Agenda a Chofnodion

Ni ddatganwyd unrhyw fuddiannau personol.

PENDERFYNWYD llofnodi bod cofnod penderfyniadau'r cyfarfod a gynhaliwyd ar 17 Ionawr 2020 yn gofnod cywir.

Bu'r Aelod o'r Bwrdd Gweithredol yn ystyried adroddiad a oedd yn rhoi golwg gyffredinol ar y gweithgaredd cuddwylio yr oedd yr Awdurdod wedi ymgymryd ag ef yn 2020, ynghyd â'r gweithdrefnau ysgrifenedig ynghylch y dull o gynnal cuddwylio gan staff a defnyddio cuddwylio o'r fath. Nodwyd hefyd bod dogfen gweithdrefnau'r Cyngor wedi'i hadolygu a bod newidiadau wedi'u gwneud i'r adran yn ymwneud â rhyng-gipio data cyfathrebu i adlewyrchu newidiadau i'r broses ymgeisio a oedd yn gofyn am gymeradwyaeth yr Aelod o'r Bwrdd Gweithredol.

Roedd yr adroddiad yn cynnwys gwybodaeth am y canlynol:

·       Gwyliadwriaeth Gyfeiriedig;

·       Ffynonellau Cuddwybodaeth Ddynol;

·       Rhyng-gipio Data Cyfathrebu;

·       Cuddwylio Anawdurdodedig;

·       Adroddiadau Ystadegol;

·       Dogfen Gweithdrefnau Cuddwylio.

Nododd yr Aelod o'r Bwrdd Gweithredol nad oedd unrhyw awdurdodiadau wedi'u cyflwyno dan y Ddeddf hon yn ystod 2020 ynghylch y dull o gynnal gwyliadwriaeth gyfeiriedig, ffynonellau cuddwybodaeth ddynol a rhyng-gipio data cyfathrebu.

PENDERFYNWYD:

3.1nodi'r gweithgaredd cuddwylio yr oedd yr Awdurdod wedi ymgymryd ag ef yn 2020;

3.2cymeradwyo'r newidiadau i'r Ddogfen Gweithdrefnau Gwyliadwriaeth Gorfforaethol ynghylch y dull o gynnal gwyliadwriaeth ar gyfer 2021.