Agenda a Chofnodion

Derbyniwyd ymddiheuriadau am absenoldeb gan y Cynghorydd H.A.L. Evans a chydymdeimlodd y Cadeirydd â'r Cynghorydd Evans a'i theulu, yn dilyn marwolaeth ei mam yn ddiweddar. 

NI DDYLID CYHOEDDI'R ADRODDIAD SY'N YMWNEUD Â'R MATER CANLYNOL GAN EI FOD YN CYNNWYS GWYBODAETH EITHRIEDIG FEL Y'I DIFFINIWYD YM MHARAGRAFF 12 O RAN 4 O ATODLEN 12A I DDEDDF LLYWODRAETH LEOL 1972 FEL Y'I DIWYGIWYD GAN ORCHYMYN LLYWODRAETH LEOL (MYNEDIAD AT WYBODAETH) (AMRYWIO) (CYMRU) 2007. OS BYDD Y PANEL  AR ÔL CYNNAL PRAWF LLES Y CYHOEDD YN PENDERFYNU YN UNOL Â'R DDEDDF, I YSTYRIED Y MATER HON YN BREIFAT, GORCHMYNNIR I'R CYHOEDD ADAEL Y CYFARFOD YN YSTOD TRAFODAETH O'R FATH.

PENDERFYNWYD YN UNFRYDOL yn unol â Deddf Llywodraeth Leol 1972, fel y’i diwygiwyd gan Orchymyn Llywodraeth Leol (Mynediad at Wybodaeth) (Amrywio) (Cymru) 2007, na fyddai’r eitem ganlynol yn cael ei chyhoeddi, gan fod yr adroddiad yn cynnwys gwybodaeth eithriedig fel y’i diffiniwyd ym Mharagraff 12 o Ran 4 o Atodlen 12A i’r Ddeddf.

Yn sgil gweithredu’r prawf budd y cyhoedd PENDERFYNWYD YN UNFRYDOL, yn unol â’r Ddeddf y cyfeiriwyd ati yng Nghofnod 3 uchod, beidio â chyhoeddi cynnwys yr adroddiad am ei fod yn cynnwys gwybodaeth eithriedig ynghylch unigolyn penodol.

Yr oedd y prawf budd y cyhoedd mewn perthynas â’r mater hwn yn ymwneud â’r ffaith fod yr adroddiad yn cynnwys gwybodaeth bersonol mewn perthynas â’r ymgeisydd. Er y byddai datgelu’r wybodaeth yn ategu tryloywder ac atebolrwydd o ran y broses gwneud penderfyniad, yr oedd y budd i’r cyhoedd o ran cadw cyfrinachedd yn drech na’r budd i’r cyhoedd o ran datgelu’r wybodaeth, am fod angen diogelu hunaniaeth yr ymgeisydd a’i deulu/theulu.

Roedd y Cynghorydd G.O. Jones wedi datgan buddiant yn yr eitem hon yn gynharach gan ei fod yn Gadeirydd y Llywodraethwyr yn Ysgol Bro Myrddin, Caerfyrddin ar hyn o bryd. Dywedodd y Cynghorydd Jones wrth y Panel ei fod wedi cael cyngor cyfreithiol yn cadarnhau na fyddai hynny’n ei atal rhag ystyried yr apêl.

Croesawodd y Cadeirydd swyddogion o’r Gwasanaethau Cyfreithiol ac Adran yr Amgylchedd i’r cyfarfod.

Bu’r Pwyllgor yn ystyried sylwadau ysgrifenedig yr apelydd mewn perthynas â phenderfyniad Panel Adolygu Cam 1 i wrthod darparu cludiant am ddim i’r ysgol ar gyfer M.A.J gan nad yr ysgol honno oedd yr un agosaf nac ychwaith ysgol ddynodedig yr Awdurdod Addysg Lleol ar gyfer cyfeiriad y cartref, ac nad oedd felly’n cydymffurfio â’r meini prawf ym mholisi’r Cyngor ar gyfer rhoi cymorth.

Ystyriodd y Panel sylwadau’r swyddogion adrannol a gofynnwyd am eglurhad ynghylch elfennau o Bolisi yr Awdurdod o ran Cludiant o’r Cartref i’r Ysgol ynghyd ag amgylchiadau unigol yr achos.

PENDERFYNWYD YN UNFRYDOL fod yr apêl yn cael ei chadarnhau oherwydd amgylchiadau unigol eithriadol yr achos.