Agenda a Chofnodion

Derbyniwyd ymddiheuriadau am absenoldeb gan y Cynghorwyr P. Edwards, M.K. Thomas a J. Thomas

Bu'r Pwyllgor yn ystyried cais gan Mr. David Mark Jones-Dunstall o South Wales Travel, Bwthyn y Coed, 1 Dôl y Dderwen, Bonllwyn, Rhydaman, Sir Gaerfyrddin am gael ei eithrio o Amodau 5a a 5b o Amodau'r Cyngor o ran Trwyddedu Cerbydau Hurio Preifat yn achos ei Renault Grand Scenic â'r rhif cofrestru YT62 SYV.

Gan ei fod yn bwriadu defnyddio'r cerbyd hwn ar gyfer gwasanaeth hurio dethol a busnes yn unig, yr oedd Mr. Jones-Dunstall wedi gofyn am gael ei eithrio o Amodau 5a a 5b o Amodau'r Cyngor ar gyfer Trwyddedu Cerbydau Hurio Preifat, sef na fyddai'n ofynnol iddo arddangos sticeri ar y drysau na phlât trwyddedu ar y bympar ôl. Yn y gorffennol yr oedd yr eithriad hwn wedi cael ei ganiatáu i Mr. Jones-Dunstall ar gyfer cerbyd arall oedd yn cael eu defnyddio ganddo.

Dywedodd Rheolwr Gwasanaethau Iechyd y Cyhoedd, petai'r Pwyllgor Trwyddedu yn cytuno i eithrio Mr Jones-Dunstall o Amodau 5a a 5b o Amodau Trwyddedu y Cyngor ar gyfer Cerbydau Hurio Preifat, y byddai'r Amodau Trwyddedu canlynol yn cael eu hychwanegu at y drwydded:-

(i) Bod y cerbyd trwyddedig, sef Renault Grand Scenic ac iddo'r rhif cofrestru YT62 SYV, yn cael ei eithrio o amodau trwyddedu 5a a 5b tra byddai'n cael ei ddefnyddio ar gyfer gwasanaeth hurio dethol a busnes, fel yr amlinellwyd yn y cais gan Mr Jones-Dunstall;

(ii) Petai'r cerbyd yn cael ei ddefnyddio ar gyfer hurio preifat, yn hytrach na hurio dethol, bod yr ymgeisydd yn rhoi gwybod ar unwaith i'r Awdurdod Trwyddedu a bod yr eithriad yn darfod o ran dibenion hurio o'r fath;

(iii) Bod y cerbyd yn arddangos disg adnabod ar y ffenestr flaen a'r ffenestr ôl, fel y pennwyd gan yr Awdurdod Trwyddedu.

PENDERFYNWYD YN UNFRYDOL fod y cais a gyflwynwyd gan Mr. David Mark Jones-Dunstall am gael ei eithrio o Amodau 5a a 5b o Amodau Trwyddedu y Cyngor ar gyfer Trwyddedu Cerbydau Hurio Preifat ar gyfer ei gerbyd Renault Grand Scenic ac iddo'r rhif cofrestru YT62 SYV yn cael ei ganiatáu yn unol â'r amodau y manylwyd arnynt yn yr adroddiad.

Bu'r Pwyllgor yn ystyried cais gan Mrs. Linda Victoria Morgan, 72 Heol Cwmfelin, y Bynea, Llanelli am adnewyddu ei Thrwydded Yrru Ddeuol ar gyfer Cerbyd Hacnai/Hurio Preifat.

Rhoddwyd gwybod i'r Pwyllgor fod Mrs. Morgan yn 70 oed, a bod Amod 25 o Amodau'r Cyngor mewn perthynas â Thrwyddedau Gyrru Deuol ar gyfer Cerbydau Hacnai/Hurio Preifat yn datgan "Mae'n rhaid i'r gyrrwr fod yn un ar hugain oed o leiaf ac mae'n rhaid iddo/iddi beidio â bod yn h?n na saith deg oed”.

Yr oedd Mrs. Morgan wedi cyflwyno tystysgrif feddygol oedd yn cadarnhau ei bod yn iach i yrru Cerbyd Hacnai/Hurio Preifat.

Yna

PENDERFYNODD Y PWYLLGOR YN UNFRYDOL fod y cais gan Mrs. Linda Victoria Morganam adnewyddu ei Thrwydded Yrru Ddeuol ar gyfer Cerbyd Hacnai/Hurio yn cael ei ganiatáu.

Atgoffwyd y Pwyllgor ei fod wedi gohirio ystyried y cais hwn a hynny am yr eildro yn y cyfarfod oedd wedi ei gynnal ar 5^ed Ionawr, 2016 (gweler cofnod 4) gan nad oedd Mr. Marling wedi dod i'r cyfarfod.  Er nad oedd Mr. Marling yn bresennol heddiw eto, dywedodd Rheolwr Gwasanaethau Iechyd y Cyhoedd ei fod wedi cael gwybod pe na bai'n bresennol y byddid yn rhoi sylw i'w gais yn ei absenoldeb.

Bu'r Pwyllgor yn ystyried y cais gan Mr. Andrew Stuart Marling, 54 Parc y Bryn, Caerfyrddin am Drwydded Yrru Ddeuol ar gyfer Cerbyd Hacnai/Hurio Preifat. 

Argymhellodd Rheolwr Gwasanaethau Iechyd y Cyhoedd fod cais Mr. Marling yn cael ei ganiatáu a'i fod yn cael rhybudd ynghylch ei ymddygiad yn y dyfodol.

Gan fod yn ymwybodol o argymhelliad Rheolwr Gwasanaethau Iechyd y Cyhoedd a'r materion a godwyd ganddi ynghylch cais Mr. Marling, mynegodd y Pwyllgor bryder ynghylch bod yr ymgeisydd wedi methu dod i'r cyfarfod i egluro ei gais ac nad oedd wedi bod yn ddigon cwrtais i gysylltu â'r swyddogion ynghylch ei amgylchiadau. Felly

PENDERFYNWYD, yn unol â chanllawiau'r Cyngor, wrthod cais Mr. Andrew Stuart Marling am Drwydded Yrru Ddeuol ar gyfer Cerbyd Hacnai/Hurio Preifat.

Y Rhesymau

Ar sail y dystiolaeth a gyflwynwyd ac oherwydd bod yr ymgeisydd heb fod yn bresennol dro ar ôl tro, nid oedd y Pwyllgor, yn unol ag Adran 51 o Ddeddf Llywodraeth Leol (Darpariaethau Amrywiol) 1976, yn fodlon bod yr ymgeisydd yn rhywun addas a phriodol i feddu ar drwydded.

(NODER: Gan iddo ddatgan buddiant yn y cais hwn yn gynharach, nid oedd y Cynghorydd T. Bowen yn bresennol tra trafodid y cais).

Bu'r Pwyllgor yn ystyried cais gan Mr. Damian Hugh McCauley, 6 Heol Tregonig, y Morfa, Llanelli am Drwydded Yrru Ddeuol ar gyfer Cerbyd Hacnai/Hurio Preifat. 

Roedd Mr. McCauley yng nghwmni cyflogwr posibl, sef Mrs. Rees.  Bu'r Pwyllgor yn cyfweld â Mr. McCauley ynghylch ei gais, a chafodd dystlythyr gan Mrs. Rees, a sylwadau gan gynrychiolydd yr heddlu.       

Argymhellodd Rheolwr Gwasanaethau Iechyd y Cyhoedd fod cais Mr. McCauley yn cael ei wrthod.

Ar hynny,

PENDERFYNODD y Pwyllgor gynnal sesiwn preifat er mwyn cael cyngor cyfreithiol yn unol â Pharagraff 16 o Atodlen 12A i Ddeddf Llywodraeth Leol 1972.

Ar ôl y toriad, ailymgynullodd y Pwyllgor i roi ei benderfyniad.

PENDERFYNWYD yn unol â chanllawiau'r Cyngor, ganiatáu cais Mr. Damian Hugh McCauley am  Drwydded Yrru Ddeuol ar gyfer Cerbyd Hacnai/Hurio Preifat.

Y Rheswm

Ar sail y dystiolaeth a gyflwynwyd, yr oedd y Pwyllgor yn fodlon bod yr ymgeisydd yn rhywun addas a phriodol i feddu ar drwydded.

Bu'r Pwyllgor yn ystyried cais gan Mr. Daniel David Arthur, 39 Coedlan Denham, Llanelli, am drwydded yrru ddeuol ar gyfer Cerbyd Hacnai/Hurio Preifat. 

Roedd Mr. Arthur yng nghwmni ei rieni. Bu'r Pwyllgor yn cyfweld â Mr. Arthur ynghylch ei gais, a chafodd dystlythyr gan ei dad, a sylwadau gan gynrychiolydd yr heddlu. 

Argymhellodd Rheolwr Gwasanaethau Iechyd y Cyhoedd fod cais Mr. Arthur yn cael ei wrthod.

Ar hynny,

PENDERFYNODD y Pwyllgor gynnal sesiwn preifat er mwyn cael cyngor cyfreithiol yn unol â Pharagraff 16 o Atodlen 12A i Ddeddf Llywodraeth Leol 1972.

Ar ôl y toriad, ailymgynullodd y Pwyllgor i roi ei benderfyniad.

PENDERFYNWYD, yn unol â chanllawiau'r Cyngor, ganiatáu cais Mr. Daniel David Arthur am Drwydded Yrru Ddeuol ar gyfer Cerbyd Hacnai/Hurio Preifat a rhoi rhybudd iddo ynghylch ei ymddygiad yn y dyfodol.   

Y Rheswm

Ar sail y dystiolaeth a gyflwynwyd, yr oedd y Pwyllgor yn fodlon bod yr ymgeisydd yn rhywun addas a phriodol i feddu ar drwydded.

Bu'r Pwyllgor yn ystyried cais gan Mr. Sean Patrick Doherty, 2 Rhes-y-Glob, Dafen, Llanelli, am drwydded yrru ddeuol ar gyfer Cerbyd Hacnai/Hurio Preifat.     

Bu'r Pwyllgor yn cyfweld â Mr. Doherty

 ynghylch ei gais a chafodd sylwadau gan gynrychiolydd yr heddlu.  Darllenodd Rheolwr Gwasanaethau Iechyd y Cyhoedd lythyr i'r Pwyllgor yn cefnogi Mr. Doherty.

Argymhellodd Rheolwr Gwasanaethau Iechyd y Cyhoedd fod cais Mr. Doherty yn cael ei wrthod.

Ar hynny,

PENDERFYNODD y Pwyllgor gynnal sesiwn preifat er mwyn cael cyngor cyfreithiol yn unol â Pharagraff 16 o Atodlen 12A i Ddeddf Llywodraeth Leol 1972.

Ar ôl y toriad, ailymgynullodd y Pwyllgor i roi ei benderfyniad.

PENDERFYNWYD, yn unol â chanllawiau'r Cyngor, ganiatáu cais Mr. Sean Patrick Doherty am Drwydded Yrru Ddeuol ar gyfer Cerbyd Hacnai/Hurio Preifat a rhoi rhybudd iddo ynghylch ei ymddygiad yn y dyfodol.   

Y Rheswm

Ar sail y dystiolaeth a gyflwynwyd, yr oedd y Pwyllgor yn fodlon bod yr ymgeisydd yn rhywun addas a phriodol i feddu ar drwydded.

Atgoffwyd y Pwyllgor ei fod yn ei gyfarfod ar 5^ed Ionawr 2016 (gweler cofnod 11) wedi penderfynu gohirio ystyried y cais am Drwydded Yrru Ddeuol ar gyfer Cerbyd Hacnai/Hurio Preifat a gyflwynwyd gan Mr. Jamie Lee Goodier o Asheldon, Heol yr Orsaf, Sanclêr, tan ei gyfarfod nesaf. Dywedodd Rheolwr Gwasanaethau Iechyd y Cyhoedd er y rhoddwyd gwybod i Mr. Goodier am y cyfarfod ac er iddo gael gwahoddiad i fod yn bresennol, nad oedd wedi dod i'r cyfarfod ac nad oedd wedi rhoi gwybod i swyddogion am unrhyw reswm dros beidio â bod yn bresennol. 

PENDERFYNWYD ohirio ymhellach ystyried cais Mr. Jamie Lee Goodier am Drwydded Yrru Ddeuol ar gyfer Cerbyd Hacnai/Hurio Preifat tan gyfarfod nesaf y Pwyllgor ynghyd â rhoi gwybod i Mr. Goodier y byddid yn penderfynu ar y cais yn ei absenoldeb pe bai'n methu dod i'r cyfarfod hwnnw.

PENDERFYNWYD YN UNFRYDOL lofnodi bod cofnodion cyfarfod y Pwyllgor Trwyddedu a gynhaliwyd ar 5^ed Ionawr 2016 yn gofnod cywir.