Agenda item
CAIS AM DRWYDDED SAFLE - KUBUS, 29 HEOL YR ORSAF, LLANELLI SA15 1AW
Cofnodion:
Rhoddodd Rheolwr y Gwasanaethau Cyfreithiol wybodaeth i bawb oedd yn bresennol am drefn y cyfarfod, a hysbysodd yr Is-bwyllgor fod cais wedi dod i law gan Mr Aram Mahmood am drwydded safle ar gyfer Kubus, 29 Heol yr Orsaf, Llanelli i ganiatáu'r canlynol:
Cyflenwi Alcohol, oddi ar y safle - Dydd Llun i ddydd Sul 09:00-21:00;
Oriau Agor - Dydd Llun i ddydd Sul 09:00-21:00.
Nododd yr Is-bwyllgor fod y dogfennau canlynol ynghlwm wrth yr adroddiad:
· Atodiad A – Copi o'r cais;
· Atodiad B - Sylwadau'r Awdurdod Trwyddedu;
· Atodiad C – Sylwadau Heddlu Dyfed-Powys;
· Atodiad D - Sylwadau gan bobl eraill.
Nid oedd yr Awdurdodau Cyfrifol eraill wedi gwneud sylwadau mewn perthynas â'r cais. Cyfeiriwyd at y dogfennau ychwanegol a ddosbarthwyd ar ran cynrychiolydd yr ymgeisydd a’r heddlu ac nid oedd unrhyw wrthwynebiadau iddynt. Ar hynny, cyflwynwyd sylwadau i'r Is-bwyllgor gan y rhai oedd a wnelont â'r mater.
Cyfeiriodd cynrychiolydd yr Awdurdod Trwyddedu at ei sylwadau fel y manylwyd arnynt yn Atodiad B. Tynnwyd sylw, yn benodol, at y Polisi Effaith Gronnol yn ymwneud â rhan o Heol yr Orsaf, Llanelli, a fabwysiadwyd gyntaf gan yr Awdurdod ym mis Mawrth 2012 a'r ffaith bod y safle hefyd mewn ardal sy'n destun Gorchymyn Diogelu Mannau Agored Cyhoeddus. Rhoddwyd cyfle i'r holl bartïon holi cynrychiolydd yr Awdurdod Trwyddedu ynghylch y sylwadau a wnaed.
Cyfeiriodd cynrychiolwyr Heddlu Dyfed-Powys at eu sylwadau, fel y manylwyd arnynt yn Atodiad C i'r adroddiad, a oedd yn cynnwys amodau posibl, a'r dogfennau ychwanegol a ddosbarthwyd. Rhoddwyd cyfle i'r holl bartïon holi cynrychiolwyr Heddlu Dyfed-Powys ynghylch y sylwadau a wnaed.
Yna rhoddwyd cyfle i gynrychiolydd yr Ymgeisydd gyflwyno sylwadau ar ran yr ymgeisydd, a oedd yn bresennol, ac, yn benodol, cyfeiriodd at ail-greu trefn weithredu'r siop i leihau’r risgiau o ran troseddau a niwsans cyhoeddus ac amddiffyn plant. Rhoddwyd cyfle i'r holl bartïon oedd yn bresennol holi cynrychiolydd yr ymgeisydd ynghylch ei sylwadau.
PENDERFYNWYD YN UNFRYDOL gynnal sesiwn preifat er mwyn cael cyngor cyfreithiol yn unol â Pharagraff 16, Atodlen 12 i'r Ddeddf Llywodraeth Leol.
Ar ôl ystyried y paragraffau perthnasol o Ddatganiad Polisi Trwyddedu yr Awdurdod Trwyddedu a'r cyfarwyddyd a gyhoeddwyd gan yr Adran dros Ddiwylliant, y Cyfryngau a Chwaraeon (DCMS) a chan y Swyddfa Gartref:
PENDERFYNODD yr Is-bwyllgor, ar ôl ystyried yr holl dystiolaeth a roddwyd ger ei fron, y dylid gwrthod y cais.
Y RHESYMAU:
Wrth benderfynu ar y cais, roedd y ffeithiau canlynol yn hysbys i'r Is-bwyllgor:
- Mae 29 Heol yr Orsaf, Llanelli mewn ardal oedd wedi ei chlustnodi yn Natganiad Polisi Trwyddedu y Cyngor yn fan problemus o ran troseddau ac anhrefn ac mae'n destun Asesiad Effaith Gronnol (a adnewyddwyd yn 2021).
- Mae 21 o safleoedd trwyddedig yn yr un stryd sy'n ffurfio ardal yr asesiad effaith gronnol (sydd wedi gostwng o 24 yn 2012).
- Mae'r eiddo hefyd mewn ardal sy'n cael ei chynnwys mewn Gorchymyn Diogelu Mannau Agored Cyhoeddus sy'n ymwneud ag yfed ar y stryd. (Adnewyddwyd yn 2020)
- Mae lefelau troseddau ac anhrefn sy'n gysylltiedig ag alcohol yn parhau i fod yn uchel yn Heol yr Orsaf er bod ychydig llai o safleoedd trwyddedig.
- Mae problem benodol yn ymwneud â grwpiau mawr o bobl feddw sy’n ymgynnull ar y stryd, yn gweiddi, ac yn rhegi ac yn dychryn trigolion lleol.
- Mae tystiolaeth bod y troseddau a'r anhrefn sy'n gysylltiedig ag alcohol sydd dan sylw yn gysylltiedig â chrynodiad safleoedd trwyddedig yn y stryd honno.
- Nid oes trwydded safle mewn grym ar y safle ar hyn o bryd. Gwrthodwyd ceisiadau blaenorol yn 2013 a 2019 (cadarnhawyd y penderfyniad diwethaf yn dilyn apêl)
Roedd yr Is-bwyllgor yn rhoi pwys ar farn yr awdurdodau cyfrifol y byddai caniatáu'r cais yn tanseilio'r amcan trwyddedu o ran atal troseddau ac anhrefn.
Roedd yr Is-bwyllgor yn cydnabod bod yn rhaid i'w benderfyniad gael ei seilio ar dystiolaeth wirioneddol, ac nad oedd pryderon nac ofnau ynghylch yr hyn a allai ddigwydd pe caniateid trwydded, lle nad oedd tystiolaeth o'r fath i'w hategu, yn faterion y gallai roi ystyriaeth briodol iddynt.
Nododd yr Is-bwyllgor fod datganiad polisi trwyddedu y Cyngor yn creu rhagdybiaeth amodol na ddylid caniatáu'r cais hwn ac yn nodi mai dim ond mewn amgylchiadau eithriadol y dylid diystyru'r polisi. Nododd yr Is-bwyllgor ymhellach fod y polisi hefyd yn nodi bod honiadau y byddai safle trwyddedig yn cael ei reoli'n dda yn annhebygol o gyfiawnhau gwyro oddi wrth y polisi.
Cyfrifoldeb yr ymgeisydd felly oedd dangos pam na fyddai caniatáu trwydded ar gyfer y safle hwn yn tanseilio'r amcan trwyddedu o ran atal troseddau ac anhrefn.
Y cwestiwn allweddol oedd a fyddai ychwanegu safle trwyddedig arall at y crynodiad presennol yn Heol yr Orsaf yn tanseilio'r amcan trwyddedu o ran atal troseddau ac anhrefn. Y rhagdybiaeth yn y polisi trwyddedu oedd y byddai'n tanseilio'r amcan hwnnw. Ar sail y dystiolaeth a gyflwynwyd ger ei fron, roedd yr ymgeisydd wedi methu â dangos mewn modd a oedd yn bodloni'r Is-bwyllgor fod amgylchiadau eithriadol i'w cael i ddiystyru'r rhagdybiaeth honno a gwyro oddi wrth y polisi.
Roedd yr Is-bwyllgor wedi ystyried a fyddai'r amodau trwyddedu ychwanegol a gynigiwyd gan yr ymgeisydd yn hyrwyddo'n ddigonol yr amcan trwyddedu o ran atal troseddau ac anhrefn. O ystyried y dystiolaeth a gyflwynwyd am droseddau ac anhrefn sy'n gysylltiedig ag alcohol yn Heol yr Orsaf a'r strydoedd cyfagos, roedd yr Is-bwyllgor yn fodlon na fyddai amodau o'r fath yn ddigonol i hyrwyddo'r amcan trwyddedu hwnnw, pe bai trwydded yn cael ei rhoi.
Yn unol â hynny, roedd yr Is-bwyllgor yn fodlon y byddai caniatáu'r cais yn debygol o danseilio'r amcan trwyddedu o ran atal troseddau ac anhrefn ac felly gwrthododd y cais.
Roedd yr Is-bwyllgor yn fodlon bod gwrthod y cais yn ymateb priodol a chymesur i broblemau troseddau ac anhrefn sy'n gysylltiedig ag alcohol yn Heol yr Orsaf a'r strydoedd cyfagos.
Dogfennau ategol:
- CRYNODEB, eitem 2. PDF 246 KB
- Atodiad A, eitem 2. PDF 13 MB
- Atodiad B, eitem 2. PDF 258 KB
- Atodiad C, eitem 2. PDF 355 KB
- Atodiad D, eitem 2. PDF 202 KB
- Atodiad C(ii), eitem 2. PDF 193 KB
- Atodiad C(iii), eitem 2. PDF 446 KB
Cyngor a Democratiaeth
Y Cyngor
Cynghorwyr, ACau ac ASau
- Eich Cynghorydd Sir
- Strategaeth Cyfranogiad y Cyhoedd a'r Cynllun Deiseb
- Lwfansau a buddiannau cynghorwyr
- Cynghorwyr Tref a Chymuned
- Aelodau Senedd Cymru
- Aelodau Seneddol
- Sut mae bod yn Gynghorydd
Adrannau'r Cyngor
Dweud eich dweud
- Ymgynghoriad ar y gyllideb 2024Gyllideb
- Prif Gynllun Teithio Llesol Y Tymbl
- Strategaeth Hamdden 2023-33 ymgynghoriad cymunedol
- Trwyddedu Bridio Cŵn yn Sir Gaerfyrddin
- Cynnig i ffedereiddio Ysgol Rhys Prichard ac Ysgol Llangadog o 1 Medi 2024.
- Polisi codi tâl am wasanaethau gofal cymdeithasol
- Polisi Dyrannu Tai Cymdeithasol
- Strategaeth Leol ar gyfer Perygl Llifogydd 2024-2030
- Strategaeth y Rhaglen Moderneiddio Addysg
- Strategaeth Cyfleusterau Cyhoeddus Sir Gaerfyrddin
- Creu Sir Gaerfyrddin Ddigidol
- Holiadur Preswylwyr Sir Gâr 2023
- Ymgynghoriad ynghylch Polisi Plant sy'n Codi'n 4 Oed Ysgolion Cynradd 2025/26
- Asesiad Rheoliadau Cynefinoedd ar gyfer yr Ail Gynllun Datblygu Lleol Diwygiedig Adneuo 2018-2033
- Arfarniad Cynaliadwyedd Integredig ar gyfer yr Ail Gynllun Datblygu Lleol Diwygiedig Adneuo 2018-2033
Pwyllgorau a Chyfarfodydd
- Agendâu a chofnodion
- Pwyllgor Llywodraethu ac Archwilio
- Dyddiadur y Cyngor
- Pwyllgor Gwasanaethau Democrataidd
- Y Cabinet
- Penderfyniadau swyddogion
- Blaengynlluniau Waith
- Pwyllgor Cynllunio
- Craffu
- Pwyllgor Safonau
- Cyngor Ymgynghorol Sefydlog dros Addysg Grefyddol (CYSAG)
Strategaethau a chynlluniau
- Cynllun Cyflenwi Tai Fforddiadwy 2016 - 20
- Datganiad Gweledigaeth y Cabinet 2022 - 2027 (Gorffennaf 2022)
- Strategaeth Drawsnewid Cyngor Sir Caerfyrddin
- Polisi Diogelu Corfforaethol
- Strategaeth Ddigidol ar gyfer Ysgolion 2018 - 2021
- Strategaeth Technoleg Ddigidol 2018 - 2021
- Strategaeth Trawsnewid Digidol
- Cymorth i Deuluoedd Sir Gaerfyrddin 2018-23
- Gwybodaeth ddiweddaraf am wasanaeth Llyfrgelloedd - Symud ymlaen 2017 - 2025
- Strategaeth y Rhaglen Moderneiddio Addysg (1)
- Symud Sir Gâr Wledig Ymlaen
- Cynllun Cydraddoldeb Strategol
- Cynllun Trechu Tlodi 2023
- Strategaeth Hybu’r Gymraeg
- Safonau’r Gymraeg
- Adroddiad Blynyddol y Gymraeg
Y Cyllideb y Cyngor
Cyllideb y Cyngor
- Crynhoad Cyllideb
- Datganiad Cyfrifon
- Cronfa Bensiwn Dyfed
- Ein Rhanbarth ar Waith (ERW)
- Bargen Ddinesig Bae Abertawe
- Ffyrdd syml i arbed arian i'r Cyngor
Perfformiad y Cyngor
- Rheoli Perfformiad
- Archwiliadau, Arolygiadau ac Adroddiadau
- Y Ddeddf Llesiant Cenedlaethau’r Dyfodol
- Adroddiad Blynyddol y Cyngor 2022-23
Hysbysiadau cyhoeddus
Canllawiau Brexit
Iaith Gymraeg
Carbon Sero-net
Cydraddoldeb ac Amrywiaeth
Cyfamod Lluoedd Arfog
Etholiadau a Phleidleisio
- Etholiadau'r Comisiynydd Heddlu a Throseddu 2024
- Etholiad Cyffredinol Seneddol y Deyrnas Unedig
- Pleidleisio
- Bod yn gymwys i bleidleisio
- Sut mae pleidleisio?
- Newidiadau i bleidleisio drwy'r post a phleidleisio drwy ddirprwy
- Cofrestru i bleidleisio
- Diweddaru eich manylion ar y Gofrestr Etholiadol
- Sut i optio allan o'r gofrestr agored
- Gweld y Gofrestr Etholiadol
- Is-etholiadau
- Fy Un Agosaf - Gwybodaeth etholiadol
- Help i Bleidleiswyr Anabl
- Prawf Adnabod Pleidleisiwr
- Recriwtio ar gyfer etholiadau
Mwy ynghylch Cyngor a Democratiaeth