Agenda a Chofnodion

Ni ddatganwyd unrhyw fuddiannau personol.

Bu'r Aelodau Cabinet yn ystyried Adroddiad Blynyddol y Cynllun Cydraddoldeb Strategol ar gyfer 2021-22 a luniwyd yn unol â Deddf Cydraddoldeb 2010 a osododd ddyletswydd gyffredinol newydd ar awdurdodau cyhoeddus i roi sylw i'r nodweddion gwarchodedig canlynol:-

·       Oedran

·       Ailbennu Rhywedd

·       Rhyw

·       Hil – yn cynnwys tarddiad ethnig neu genedlaethol, lliw neu genedligrwydd

·       Crefydd a Chred – gan gynnwys diffyg cred

·       Anabledd

·       Priodas a Phartneriaeth Sifil

·       Beichiogrwydd a mamolaeth

·       Cyfeiriadedd rhywiol

Nodwyd mai nod y ddyletswydd oedd sicrhau bod awdurdodau cyhoeddus a'r rhai oedd yn cyflawni swyddogaeth gyhoeddus yn ystyried sut y gallent gyfrannu'n gadarnhaol at gymdeithas decach drwy hyrwyddo cydraddoldeb a pherthynas dda yn eu gweithgareddau pob dydd.

Nodwyd ymhellach ei bod yn ofynnol hefyd i gyrff cyhoeddus roi sylw dyladwy i:-

• Dileu gwahaniaethu, aflonyddu ac erledigaeth anghyfreithlon ac unrhyw ymddygiad arall a waherddir gan y Ddeddf.
• Gwella cyfle cyfartal rhwng pobl sy'n rhannu nodwedd warchodedig berthnasol a'r rheiny nad ydynt yn rhannu'r nodwedd honno.
• Meithrin cysylltiadau da rhwng pobl sy'n rhannu nodwedd warchodedig a’r rheiny nad ydynt yn rhannu’r nodwedd honno.

PENDERFYNWYD cymeradwyo Adroddiad Blynyddol Cynllun Cydraddoldeb Strategol 2021-22 er mwyn ei gyhoeddi a'i hyrwyddo ar wefan y Cyngor.