Agenda a Chofnodion

Cafwyd ymddiheuriad am absenoldeb gan y Cynghorydd William Bramble (Prif Weithredwr, Cyngor Sir Penfro) a Chris Llewelyn (Cymdeithas Llywodraeth Leol Cymru). Roedd Sharon Davies (Cymdeithas Llywodraeth Leol Cymru) yn bresennol yn y cyfarfod ar ei ran.

(Noder: Gadawodd y Cynghorydd Rob Stewart y cyfarfod bryd hynny)

Ni ddatganwyd unrhyw fuddiannau personol yn y cyfarfod.

.

PENDERFYNWYD llofnodi cofnodion y cyfarfod a gynhaliwyd ar 29 Ebrill 2022 yn gofnod cywir.

Nid oedd dim materion yn codi o gofnodion y cyfarfod a gynhaliwyd ar 29 Ebrill, 2022.

Cafodd y Cyd-bwyllgor y wybodaeth ddiweddaraf am sefyllfa ariannol Partneriaeth ar ddiwedd mis Awst 2022 a'r alldro a ragwelir ar gyfer 2022-23.

Nodwyd bod yr adroddiad yn rhoi gwybodaeth fanwl benodol mewn perthynas â'r canlynol:

·         Cytundebau Lefel Gwasanaeth

·         Cyfraniadau Awdurdod Lleol

·         Cyllideb Amlinellol Partneriaeth 2022/23

·         Monitro'r Gyllideb – Awst 2022

·         Incwm Grant ar gyfer 2022-23

·         Risgiau a Chyfleoedd

Cynghorwyd y Cyd-bwyllgor, oherwydd bod cynigion cyflog yn uwch na'r hyn yn y gyllideb, bydd angen newid y gyllideb pan fydd y cynigion cyflog wedi'u cwblhau. Bydd angen i'r Cyd-bwyllgor ystyried ariannu'r pwysau hyn yn y dyfodol.

.

Cyfeiriwyd at y swyddfeydd a ddefnyddir gan Partneriaeth ac awgrymwyd o bosib defnyddio swyddfeydd y Cyngor o fewn y tri Chyngor yn unig i wneud arbedion effeithlonrwydd.  Dywedwyd y bydd swyddfeydd yn cael eu hystyried yn ystod y flwyddyn, i weld a ellid gwneud unrhyw arbedion cyllideb.

PENDERFYNWYD YN UNFRYDOL:-

6.1         Nodi adroddiad monitro'r gyllideb fel yr oedd ym mis Awst 2022;

6.2         Nodi'r alldro a ragwelir ar gyfer 2022-23

Nid oedd dim materion brys i'w trafod.