Agenda a Chofnodion

Derbyniwyd ymddiheuriadau am absenoldeb gan y Cynghorwyr H. Jones a L. Roberts.

Ni chafwyd datganiadau o fuddiant personol.

PENDERFYNWYD YN UNFRYDOL lofnodi bod cofnodion cyfarfod y Pwyllgor Trwyddedu a gynhaliwyd ar 27 Mehefin 2023 yn gofnod cywir.

Bu'r Pwyllgor yn ystyried adroddiad ar Asesiadau Effaith Gronnol yr Adolygiad o'r Polisi Trwyddedu yn unol â Deddf Trwyddedu 2003.

Nododd y Pwyllgor fod yr Awdurdod wrthi ar hyn o bryd yn adolygu'r Asesiadau Effaith Gronnol presennol sydd mewn grym ar gyfer Heol yr Orsaf, Llanelli a Heol Awst, Caerfyrddin yn ogystal â cheisio barn ynghylch mabwysiadu Asesiad Effaith Gronnol pellach ar gyfer Maes Nott, Heol y Brenin a Heol y Frenhines, Caerfyrddin.  Dywedwyd bod yr ardaloedd hyn yn destun ymgynghoriad oherwydd eu bod yn ardaloedd problemus o ran Troseddau ac Anhrefn sy'n gysylltiedig ag alcohol ac oherwydd y lefelau Troseddau ac Anhrefn sy'n cael eu riportio yn yr ardaloedd hynny.

Roedd yr ymgynghoriad yn gyfle i drigolion lleol, busnesau a deiliaid trwydded presennol a’u cynrychiolwyr gyflwyno sylwadau yn ffurfiol ar y cynnig a darparu adborth i'r Awdurdod.  I gynorthwyo ymatebwyr, dywedwyd bod arolwg ar-lein wedi cael ei ddarparu ar wefan y cyngor.

Nododd yr Aelodau y byddai'n bwysig i unrhyw dystiolaeth a gynhwysir yn yr Asesiadau Effaith Gronnol diwygiedig fod yn gadarn ac yn berthnasol i'r problemau cyfredol a ddisgrifir.

Mewn ymateb i ymholiad ynghylch effeithiolrwydd yr Asesiadau Effaith Gronnol a oedd ar waith, eglurodd yr Arweinydd Trwyddedu ei bod yn anodd mesur eu heffeithiolrwydd ond bod yna achosion wedi bod lle gwrthodwyd ceisiadau o fewn yr ardaloedd.

PENDERFYNWYD YN UNFRYDOL fod aelodau'r Pwyllgor yn cwblhau'r arolwg ar-lein fel rhan o’r ymgynghoriad ynghylch y Polisi Trwyddedu ac yn annog grwpiau a phobl eraill i gymryd rhan yn yr ymarfer ymgynghori.

NI DDYLID CYHOEDDI’R ADRODDIAD SY’N YMWNEUD Â’R MATERION CANLYNOL GAN EU BOD YN CYNNWYS GWYBODAETH EITHRIEDIG FEL Y’I DIFFINIWYD YM MHARAGRAFF 12 O RAN 4 O ATODLEN 12A I DDEDDF LLYWODRAETH LEOL 1972 FEL Y’I DIWYGIWYD GAN ORCHYMYN LLYWODRAETH LEOL (MYNEDIAD AT WYBODAETH) (AMRYWIO) (CYMRU) 2007 GAN EI FOD YN CYNNWYS GWYBODAETH AM UNIGOLYN PENODOL.

OS BYDD Y PWYLLGOR AR ÔL CYNNAL PRAWF LLES Y CYHOEDD YN PENDERFYNU YN UNOL Â’R DDEDDF, I YSTYRIED Y MATER HYN YN BREIFAT, GORCHMYNNIR I’R CYHOEDD ADAEL Y CYFARFOD YN YSTOD TRAFODAETH O’R FATH.

PENDERFYNWYD, yn unol â Deddf Llywodraeth Leol 1972, fel y'i newidiwyd gan Orchymyn Llywodraeth Leol (Mynediad at Wybodaeth) (Amrywio) (Cymru) 2007, orchymyn i'r cyhoedd adael y cyfarfod tra oedd yr eitemau canlynol yn cael eu hystyried, gan fod yr adroddiadau'n cynnwys gwybodaeth eithriedig fel y'i diffiniwyd ym mharagraff 12 o Ran 4 o Atodlen 12A i'r Ddeddf.

Rhoddwyd gwybod i'r Pwyllgor fod cais wedi'i dderbyn gan Mrs BeverleyWilma Lewis 21 Ty Plas Isaf, Heol Hendre, Llangennech am Drwydded Yrru Ddeuol ar gyfer Cerbyd Hacnai/Hurio Preifat.

Rhoddodd yr Uwch Swyddog Trwyddedu wybod i aelodau'r Pwyllgor am y materion a oedd wedi codi mewn perthynas â'i thrwydded.

Bu'r Pwyllgor yn cyfweld â Mrs Lewis ynghylch ei gais a'r materion a godwyd gan yr Uwch-swyddog Trwyddedu.

Argymhellodd yr Uwch-swyddog Trwyddedu fod Mrs Lewis yn cael rhybudd ynghylch ei ymddygiad yn y dyfodol.

PENDERFYNWYD YN UNFRYDOL ganiatáu’r cais a gyflwynwyd gan Mrs Beverley Wilma Lewis am Drwydded Yrru Ddeuol ar gyfer Cerbyd Hacnai/Hurio Preifat a rhoi rhybudd ynghylch ei hymddygiad yn y dyfodol.

Dywedodd yr Uwch-swyddog Trwyddedu wrth y Pwyllgor nad oedd Mr Robert Daniel Isaac yn gallu bod yn bresennol yn y cyfarfod heddiw a gofynnodd am ganiatâd i ohirioystyried cais Mr Isaac tan y cyfarfod nesaf.

PENDERFYNWYD YN UNFRYDOL ohirio ystyried cais Mr Robert Daniel Isaac tan gyfarfod nesaf y Pwyllgor.

Bu'r Pwyllgor yn ystyried cais gan Mr Darren Lee Hung o 9 Clos y Gelli, Llanelli am Drwydded Yrru Ddeuol ar gyfer Cerbyd Hacnai/Hurio Preifat.

Rhoddodd yr Uwch-swyddog Trwyddedu wybod i'r Pwyllgor am y materion a oedd wedi codi mewn perthynas â'r cais.

Ar hynny bu'r Pwyllgor yn cyfweld â Mr Hung ynghylch y cais a'r materion a godwyd gan yr Uwch-swyddog Trwyddedu.

Argymhellodd yr Uwch-swyddog Trwyddedu fod cais Mr Hung yn cael ei ganiatáu a'i fod yn cael rhybudd ynghylch ei ymddygiad yn y dyfodol.

Ar hynny

PENDERFYNODD y Pwyllgor YN UNFRYDOL gynnal sesiwn preifat er mwyn cael cyngor cyfreithiol yn unol â Pharagraff 16 o Atodlen 12A i Ddeddf Llywodraeth Leol 1972.

Ar ôl y toriad, ailymgynullodd y Pwyllgor i roi ei benderfyniad.

PENDERFYNWYD caniatáu cais Mr Darren Lee Hung am Drwydded Yrru Ddeuol ar gyfer Cerbyd Hacnai/Hurio Preifat a rhoi rhybudd iddo ynghylch ei ymddygiad yn y dyfodol.

Rheswm

Ar sail y dystiolaeth a gyflwynwyd, yr oedd y Pwyllgor yn fodlon bod yr ymgeisydd yn rhywun addas a phriodol i feddu ar drwydded.