Agenda a chofnodion drafft

Ni chafwyd datganiadau o fuddiant personol.

PENDERFYNWYD llofnodi cofnod penderfyniadau cyfarfod ar y cyd yr Aelodau Cabinet a gynhaliwyd ar y 19fed Mawrth, 2024 yn gofnod cywir.

Bu'r Aelodau Cabinet yn ystyried Adroddiad Blynyddol Cynllun Cydraddoldeb Strategol 2023-25.

Mae Deddf Cydraddoldeb 2010 yn crynhoi ac yn disodli'r ddeddfwriaeth flaenorol, ynghyd â symleiddio ac atgyfnerthu'r ddeddf fel ei bod yn haws i bobl ei deall a chydymffurfio â hi. Daeth y rhan fwyaf o'r Ddeddf i rym ar 1 Hydref 2010.

Roedd yr adroddiad yn nodi bod dwy flynedd o adroddiadau blynyddol wedi eu dwyn ynghyd i adlewyrchu'r ffaith mai'r ffocws allweddol yn ystod 2023-24 oedd adolygu a chymeradwyo'r Cynllun Cydraddoldeb Strategol.

Roedd y ddyletswydd gyffredinol newydd yn cwmpasu'r nodweddion gwarchodedig canlynol:

·   Oedran

·   Ailbennu rhywedd

·   Rhyw

·   Hil – yn cynnwys tarddiad ethnig neu genedlaethol, lliw neu genedligrwydd

·   Crefydd a chred – gan gynnwys diffyg cred

·   Anabledd

·   Priodas a phartneriaeth sifil

·   Beichiogrwydd a mamolaeth

·   Cyfeiriadedd rhywiol.

Fel rhan o'r adroddiad, dangosir cynnydd yn erbyn amcanion cydraddoldeb canlynol Cyngor Sir Caerfyrddin ar gyfer 2024-28:

1.     Bod yn gyflogwr o ddewis.

2.    Galluogi preswylwyr i fyw a heneiddio'n dda.

3.    Ymwreiddio Cydlyniant Cymunedol yn ein sefydliad a'n cymuned.

4.    Gwarchod a chryfhau cydraddoldeb a hawliau dynol.

Bydd adroddiadau blynyddol yn cynorthwyo awdurdodau i fonitro eu gwaith eu hunain, yn ogystal â darparu tryloywder i randdeiliaid. Mae'n rhaid i'r adroddiadau blynyddol gynnwys y wybodaeth benodol am gyflogaeth, gan gynnwys gwybodaeth am hyfforddiant a chyflog.

PENDERFYNWYD cymeradwyo Adroddiad Blynyddol Cynllun Cydraddoldeb Strategol  2023-25.