Agenda item
CWESTIWN GAN Y PARCH ATHRO D JENKINS I'R CYNGHORYDD M STEPHENS, DIRPRWY ARWEINYDD Y CYNGOR
“Nid oes sôn am yr hinsawdd yn y Cyflwyniad Cryno presennol o'r Cynllun Datblygu Lleol (https://www.carmarthenshire.gov.wales/media/1216114/ldp-summary-introduction-cymraeg-final.pdf). Mae fersiwn fwy manwl yn sôn am newid yn yr hinsawdd http://www.cartogold.co.uk/CarmarthenshireLDP/welsh/text/05_Strategaeth-a-Pholisiau-Strategol.htm ond nid oes llawer o wybodaeth am hynny wedi'i chynnwys yn y strategaeth na'r polisi. Sut y bydd y Cynllun yn adlewyrchu datgan argyfwng hinsawdd; a fydd y Cyngor yn casglu barn y cyhoedd drwy Gynulliad Dinasyddion?”
Cofnodion:
“Nid oes sôn am yr hinsawdd yn y Cyflwyniad Cryno presennol o'r Cynllun Datblygu Lleol (https://www.carmarthenshire.gov.wales/media/1216114/ldp-summary-introduction-cymraeg-final.pdf). Mae fersiwn fwy manwl yn sôn am newid yn yr hinsawdd http://www.cartogold.co.uk/CarmarthenshireLDP/welsh/text/05_Strategaeth-a-Pholisiau-Strategol.htm ond nid oes llawer o wybodaeth am hynny wedi'i chynnwys yn y strategaeth na'r polisi.Sut y bydd y Cynllun yn adlewyrchu datgan argyfwng hinsawdd; a fydd y Cyngor yn casglu barn y cyhoedd drwy Gynulliad Dinasyddion?”
Ymateb gan y Cynghorydd Mair Stephens, Dirprwy Arweinydd y Cyngor:-
"Mae eich cwestiwn mor briodol ei amseriad ac mae'n cyd-fynd â'r ymgynghoriad presennol ar y CDLl. Nodaf gyda sicrwydd nad y dogfennau y cyfeirir atynt yn y cwestiwn yw cyhoeddiadau mwyaf diweddar y CDLl. Cafodd y ddogfen 'cyflwyniad cryno' ei pharatoi ar ddechrau'r gwaith o greu'r CDLl Diwygiedig, a'r ddogfen arall y cyfeirir ati fel y 'fersiwn fwy manwl' yw'r CDLl cyfredol a fabwysiadwyd. Fodd bynnag, diolch i chi am gymryd yr amser i'w darllen a'u deall ac am wybod bod y ddwy ddogfen hyn yn sail i'r cynllun a llawer o'r cyd-destun o ran cyfeiriad, a diolch am bopeth rydych wedi ei wneud hyd yn hyn.
Rwyf wedi dweud droeon yn y siambr hon, pryd bynnag rydym yn mynd drwy wahanol gamau'r broses CDLl, sy'n hir ac yn ymddangos yn llafurus, ein bod yn mireinio'n barhaus ac yn ei wneud yn gadarnach wrth i ragor o dystiolaeth gael ei chasglu a'i chynnwys yn y cynllun. Efallai ei bod yn werth nodi fan hyn y math o ymgysylltu ac ymgynghori sydd wedi bod yn digwydd hyd yma, a, chredwch chi fi, mae hynny wedi bod ar raddfa fwy o lawer nag unrhyw beth sydd wedi digwydd wrth gynhyrchu unrhyw CDLl yn y gorffennol. Felly, yn ogystal ag ymgynghoriad y Gr?p Ymgynghorol, sy'n cynnwys aelodau sydd wedi dod â materion o bob rhan o'r sir i'w trafod, bu fforwm rhanddeiliaid allweddol sy'n cynnwys trawstoriad o bobl o sefydliadau statudol fel y GIG, Cyfoeth Naturiol Cymru ac Awdurdodau cyfagos, cafwyd sylwadau gan Gynghorau a Chynghorwyr Tref a Chymuned, cynrychiolwyr y gwahanol fudiadau gwirfoddol sydd gennym yn Sir Gaerfyrddin, a hefyd cynrychiolwyr o'r gymuned sy'n cwmpasu ystod eang o fuddiannau, ac, fel rwyf wastad wedi dweud, maent yn cyfrannu eu gofynion at y cynllun. Rydym hefyd wedi cyfarfod â Chynghorau Cymuned a Thref, fel y gellir cael safbwynt mwy lleol, ac, yn wir, fel y gallant ddweud wrthym pa fath o ddatblygiad sy'n dderbyniol, ac, os caf fentro dweud, annerbyniol yn eu hardaloedd. Mae'r rheiny wedi cael eu cyfrannu ac yn cael eu hystyried o ran yr hyn sy'n digwydd. Rydym hefyd wedi trafod â datblygwyr ac asiantau er mwyn ceisio sicrhau bod cyflawni'r cynllun hwn ar ddiwedd y dydd yn rhywbeth y gallwn weithio gydag ef, ac ymfalchïo ynddo ar gyfer dyfodol Sir Gaerfyrddin.
Mae rhan o'r cynllun hwnnw'n golygu edrych ar y materion sydd gennym o fewn ein rheolaeth, sef y pethau hynny y gwyddom fod gennym eisoes, Cynllun Cymunedol integredig a chynlluniau ar gyfer ardaloedd gwledig. Mae gennym y cynllun hwn sydd wedi esgor ar lawer iawn o drafodaeth, sef y cynllun sero-net. Mae gennych yr holl gynlluniau hyn. Sut rydym am symud ymlaen yn y Cyngor hwn dros gyfnod o bum mlynedd fel Gweinyddiaeth. Mae'r rheiny i gyd wedi'u cynnwys yn y cynllun cyffredinol hwn, ac, yn wir, mae ambell waith yn gallu bod yn anodd cael cydbwysedd ond mae'n ymdrech y byddwn ni yn ei gwneud. Ond mae'n profi ein bod yn ymgynghori'n eang ag ystod helaeth o bobl drwy'r amser. Nid yw hynny'n diystyru'r pethau rydym wedi bod yn eu gwneud gyda'r cyfryngau cymdeithasol a'r wefan a hynny i gyd.
Yn wir, yn Nhachwedd 2018 penderfynodd y Cyngor hwn gymeradwyo'r CDLl Diwygiedig Adneuo ac mae hwn bellach ar gael ar gyfer ymgynghoriad cyhoeddus hyd nes 13 Mawrth 2020.Unwaith eto, ymgynghorwyd ar hyn ac wrth i mi siarad cynhelir sioeau teithiol o gwmpas y sir sy'n gofyn am sylwadau a barn pobl am yr hyn sy'n digwydd o gwmpas yr ardal. Bwriad hyn yw annog ymgysylltu a sicrhau bod y sylwadau ar yr ymgynghoriad yn cael eu hystyried. Mae'r Cynllun Adneuo yn cynnwys ystod lawn o bolisïau sy'n darparu ar gyfer dyfodol y sir a'i chymunedau hyd nes 2033. Mae hefyd yn nodi lleoliad a maint y twf ar gyfer yr ardaloedd hynny a'r pethau sydd angen eu diogelu.
Mae'r CDLl Adneuo yn benodol yn cynnwys ystod o bolisïau sy'n adlewyrchu'r agenda niwed yn yr hinsawdd ac yn cyfrannu ati. Mae'r rhain yn cynnwys Polisi Strategol ar Newid yn yr Hinsawdd a chyfres o bolisïau penodol sy'n amrywio o Ynni Adnewyddadwy i Seilwaith Gwyrdd. Gellir gweld y Cynllun Adneuo a'r dogfennau ategol, gan gynnwys yr Arfarniad Cynaliadwyedd, ar ein gwefan neu yng Nghanolfannau Gwasanaethau Cwsmeriaid 'Hwb' a'r llyfrgelloedd cyhoeddus ledled y sir. Fel rhan o'r ymgynghoriad hwn, rydym yn croesawu'n fawr unrhyw farn neu sylwadau ar unrhyw ran o'r Cynllun, boed hynny ar raddfa leol neu ar raddfa ehangach, a byddwn yn rhoi ystyriaeth i'r sylwadau hynny wrth gamu ymlaen. Diolch yn fawr iawn ichi am ofyn y cwestiwn a diolch ichi am sicrhau bod y broses sydd gennym yn mynd i fod yn rhywbeth a fydd yn cynhyrchu cynllun cadarn. Rydym ar ganol proses ymgynghori ac yn wir mae'n agored i'r gymuned ehangach. A ydym yn mynd i gael Cynulliad Dinasyddion? 'Na' yw'r ateb i hynny ar hyn o bryd, ond ar y llaw arall rydym yn croesawu'r holl sylwadau gallwn eu cael gan bobl o bell ac agos ar ein CDLl diwygiedig drafft. "
Gofynnodd y Parchedig Athro Jenkins y cwestiwn atodol canlynol:-
"Ymddengys i mi, yn hytrach na threiddio trwy'r Cynllun Datblygu Lleol yn ei gyfanrwydd, y cyfeirir at yr hinsawdd yn benodol ym mharagraff 9.32 o'r Cynllun Adneuo, mewn modd braidd yn gyfyngedig. O ystyried yr hyn mae'r IPCC wedi'i ddweud am natur yr argyfwng, pam na allwn wneud i ffwrdd â'r broses hir, lafurus honno rydych newydd fod yn sôn amdani a gweithredu fel pe bai hwn yn argyfwng? Byddai Cynulliad Dinasyddion yn ffordd o gyflymu pethau. Onid ydych yn credu efallai y byddai Cynulliad Dinasyddion yn fwy effeithlon yn yr amgylchiadau presennol na phroses a ddyluniwyd ar gyfer amseroedd gwahanol?"
Ymatebodd y Cynghorydd Stephens fel a ganlyn:-
“Yn bendant, rwy'n gallu gweld o ble'r ydych yn dod. Fel rwyf wedi dweud, rydym ni'n hynod agored i drafodaethau ffurfiol, ac, fel y gwyddoch, rydych chi a fi wedi cael trafodaethau mewn fforwm arall ynghylch ble rydym yn mynd a beth rydym yn ei wneud. Nid oes yn rhaid i hinsawdd a newid yn yr hinsawdd o reidrwydd gynnwys y gair hinsawdd. Mae llawer iawn o waith o fewn y CDLl hwn sy'n dangos ein bod yn sicrhau bod gan bobl baneli solar a bod ganddynt bwyntiau gwefru trydan. Wyddoch chi, y pethau ymarferol hynny nad ydynt o reidrwydd wedi eu cynnwys dan y gair hinsawdd. Mae'n digwydd, a dyna'n union lle rydym arni. Byddwn yn cael y trafodaethau hynny a byddwn yn eu hystyried. Ond ar hyn o bryd, dyma lle'r ydym ni."
Cyngor a Democratiaeth
Y Cyngor
Cynghorwyr, ACau ac ASau
- Eich Cynghorydd Sir
- Strategaeth Cyfranogiad y Cyhoedd a'r Cynllun Deiseb
- Lwfansau a buddiannau cynghorwyr
- Cynghorwyr Tref a Chymuned
- Aelodau Senedd Cymru
- Aelodau Seneddol
- Sut mae bod yn Gynghorydd
Adrannau'r Cyngor
Dweud eich dweud
- Ymgynghoriad ar y gyllideb 2024Gyllideb
- Prif Gynllun Teithio Llesol Y Tymbl
- Strategaeth Hamdden 2023-33 ymgynghoriad cymunedol
- Polisi codi tâl am wasanaethau gofal cymdeithasol
- Polisi Dyrannu Tai Cymdeithasol
- Strategaeth Leol ar gyfer Perygl Llifogydd 2024-2030
- Asesiad Rheoliadau Cynefinoedd ar gyfer yr Ail Gynllun Datblygu Lleol Diwygiedig Adneuo 2018-2033
- Arfarniad Cynaliadwyedd Integredig ar gyfer yr Ail Gynllun Datblygu Lleol Diwygiedig Adneuo 2018-2033
- Strategaeth y Rhaglen Moderneiddio Addysg
- Strategaeth Cyfleusterau Cyhoeddus Sir Gaerfyrddin
- Creu Sir Gaerfyrddin Ddigidol
- Holiadur Preswylwyr Sir Gâr 2023
- Ymgynghoriad ynghylch Polisi Plant sy'n Codi'n 4 Oed Ysgolion Cynradd 2025/26
Pwyllgorau a Chyfarfodydd
- Agendâu a chofnodion
- Pwyllgor Llywodraethu ac Archwilio
- Dyddiadur y Cyngor
- Pwyllgor Gwasanaethau Democrataidd
- Y Cabinet
- Penderfyniadau swyddogion
- Blaengynlluniau Waith
- Pwyllgor Cynllunio
- Craffu
- Pwyllgor Safonau
- Cyngor Ymgynghorol Sefydlog dros Addysg Grefyddol (CYSAG)
Strategaethau a chynlluniau
- Cynllun Cyflenwi Tai Fforddiadwy 2016 - 20
- Datganiad Gweledigaeth y Cabinet 2022 - 2027 (Gorffennaf 2022)
- Strategaeth Drawsnewid Cyngor Sir Caerfyrddin
- Polisi Diogelu Corfforaethol
- Strategaeth Ddigidol ar gyfer Ysgolion 2018 - 2021
- Strategaeth Technoleg Ddigidol 2018 - 2021
- Strategaeth Trawsnewid Digidol
- Cymorth i Deuluoedd Sir Gaerfyrddin 2018-23
- Gwybodaeth ddiweddaraf am wasanaeth Llyfrgelloedd - Symud ymlaen 2017 - 2025
- Strategaeth y Rhaglen Moderneiddio Addysg (1)
- Symud Sir Gâr Wledig Ymlaen
- Cynllun Cydraddoldeb Strategol
- Cynllun Trechu Tlodi 2023
- Strategaeth Hybu’r Gymraeg
- Safonau’r Gymraeg
- Adroddiad Blynyddol y Gymraeg
Y Cyllideb y Cyngor
Cyllideb y Cyngor
- Crynhoad Cyllideb
- Datganiad Cyfrifon
- Cronfa Bensiwn Dyfed
- Ein Rhanbarth ar Waith (ERW)
- Bargen Ddinesig Bae Abertawe
- Ffyrdd syml i arbed arian i'r Cyngor
Perfformiad y Cyngor
- Rheoli Perfformiad
- Archwiliadau, Arolygiadau ac Adroddiadau
- Y Ddeddf Llesiant Cenedlaethau’r Dyfodol
- Adroddiad Blynyddol y Cyngor 2022-23
Hysbysiadau cyhoeddus
Canllawiau Brexit
Iaith Gymraeg
Carbon Sero-net
Cydraddoldeb ac Amrywiaeth
Cyfamod Lluoedd Arfog
Etholiadau a Phleidleisio
- Etholiadau Lleol 2022
- Pleidleisio
- Bod yn gymwys i bleidleisio
- Sut mae pleidleisio?
- Newidiadau i bleidleisio drwy'r post a phleidleisio drwy ddirprwy
- Cofrestru i bleidleisio
- Diweddaru eich manylion ar y Gofrestr Etholiadol
- Diweddariad blynyddol o'r gofrestr pleidleiswyr
- Sut i optio allan o'r gofrestr agored
- Gweld y Gofrestr Etholiadol
- Is-etholiadau
- Fy Un Agosaf - Gwybodaeth etholiadol
- Etholiadau Senedd Cymru
- Etholiadau'r Comisiynydd Heddlu a Throseddu 2024
- Etholiad Cyffredinol Seneddol 2019
- Help i Bleidleiswyr Anabl
- Adolygiad o Ffiniau Seneddol
- Prawf Adnabod Pleidleisiwr
- Adolygiad Cymunedol 2023
- Adolygiad o Ddosbarthau Pleidleisio a Mannau Pleidleisio
- Recriwtio ar gyfer etholiadau
Mwy ynghylch Cyngor a Democratiaeth