad safle arall.
Yn dilyn pleidlais:
PENDERFYNWYD peidio â chaniatáu'r cais a
ddaeth i law i ohirio'r cais er mwyn cynnal ymweliad safle arall a
bod y Pwyllgor yn bwrw ymlaen i ystyried a phenderfynu ar y
cais.
Cyfeiriodd yr Uwch-swyddog
Datblygu at yr ymweliad preifat â'r safle gan y Pwyllgor yn
gynharach y diwrnod hwnnw (gweler cofnod 3.2 cyfarfod y Pwyllgor
Cynllunio oedd wedi ei gynnal ar 28 Mawrth
2024) er mwyn rhoi cyfle i'r Pwyllgor asesu effaith lawn y
cais.
Cyfeiriodd, gyda chymorth
sleidiau PowerPoint, at adroddiad ysgrifenedig y Pennaeth Lle a
Chynaliadwyedd a oedd yn rhoi arfarniad o'r safle, ynghyd â
disgrifiad o'r cynnig, crynodeb o'r ymatebion a gafwyd i'r
ymgynghoriad a gwybodaeth am y polisïau lleol a chenedlaethol
a oedd yn berthnasol wrth asesu'r cais. Dywedodd fod y Pennaeth Lle
a Chynaliadwyedd yn argymell cymeradwyo'r cais yn amodol ar yr
amodau yn yr adroddiad ac unrhyw amodau eraill sy'n ofynnol gan y
Pwyllgor.
Cafwyd sylwadau gan ddau
wrthwynebydd i'r cais yn ailbwysleisiai'r pwyntiau gwrthwynebu yn adroddiad
ysgrifenedig y Pennaeth Cynllunio, a oedd yn cynnwys;
· Roedd y datblygiad, gan ei fod
wedi ei adeiladu ar dir uwch o gymharu â'r eiddo cyfagos, yn
tynnu sylw ato'i hun ac yn ymwthiol,
gan effeithio'n niweidiol ar breifatrwydd, amwynder a mwynhad yr
eiddo hynny a'u gerddi cefn gan ei fod yn edrych
drostynt.
· pe gydymffurfiwyd â'r
cynllun gwreiddiol, ni fyddai gan gymdogion unrhyw
wrthwynebiadau.
· effaith andwyol ar iechyd
cymdogion a'u llesiant.
· cafodd y gwelliannau eu gwneud
heb ganiatâd cynllunio ac felly ni ddylid rhoi caniatâd
a dylid gwaredu'r elfennau anawdurdodedig.
· Diffyg ymgynghoriadau ar y
newidiadau i'r cais gwreiddiol yn 1999.
Ymatebodd asiant yr ymgeisydd a'r
Uwch-swyddog Rheoli Datblygu i'r materion a godwyd.
|
PDF 249 KB