Agenda a Chofnodion

Derbyniwyd ymddiheuriadau am absenoldeb gan y Cynghorwyr L. Roberts a D. E. Williams.

Ni chafwyd datganiadau o fuddiant personol.

PENDERFYNWYD YN UNFRYDOL lofnodi cofnodion cyfarfod y Pwyllgor Trwyddedu a gynhaliwyd ar 23 Ionawr 2024, gan eu bod yn gywir.

NI DDYLID CYHOEDDI’R ADRODDIADAU SY’N YMWNEUD Â’R MATERION CANLYNOL GAN EU BOD YN CYNNWYS GWYBODAETH EITHRIEDIG FEL Y’I DIFFINIWYD YM MHARAGRAFF 12 O RAN 4 O ATODLEN 12A I DDEDDF LLYWODRAETH LEOL 1972 FEL Y’I DIWYGIWYD GAN ORCHYMYN LLYWODRAETH LEOL (MYNEDIAD AT WYBODAETH) (AMRYWIO) (CYMRU) 2007 GAN EI FOD YN CYNNWYS GWYBODAETH AM UNIGOLYN PENODOL.

OS BYDD Y PWYLLGOR, AR ÔL CYNNAL PRAWF LLES Y CYHOEDD, YN PENDERFYNU YN UNOL Â’R DDEDDF, I YSTYRIED Y MATERION HYN YN BREIFAT, GORCHMYNNIR I’R CYHOEDD ADAEL Y CYFARFOD YN YSTOD TRAFODAETH O’R FATH.

PENDERFYNWYD, yn unol â Deddf Llywodraeth Leol 1972, fel y'i newidiwyd gan Orchymyn Llywodraeth Leol (Mynediad at Wybodaeth) (Amrywio) (Cymru) 2007, orchymyn i'r cyhoedd adael y cyfarfod tra oedd yr eitemau canlynol yn cael eu hystyried, gan fod yr adroddiadau'n cynnwys gwybodaeth eithriedig fel y'i diffiniwyd ym mharagraff 12 o Ran 4 o Atodlen 12A i'r Ddeddf.

Ystyried cais gan Mr Charles Wynne Jones o 90 Waun Burgess, Caerfyrddin am Drwydded Yrru Ddeuol ar gyfer Cerbyd Hacnai/Hurio Preifat.

Rhoddodd yr Uwch-swyddog Trwyddedu wybod i aelodau'r Pwyllgor am y materion a oedd wedi codi mewn perthynas â'i drwydded. 

Bu'r Pwyllgor yn cyfweld â Mr Jones ynghylch y materion a godwyd gan yr Uwch-swyddog Trwyddedu.

Argymhellodd yr Uwch-swyddog Trwyddedu fod cais Mr Jones yn cael ei ganiatáu a'i fod yn cael rhybudd ynghylch ei ymddygiad yn y dyfodol.

PENDERFYNWYD caniatáu cais Mr Charles Wynne Jones am Drwydded Yrru Ddeuol ar gyfer Cerbyd Hacnai/Hurio Preifat a'i fod yn cael rhybudd ynghylch ei ymddygiad yn y dyfodol.

Rhoddwyd gwybod i'r Pwyllgor fod Miss Samantha Beryl Griffiths o 105 Amanwy, Llanelli yn meddu ar Drwydded Yrru Ddeuol ar gyfer Cerbyd Hacnai/Hurio Preifat gyda'r awdurdod.  Rhoddodd yr Uwch-swyddog Trwyddedu wybod i'r Pwyllgor am y materion a oedd wedi codi mewn perthynas â thrwydded Miss Griffiths.

Bu'r Pwyllgor yn cyfweld â Miss Griffiths ynghylch y materion a godwyd gan yr Uwch-swyddog Trwyddedu.  Cafwyd sylwadau ar lafar hefyd gan gynrychiolydd Heddlu Dyfed-Powys.

Argymhellodd yr Uwch-swyddog Trwyddedu fod trwydded Miss Griffiths yn cael ei dirymu.

Ar hynny

PENDERFYNODD y Pwyllgor YN UNFRYDOL gynnal sesiwn preifat er mwyncael cyngor cyfreithiol yn unol â Pharagraff 16 o Atodlen 12A i Ddeddf Llywodraeth Leol 1972.

Ar ôl y toriad, ailymgynullodd y Pwyllgor i roi ei benderfyniad.

PENDERFYNWYD atal Trwydded Yrru Ddeuol Miss Samantha Beryl Griffiths ar gyfer Cerbyd Hacnai/Hurio Preifat tan 30 Mai 2024 er mwyn galluogi Miss Griffiths i ddarparu tystiolaeth feddygol ynghylch ei ffitrwydd i feddu ar drwydded.

Rheswm

Mae'r ffeithiau a amlinellwyd i'r Pwyllgor yn rhoi achos rhesymol dros atal y drwydded ond ni fyddai ei dirymu yn ymateb cymesur.

Rhoddwyd gwybod i'r Pwyllgor fod Mr Daniel James Morse o 9 Stryd Robinson Uchaf, Llanelli yn meddu ar Drwydded Yrru Ddeuol ar gyfer Cerbyd Hacnai/Hurio Preifat gyda'r awdurdod. .

Dywedodd yr Uwch-swyddog Trwyddedu nad oedd Mr Morse yn bresennol ac y dylai'r Pwyllgor ystyried yr achos yn ei absenoldeb.

Rhoddodd yr Uwch-swyddog Trwyddedu wybod i'r Pwyllgor am y materion a oedd wedi codi mewn perthynas â thrwydded Mr Morse ac argymhellodd fod trwydded Mr Morse yn cael ei dirymu.

PENDERFYNWYD YN UNFRYDOL ddirymu Trwydded Yrru Ddeuol Mr Daniel James Morse ar gyfer Cerbyd Hacnai/Hurio Preifat.

Rheswm

Roedd y ffeithiau a amlinellwyd i'r Pwyllgor yn rhoi achos rhesymol dros ddirymu'r drwydded.

Rhoddwyd gwybod i'r Pwyllgor fod Mr Edward Wallace Herbert o 37 Parc y Bryn, Caerfyrddin yn meddu ar Drwydded Yrru Ddeuol ar gyfer Cerbyd Hacnai/Hurio Preifat gyda'r awdurdod.

Dywedodd yr Uwch-swyddog Trwyddedu nad oedd Mr Herbert yn bresennol ac y dylai'r Pwyllgor ystyried yr achos yn ei absenoldeb.

Rhoddodd yr Uwch-swyddog Trwyddedu wybod i'r Pwyllgor am y materion a oedd wedi codi mewn perthynas â thrwydded Mr Herbert.

Argymhellodd yr Uwch-swyddog Trwyddedu fod trwydded Mr Herbert yn cael ei dirymu.

PENDERFYNWYD YN UNFRYDOL ddirymuTrwydded Yrru Ddeuol Mr Edward Wallace Herbert ar gyfer Cerbyd Hacnai/Hurio Preifat.

Rheswm

Roedd y ffeithiau a amlinellwyd i'r Pwyllgor yn rhoi achos rhesymol dros ddirymu'r drwydded.

Rhoddwyd gwybod i'r Pwyllgor fod Mr Simon Martin Vaughan o 9 Carregaman Isaf, Rhydaman yn meddu ar drwydded yrru ddeuol ar gyfer cerbyd hacnai/hurio preifat gyda'r awdurdod. 

Dywedodd yr Uwch-swyddog Trwyddedu nad oedd Mr Vaughan yn bresennol ac y dylai'r Pwyllgor ystyried yr achos yn ei absenoldeb.

Rhoddodd yr Uwch-swyddog Trwyddedu wybod i'r Pwyllgor am y materion a oedd wedi codi mewn perthynas â thrwydded Mr Vaughan.

Argymhellodd yr Uwch-swyddog Trwyddedu fod trwydded Mr Vaughan yn cael ei dirymu.

PENDERFYNWYD YN UNFRYDOL ddirymu Trwydded Yrru Ddeuol Mr Simon Martin Vaughan ar gyfer Cerbyd Hacnai/Hurio Preifat.

Rheswm

Roedd y ffeithiau a amlinellwyd i'r Pwyllgor yn rhoi achos rhesymol dros ddirymu'r drwydded.