Agenda a chofnodion drafft

Ni ddatganwyd unrhyw fuddiannau personol.

PENDERFYNWYD llofnodi bod cofnod penderfyniadau'r cyfarfod oedd wedi'i gynnal ar 24 Mehefin, 2024 yn gofnod cywir.

Bu'r Aelod Cabinet yn ystyried adroddiad ar gynigion i gynyddu taliadau gofal dibreswyl y Cyngor ar gyfer 2024/25 yn unol â chostau cynyddol a chwyddiant.

Nodwyd, gan fod Llywodraeth Cymru wedi gosod cap ariannol o £100 am ofal dibreswyl ni fyddai fawr o fudd mewn cynyddu taliadau y tu hwnt i chwyddiant. Fodd bynnag, er mai dim ond y cynnydd lleiaf mewn incwm i'r awdurdod y byddai chwyddiant yn ei roi, roedd yn rhaid cynyddu taliadau hanfodol i adlewyrchu costau chwyddiant.

Wrth nodi bod y ffigurau a ddangosir yn yr adroddiad ar gyfer y flwyddyn nesaf yn seiliedig ar gyhoeddiadau presennol Llywodraeth Cymru ac nad oedd unrhyw arwydd y byddai newid yn digwydd y tu hwnt i 2025-26, efallai y bydd angen cynnydd pellach i'r taliadau pe bai Llywodraeth Cymru yn diwygio'r rheolau taliadau.

Ar ben hynny, byddai'r incwm ychwanegol a gronnwyd yn dibynnu'n llwyr ar y gallu i dalu am yr unigolion sydd angen gofal, roedd yr Aelod Cabinet yn teimlo'n gryf bod angen i Lywodraeth Cymru adolygu'r cap ariannol ymhellach.

PENDERFYNWYD:

3.1 bod Sir Gaerfyrddin yn cynyddu'r taliadau dibreswyl ar gyfer gwasanaethau y codir tâl amdanynt fesul awr o £22.00 i £23.85 (%) a chynyddu'r taliadau ar gyfer gofal sesiynol o £19.55 i £23.85 (10%). Bydd hyn yn fodd o geisio adennill cymaint o refeniw â phosibl o fewn y rheolau a nodwyd gan Lywodraeth Cymru ar gyfer 2025-26, ac i alinio cyfraddau ag awdurdodau lleol eraill yng Nghymru, a symud yn agosach at Awdurdodau Lleol rhanbarthol.

3.2 bod Sir Gaerfyrddin yn cyflwyno'r ffioedd yn unol â'r polisi Codi Tâl newydd sydd ynghlwm wrth yr adroddiad.