Agenda a Chofnodion

Derbyniwyd ymddiheuriadau am absenoldeb gan y Cynghorydd J.E. Williams.

[Sylwer: Yn unol â pharagraff 8a yng Nghôd Ymddygiad yr Aelodau, gadawodd y Cynghorydd Gareth Thomas y cyfarfod cyn bod yr eitem yn cael ei thrafod a phenderfynu arno.

Cyfeiriodd yr Uwch-swyddog Rheoli Datblygu (Rhanbarth y De) at ymweliad preifat â'r safle gan y Pwyllgor yn gynharach y diwrnod hwnnw (gweler cofnod 3.1 cyfarfod y Pwyllgor Cynllunio ar 11 Ionawr 2018), er mwyn i'r Pwyllgor asesu gwelededda mynediad i'r safle o Heol y Fforest.  Cyfeiriodd, gyda chymorth sleidiau PowerPoint, at adroddiad ysgrifenedig y Pennaeth Cynllunio a oedd yn rhoi arfarniad o'r safle ynghyd â disgrifiad o'r datblygiad, crynodeb o'r ymatebion a gafwyd i'r ymgynghoriad a gwybodaeth am y polisïau lleol a chenedlaethol a oedd yn berthnasol wrth asesu'r cais.

Rhoddwyd gwybod i'r Pwyllgor fod y Pennaeth Cynllunio yn argymell cymeradwyo'r cais am y rhesymau a nodwyd yn ei hadroddiad ysgrifenedig.

Cafwyd sylwadau a wrthwynebai'r cais ac a ailbwysleisiai'r gwrthwynebiadau a oedd wedi'u nodi yn Adroddiad y Pennaeth Cynllunio lle roedd prif bwyslais y gwrthwynebiadau yn canolbwyntio ar bryderon ynghylch y pwll casglu d?r a'r cefnfur, yr effaith ar gymeriad Ardal Tirwedd Arbennig Dyffryn Llwchwr yn gyffredinol, ynghyd â chapasiti cyffordd Clos Benallt â'r A48.

Ymatebodd yr Ymgeisydd, yr Uwch-swyddog Rheoli Datblygu a'r Peiriannydd Cynorthwyol (Cydgysylltu Cynllunio) i'r materion a godwyd.

PENDERFYNWYD:-

3.1.1    gwrthod cais cynllunio S/35215 yn groes i argymhelliad y Pennaeth Cynllunio gan fod y Pwyllgor yn barnu bod y datblygiad yn groes i bolisïau'r Cynllun Datblygu Lleol, sef EQ6, TR3 a Nodyn Cyngor Technegol 12;

3.1.2.  bod y Pennaeth Cynllunio yn cyflwyno adroddiad mewn cyfarfod yn y dyfodol, i'w gymeradwyo gan y Pwyllgor, yn manylu ar y rhesymau cynllunio dros wrthod y cais a hynny'n seiliedig ar yr uchod.

Cyfeiriodd yr Uwch-swyddog Rheoli Datblygu (Rhanbarth y De) at ymweliad preifat â'r safle gan y Pwyllgor yn gynharach y diwrnod hwnnw (gweler cofnod 3.2 cyfarfod y Pwyllgor Cynllunio ar 11 Ionawr 2018) er mwyn galluogi'r Pwyllgor i weld y safle i gael gwell amcan o leoliad y clwb nos arfaethedig mewn perthynas â'r eiddo cyfagos.

Cyfeiriodd, gyda chymorth sleidiau PowerPoint, at adroddiad ysgrifenedig y Pennaeth Cynllunio a oedd yn rhoi arfarniad o'r safle ynghyd â disgrifiad o'r datblygiad, crynodeb o'r ymatebion a gafwyd i'r ymgynghoriad a gwybodaeth am y polisïau lleol a chenedlaethol a oedd yn berthnasol wrth asesu'r cais.

Rhoddwyd gwybod i'r Pwyllgor fod y Pennaeth Cynllunio yn argymell cymeradwyo'r cais am y rhesymau a nodwyd yn ei hadroddiad ysgrifenedig.

Daeth sylw a wrthwynebai'r cais i law gan yr aelod lleol, ac a ailbwysleisiai'r gwrthwynebiadau y manylwyd arnynt yn adroddiad y Pennaeth Cynllunio. Ymatebodd yr Uwch-swyddog Rheoli Datblygu i'r materion a godwyd.

PENDERFYNWYD caniatáu cais cynllunio S/35962, yn amodol ar yr amodau y manylwyd arnynt yn adroddiad ysgrifenedig y Pennaeth Cynllunio.

Cyfeiriodd yr Uwch-swyddog Rheoli Datblygu (Rhanbarth y De) at ymweliad preifat â'r safle gan y Pwyllgor yn gynharach y diwrnod hwnnw (gweler cofnod 3.2 cyfarfod y Pwyllgor Cynllunio ar 11 Ionawr 2018) er mwyn galluogi'r Pwyllgor i asesu a allai'r cynnig gael effaith niweidiol ar amwynder yr eiddo cyfagos o ran colli golau, ac ystyried cymeriad y cynnig mewn perthynas â'r ardal.  Cyfeiriodd, gyda chymorth sleidiau PowerPoint, at adroddiad ysgrifenedig y Pennaeth Cynllunio a oedd yn rhoi arfarniad o'r safle ynghyd â disgrifiad o'r datblygiad, crynodeb o'r ymatebion a gafwyd i'r ymgynghoriad a gwybodaeth am y polisïau lleol a chenedlaethol a oedd yn berthnasol wrth asesu'r cais.

Rhoddwyd gwybod i'r Pwyllgor fod y Pennaeth Cynllunio yn argymell cymeradwyo'r cais am y rhesymau a nodwyd yn ei hadroddiad ysgrifenedig.

Cafwyd sylwadau a wrthwynebai'r cais ac a ailbwysleisiai'r gwrthwynebiadau a oedd wedi'u nodi yn adroddiad y Pennaeth Cynllunio; roedd y prif feysydd a oedd yn peri pryder yn ymwneud â natur ormesol yr estyniad a cholli golau, ynghyd â phryderon y byddai'r cais yn arwain at newid cymeriad golwg y stryd yng Nghoedlan Parc y Strade.

Ymatebodd yr Ymgeisydd a'r Uwch-swyddog Rheoli Datblygu i'r materion a godwyd.

PENDERFYNWYD gwrthod cais cynllunio S/36429 yn groes i argymhelliad y Pennaeth Cynllunio oherwydd bod y Pwyllgor o'r farn bod y datblygiad yn groes i bolisi Cynllun Datblygu Lleol GP6 ar y sail y byddai amwynder yr estyniad arfaethedig yn cael effaith niweidiol ar yr eiddo cyfagos o ran colli golau.

[Sylwer: Nid oedd y Cynghorydd Joseph Davies yn bresennol yn y Pwyllgor Cynllunio a gynhaliwyd ar 11 Rhagfyr 2017 ac felly nid oedd wedi cyfrannu at y broses o benderfynu neu bleidleisio ar benderfyniad y cais.]

Cyfeiriodd yr Uwch-swyddog Rheoli Datblygu (Rhanbarth y De) at ymweliad preifat â'r safle gan y Pwyllgor yn gynharach y diwrnod hwnnw (gweler cofnod 3.2 cyfarfod y Pwyllgor Cynllunio ar 11 Ionawr 2018), er mwyn galluogi'r Pwyllgor i gael golwg ar y safle a'i fynediad yn sgil y pryderon a fynegwyd ynghylch diogelwch ffyrdd.  Cyfeiriodd, gyda chymorth sleidiau PowerPoint, at adroddiad ysgrifenedig y Pennaeth Cynllunio a oedd yn rhoi arfarniad o'r safle ynghyd â disgrifiad o'r datblygiad, crynodeb o'r ymatebion a gafwyd i'r ymgynghoriad a gwybodaeth am y polisïau lleol a chenedlaethol a oedd yn berthnasol wrth asesu'r cais.

Rhoddwyd gwybod i'r Pwyllgor fod y Pennaeth Cynllunio yn argymell gwrthod y cais am y rhesymau a nodwyd yn ei hadroddiad ysgrifenedig hi.

Rhoddodd yr aelod lleol a oedd yn cefnogi'r cais wybod bod yr ymgeisydd bellach wedi llofnodi'r adran 106 a bod y cymydog ar ochr dde'r eiddo yn agored i drafod unrhyw ddatblygiadau gofynnol.

Ymatebodd y Peiriannydd Cynorthwyol (Cydgysylltu Cynllunio) i'r ymholiadau a godwyd mewn perthynas â'r posibilrwydd o wella gwelededd ar dir trydydd parti ar y safle.

PENDERFYNWYD YN UNFRYDOL ohirio'r cais cynllunio er mwyn galluogi'r swyddog achos i gysylltu â'r ymgeisydd i drafod y posibilrwydd o wella gwelededd dros dir trydydd parti gerllaw.

PENDERFYNWYD YN UNFRYDOL lofnodi bod cofnodion y cyfarfod a gynhaliwyd ar
1 Rhagfyr 2017 yn gofnod cywir.

PENDERFYNWYD YN UNFRYDOL lofnodi bod cofnodion y cyfarfod a gynhaliwyd ar
14 Rhagfyr 2017 yn gofnod cywir.