Agenda item

Derbyniodd y Pwyllgor adroddiad a oedd yn rhoi diweddariad ar y gwaith a'r gweithgareddau a wnaed gan yr Uned Gorfodi Materion Amgylcheddol, ac roedd yr adroddiad yn cynnwys Polisi Gorfodi Cyffredinol Sir Gaerfyrddin a'r rhaglen waith gynlluniedig ar gyfer 2019.

Roedd yr adroddiad yn rhoi gwybodaeth i'r Aelodau am yr agweddau canlynol:-

·         Rhagarweiniad a Chefndir

·         Troseddau o ran:-

•      C?n yn baeddu

•      Sbwriel

•      Tipio anghyfreithlon

•      Dyletswydd gofal

•      Graffiti a gosod posteri'n anghyfreithlon

•      Cerbydau wedi'u gadael

•      Troseddau Priffordd

·         Y Sefyllfa Bresennol

·         Llwyddiannau

·         Y Dyfodol

Yn unol â gofynion statudol presennol, dywedwyd bod angen adnewyddu Gorchmynion Gwarchod Mannau Cyhoeddus bob 3 blynedd.  Gan i Sir Gaerfyrddin weithredu ei Gorchmynion Gwarchod Mannau Cyhoeddus yn 2016, byddai angen adnewyddu cyn mis Gorffennaf eleni. Er mwyn paratoi at yr adnewyddu, dywedodd y Pwyllgor fod ymgynghoriad yn mynd rhagddo ar hyn o bryd a byddai'r Pwyllgor yn cael gwybod am ganlyniadau'r ymgynghoriad yn ei gyfarfod ym mis Mai 2019.

Codwyd y cwestiynau/materion canlynol ar yr adroddiad:-

• Cyfeiriwyd at nifer y cwynion am faw c?n. Gan fod baw c?n yn cymaint o broblem, dywedwyd ei bod yn syndod taw dim ond 396 o g?ynion oedd wedi dod i law ynghylch baw c?n. Eglurodd y Rheolwr Gorfodi Materion Amgylcheddol fod aelodau'r cyhoedd yn aml yn amharod i wneud cwyn swyddogol oherwydd y wybodaeth oedd yn angenrheidiol i gael erlyniad llwyddiannus a bod hynny yn ei dro yn peri i bobl beidio â rhoi gwybod am droseddau baw c?n. Fodd bynnag, pwysleisiwyd y gallai achwynwyr fod yn ddienw drwy roi gwybodaeth am leoliad achosion rheolaidd yn cynnwys diwrnodau ac amserau er mwyn i adnoddau gael eu cyfeirio i'r mannau iawn, gan arwain o bosibl at erlyniad.

Gofynnwyd a oedd yn bosibl rhoi rhagor o gyhoeddusrwydd i'r ffaith fod baw c?n yn drosedd.  Dywedodd y Rheolwr Gorfodi Materion Amgylcheddol fod y wasg a'r cyfryngau cymdeithasol yn cael eu defnyddio cymaint â phosibl. Eglurwyd i'r Pwyllgor enghreifftiau o ymgyrchoedd diweddar.

Nodwyd bod Cyngor Cymuned Llanboidy wedi datblygu taflen/poster i godi ymwybyddiaeth fod baw ci yn drosedd a sut i roi gwybod am droseddwyr. Canmolwyd hyn gan y Rheolwr Gorfodi Materion Amgylcheddol, ynghyd ag unrhyw fath o fenter i ddileu'r broblem o safbwynt ataliol.  Fel enghraifft o arfer gorau, roedd y Pwyllgor yn dymuno gofyn i Gyngor Cymuned Llanboidy a ellid anfon copi at y Pwyllgor a'r Swyddogion.

• O ran yr hysbysiad cosb presennol, holwyd a oedd yn ddigon uchel i atal y broblem. Eglurodd y Rheolwr Gorfodi Materion Amgylcheddol fod y gosb benodedig o £100 wedi'i chyfyngu gan y gyfraith ond nad oedd gan yr Awdurdod unrhyw rym i gynyddu'r swm.

At hynny dywedodd y Rheolwr Gorfodi Materion Amgylcheddol ei fod, yn dilyn cytundeb gyda'r Heddlu, wedi cwblhau hyfforddi Swyddogion Cymorth Cymunedol yr Heddlu drwy gydol y sir yn ddiweddar, a oedd yn eu galluogi i fod yn swyddogion gorfodi ar ran yr Awdurdod.

• Mewn ymateb i ymholiad ynghylch cerbydau oedd ar werth wrth ochr y ffordd, dywedodd y Rheolwr Gorfodi Materion Amgylcheddol er nad oedd yn drosedd gwerthu cerbyd wrth ochr y ffordd, ei bod yn anghyfreithlon i un person werthu dau gar neu fwy ar yr un darn o'r ffordd h.y. o fewn 500 metr i'w gilydd. Bwriad y ddeddfwriaeth hon oedd gwaredu delwyr ceir wrth ochr y ffordd.

• Dywedwyd fod sbwriel ger siopau bwyd brys yn broblem gynyddol. Esboniodd Pennaeth y Gwasanaethau Amgylcheddol a Gwastraff fod yr Adran Gwastraff yn gweithio'n agos gyda siopau bwyd brys ledled y sir ar hyn o bryd, a oedd yn cynnwys trafodaethau ynghylch darparu biniau sbwriel.

PENDERFYNWYD YN UNFRYDOL dderbyn yr adroddiad diweddaru ynghylch Gweithgareddau Gorfodi Materion Amgylcheddol.