Agenda a chofnodion drafft

Cafwyd ymddiheuriadau am absenoldeb gan y Cynghorydd Darren Price (Cyngor Sir Caerfyrddin), y Cynghorydd Rob Stewart (Cyngor Dinas Abertawe), y Cynghorydd Jon Harvey (Cyngor Sir Penfro) a William Bramble (Prif Weithredwr, Cyngor Sir Penfro).

Ni ddatganwyd unrhyw fuddiannau personol.

PENDERFYNWYD YN UNFRYDOL lofnodi cofnodion cyfarfod Partneriaeth a gynhaliwyd ar 18 Hydref, 2024 gan eu bod yn gywir.

Nid oedd dim materion yn codi.

Cafodd y Cyd-bwyllgor lythyr gan Gadeirydd Gr?p Cynghorwyr Craffu Partneriaeth a oedd yn ystyried y sylwadau yn dilyn cyfarfod diwethaf y Gr?p ar 18 Tachwedd 2024.

Roedd y Pwyllgor am nodi eu diolch i Gr?p Cynghorwyr Craffu Partneriaeth am eu cyfraniad a'u cymorth rheolaidd.

PENDERFYNWYD YN UNFRYDOL dderbyn y llythyr.

Ystyriodd y Cyd-bwyllgor yr ymateb i Archwilio Cymru o ran "Ymholiadau archwilio i'r rhai sy'n gyfrifol am lywodraethu a rheoli" ar gyfer 2023-24.

Mae'n ofynnol i Archwilio Cymru gynnal ei archwiliad ariannol yn unol â'r gofynion a nodir yn y Safonau Rhyngwladol ar Archwilio yn flynyddol.  Mae'r ystyriaethau yn berthnasol i uwch-reolwyr Partneriaeth a'r rhai sy'n gyfrifol am lywodraethu sef, at ddibenion archwilio'r datganiadau ariannol, Cyd-bwyllgor Partneriaeth.

PENDERFYNWYD YN UNFRYDOL gymeradwyo'r ymateb i Archwilio Cymru ar gyfer 2023-24, fel y'i nodir yn yr adroddiad.

Cafodd y Cyd-bwyllgor Gynllun Archwilio Cymru 2024 ar gyfer Partneriaeth, a oedd yn amlinellu'r gwaith sydd i'w wneud gan Archwilio Cymru wrth gyflawni ei ddyletswyddau statudol.

Roedd y cynllun yn nodi:

·    Perthnasedd datganiadau ariannol

·    Risgiau sylweddol datganiadau ariannol

·    Meysydd ffocws

·    Amserlen archwilio datganiadau ariannol

·    Swyddogaethau archwilio statudol

·    Tîm ffioedd ac archwilio

·    Ansawdd archwilio

Nodwyd bod cynllunio archwilio wedi nodi risg sylweddol o ran datganiadau ariannol – Rheolwyr yn diystyru rheolaethau. Meysydd eraill a nodwyd o ran ffocws archwilio oedd Datgeliadau gan Bartïon Cysylltiedig a thaliadau uwch-swyddogion a sicrhau cywirdeb torbwynt gwariant mewn perthynas ag Amcanion Cynllun Busnes.

PENDERFYNWYD YN UNFRYDOL gymeradwyo Cynllun Archwilio Cymru 2024.

Cafodd y Cyd-bwyllgor adroddiad a oedd yn rhoi'r wybodaeth ddiweddaraf am sefyllfa ariannol Partneriaeth fel yr oedd ar 31 Rhagfyr 2024 (Chwarter 3 2024-25). 

PENDERFYNWYD YN UNFRYDOL:

Cafodd y Cyd-bwyllgor gyllideb ddrafft ddiwygiedig Partneriaeth ar gyfer 2025-26 i'w hystyried a'i chymeradwyo 'mewn egwyddor'. 

Roedd cyllideb ddrafft ddiwygiedig Partneriaeth ar gyfer 2025-26 yn cynnwys:

·         Rhagdybiaethau ac amcangyfrifon

·         Cyfraniadau Awdurdodau Lleol

·         Cytundebau Lefel Gwasanaeth (CLG)

·         Cyllideb Ddrafft Ddiwygiedig ar gyfer 2025-26

·         Balans Gweithio a Chronfeydd wrth Gefn

·         Cynllun Ariannol Tymor Canolig 2025-26 tan 2028-29

·         Risgiau a Chyfleoedd

Mewn ymateb i ymholiadau, dywedwyd wrth y Cyd-bwyllgor fod y gyllideb yn gymhleth oherwydd bod y Corff Cenedlaethol newydd ar gyfer Dysgu Proffesiynol yn cael ei sefydlu, a fyddai'n ymdrin â rhai agweddau ar waith sy'n cael ei wneud gan Partneriaeth ar hyn o bryd.  Nid yw maint llawn y swyddogaeth Genedlaethol a sut y byddai'r swyddogaeth yn cael ei chynnal wedi'u penderfynu eto.  Mae hyn yn cael ei gymhlethu ymhellach gan fod y Grant Addysg Awdurdod Lleol i bob un o'r tri Awdurdod Lleol yn llai a fyddai, yn ei dro, yn effeithio ar gyllid. Nodwyd bod gwaith yn parhau o hyd ond cydnabuwyd y byddai llai o gyllid ac y byddai angen i'r tri Phrif Weithredwr sicrhau y byddai cyllidebau yn y dyfodol yn gynaliadwy yn ariannol. 

Ailadroddwyd mai dim ond mewn egwyddor y byddai'r Cyd-bwyllgor yn cymeradwyo'r gyllideb ddrafft ac y byddai'r gyllideb derfynol yn cael ei chymeradwyo o dan y cytundeb cydweithio newydd ar ôl cael cadarnhad o gyllid gan Lywodraeth Cymru ac awdurdodau lleol sy'n aelodau.

Nodwyd mai hwn oedd cyfarfod olaf y Cyd-bwyllgor ond efallai y byddai angen cyfarfod arall yn ddiweddarach yn y flwyddyn i gymeradwyo'r datganiad cyfrifon. 

UNANIMOUSLY RESOLVED that :-

Cafodd y Cyd-bwyllgor adroddiad a oedd yn rhoi'r wybodaeth ddiweddaraf iddynt am ddarpariaeth bresennol Partneriaeth. Bwriad hyn yw sicrhau bod blaenoriaethau rhanbarthol yn cael eu cyflawni yn unol â disgwyliadau cyllido Grant Addysg Awdurdod Lleol (LAEG).

Roedd yr adroddiad yn crynhoi'r cymorth a gynigir ar hyn o bryd gan Partneriaeth ar draws y cynllun busnes sydd ar waith ers mis Medi 2024.  Nodwyd bod Partneriaeth yn cynnig ystod gref o gymorth yn unol â'r disgwyliad gan bartneriaid Awdurdodau Lleol a'i bod wedi darparu ystod o ddysgu proffesiynol o ansawdd uchel trwy ddigwyddiadau dysgu proffesiynol penodol a chymorth pwrpasol ar draws y ddau faes blaenoriaeth (Cymorth Cwricwlwm a Llwybrau Gyrfa).

Nodwyd bod y cynllun busnes yn cael ei fonitro bob chwarter a bod Partneriaeth ar y trywydd iawn i gyflawni ym mhob maes.

PENDERFYNWYD YN UNFRYDOL dderbyn yr adroddiad a'r diweddariad.

Cafodd y Cyd-bwyllgor broffil risg cyffredinol y rhanbarth. Roedd yr adroddiad yn amlinellu proffil risg cyffredinol y rhanbarth a oedd wedi'i ddiweddaru ar gyfer Medi 2024 yn unol â rhoi'r cynllun busnes newydd ar waith sy'n gysylltiedig â chyllid dirprwyedig LAEG.

Nododd y Cyd-bwyllgor fod y map gwres yn dangos y sgoriau risg fel a ganlyn:

·         Tebygolrwydd Canolig ac Effaith Uchel oherwydd diffyg eglurder ynghylch swyddogaethau Partneriaeth a

·         Tebygolrwydd Canolig ac Effaith Uchel Iawn oherwydd nad yw Awdurdodau Lleol yn darparu digon o gyllid i dalu costau cynnal Partneriaeth.

Dywedwyd y byddai Trefniadau Llywodraethu Partneriaeth yn cael eu diweddaru yn y Gofrestr Risg o 1 Ebrill i adlewyrchu'r cytundeb cydweithio yn y dyfodol. 

PENDERFYNWYD YN UNFRYDOL dderbyn yr adroddiad a'r proffil risg.

Nododd y Cadeirydd nad oedd unrhyw eitemau busnes y dylid eu hystyried fel mater o frys.