Agenda a chofnodion drafft

Ni chafwyd datganiadau o fuddiant personol.

PENDERFYNWYD llofnodi bod Cofnod Penderfyniadau'r cyfarfod a gynhaliwyd ar 8 Tachwedd 2024 yn gofnod cywir.

Bu'r Aelod Cabinet yn ystyried adroddiad ar ddarparu cymorth ariannol i gymunedau lleol y gaeaf hwn drwy fenter Mannau Diogel a Chynnes Llywodraeth Cymru. Fel rhan o'r fenter, dyrannwyd cyllideb o £83,875 i'r Awdurdod i helpu cymunedau i sefydlu mannau cynnes a darparu amgylchedd croesawgar, hygyrch, diogel a chynnes i unigolion a allai gynnwys:

·        Lluniaeth sylfaenol a byrbrydau

·        Darparu cyngor a gwasanaethau cymorth i'r rhai sy'n bresennol, er enghraifft, cyngor a chymorth ar faterion ariannol, iechyd a llesiant neu hygyrchedd digidol

·        Gweithgarwch cyfoethogi pellach fel ymarfer corff, gweithgarwch diwylliannol neu'r celfyddydau

Er mwyn rhoi mynediad i'r cyllid i sefydliadau lleol, rhoddwyd gwybod y cynigiwyd bod yr Awdurdod yn cychwyn galwad am geisiadau, a fyddai'n cael eu gweinyddu gan Fiwro'r Cyngor, gyda sefydliadau cymwys yn gallu cael uchafswm dyfarniad o £2,500 i ddarparu cymorth hyd at ddiwedd mis Mawrth 2025. Byddai ceisiadau cymwys yn cael eu hasesu gan banel grantiau'r Biwro a byddai'r Pennaeth Datblygu Economaidd ac Eiddo yn cael ei ddirprwyo i roi'r gymeradwyaeth derfynol i ddyfarnu cyllid. Byddai'n ofynnol i ymgeiswyr llwyddiannus lofnodi cytundeb sy'n nodi telerau ac amodau'r grant, ac un ohonynt fyddai cynnal o leiaf un ymweliad gan bob un o wasanaethau cyngor a chymorth canlynol y Cyngor i helpu'r rhai sy'n bresennol o ran rhoi gwybodaeth berthnasol:

·         Hwb Bach y Wlad

·         Gweithio yn Sir Gâr

·         Actif

PENDERFYNWYD