Agenda a Chofnodion

Ni ddatganwyd unrhyw fuddiannau personol.

Ystyriodd yr Aelod o'r Bwrdd Gweithredol adroddiad a oedd yn rhoi trosolwg o'r rheswm dros gymeradwyo galluogi Swyddogion Amgylcheddol i roi cosb benodedig am droseddau yn ymwneud â dyletswydd gofal gwastraff cartrefi yn hytrach nag erlyn troseddwyr drwy'r llys.

Mae troseddau dyletswydd gofal yn ymwneud â phreswylwyr nad ydynt yn cael gwared ar eu gwastraff yn gywir ac nid yw'n berthnasol lle caiff gwastraff ei gasglu gan Gyngor Sir Caerfyrddin.

Nodwyd bod y gallu i roi tocyn cosb benodedig yn welliant o dan Adran 34(2A) o Ddeddf Diogelu'r Amgylchedd 1990. Y dirwyon Hysbysiad Cosb Benodedig a gynigiwyd ar gyfer torri'r ddyletswydd gofal sydd ar breswylwyr oedd £300 a chynigiwyd taliad cynnar o £150 pe bai'n cael ei dalu o fewn 10 diwrnod. Pennwyd y symiau a nodwyd yn dilyn argymhellion gan Lywodraeth Cymru i gael dull cyson o weithredu ledled Cymru.

PENDERFYNWYD cymeradwyo'r newid i'r hysbysiad cosb benodedig mewn perthynas â'r ddyletswydd gofal sydd ar breswylwyr.

PENDERFYNWYD llofnodi bod cofnod penderfyniadau'r cyfarfod a gynhaliwyd ar 18 Ionawr 2019 yn gofnod cywir.