Agenda a chofnodion drafft

Ni chafwyd datganiadau o fuddiant personol.

NI DDYLID CYHOEDDI’R ADRODDIADAU SY’N YMWNEUD Â’R MATER CANLYNOL GAN EI BOD YN CYNNWYS GWYBODAETH EITHRIEDIG FEL Y’I DIFFINIWYD YM MHARAGRAFF 14 O RAN 4 O ATODLEN 12(A) I DDEDDF LLYWODRAETH LEOL 1972 FEL Y’I DIWYGIWYD GAN ORCHYMYN LLYWODRAETH LEOL (MYNEDIAD AT WYBODAETH) (AMRYWIO) (CYMRU) 2007 GAN EI FOD YN CYNNWYS GWYBODAETH YNGHYLCH A FATERION ARIANNOL NEU FUSNES UNRHYW UNIGOLYN PENODOL (GAN GYNNWYS YR AWDURDOD SY'N DAL Y WYBODAETH HONNO). OS BYDD Y PWYLLGOR AR ÔL CYNNAL PRAWF LLES Y CYHOEDD YN PENDERFYNU YN UNOL Â’R DDEDDF, I YSTYRIED Y MATER HYN YN BREIFAT, GORCHMYNNIR I’R CYHOEDD ADAEL Y CYFARFOD YN YSTOD TRAFODAETH O’R FATH.

PENDERFYNWYD YN UNFRYDOL yn unol â Deddf Llywodraeth Leol 1972, fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywio) (Cymru) 2007, na fyddai’r eitem ganlynol yn cael ei chyhoeddi gan fod yr adroddiad yn cynnwys gwybodaeth eithriedig fel y'i diffiniwyd ym Mharagraff 12 o Ran 4 o Atodlen 12A i’r Ddeddf.

Bu'r Is-bwyllgor yn ystyried cais a gafwyd gan Ffilm Cymru a’r Byd yn Un, WOW, yn gofyn am argymhelliad ynghylch caniatáu i blant wylio ffilm a oedd yn ddiddosbarth yn flaenorol.

Nododd yr Is-bwyllgor bod yn rhaid i’r ffilm a ddangosir gael argymhelliad ynghylch caniatáu i blant ei gwylio, a roddwyd naill ai gan Gorff Bwrdd Dosbarthu Ffilmiau Prydain neu gan yr Awdurdod Trwyddedu perthnasol, a hynny er mwyn bodloni gofynion Deddf Trwyddedu 2003.

Er mwyn galluogi'r Is-bwyllgor i wneud yr argymhelliad gofynnol ynghylch caniatáu i blant wylio'r ffilm, cafodd gyfle i wylio'r ffilm gan roi ystyriaeth i'r canllawiau ynghylch oedran a luniwyd gan Fwrdd Dosbarthu Ffilmiau Prydain.

Ar ôl ystyried yr holl dystiolaeth a roddwyd gerbron yr Is-bwyllgor,

PENDERFYNWYD YN UNFRYDOL:

• Bod “The Tides of Kilpeck” yn cael ei hystyried yn ffilm sy'n addas i bobl dros 15 oed.
• Bod “The Paper Bag” yn cael ei hystyried yn ffilm yr argymhellir i blant ei gwylio yng nghwmni oedolyn (PG).
• Bod “Knackered” yn cael ei hystyried yn ffilm sy'n addas i bobl dros 18 oed.
• Bod “Some Things We Tended” yn cael ei hystyried yn ffilm yr argymhellir i blant ei gwylio yng nghwmni oedolyn (PG).
• Bod “Sut Ydym Ni’n Gysylltiedig? How Are We Connected?” yn cael ei hystyried yn ffilm yr argymhellir i blant ei gwylio yng nghwmni oedolyn (PG).
• Bod “The Littlest Hoglet” yn cael ei hystyried yn ffilm yr argymhellir i blant ei gwylio yng nghwmni oedolyn (PG).
• Bod “Fish Chicken UFO” yn cael ei hystyried yn ffilm yr argymhellir i blant ei gwylio yng nghwmni oedolyn (PG).