Agenda a Chofnodion

Ni chafwyd ymddiheuriadau am absenoldeb.

Ni ddatganwyd unrhyw fuddiannau personol yn y cyfarfod.

CYTUNWYD cadarnhau cofnodion cyfarfod y Bwrdd Pensiwn a gynhaliwyd ar 23 Ionawr 2020 gan eu bod yn gofnod cywir.

PENDERFYNWYD derbyn cofnodion cyfarfod ar y cyd Pwyllgor Cronfa Bensiwn Dyfed a gynhaliwyd ar 2 Mawrth, 2020.

Cyfeiriwyd at Gofnod 10 o'r cyfarfod a oedd yn ymwneud ag ystyriaeth gan Bwyllgor Cronfa Bensiwn Dyfed o Hysbysiad o Gynnig y Cyngor ynghylch bod y Gronfa yn ymwrthod â thanwydd ffosil, a hefyd e-bost roedd rhai aelodau o'r Bwrdd Pensiwn wedi ei gael yr wythnos honno ar yr un mater. Er cydnabod nad oedd yr e-bost wedi'i dderbyn mewn da bryd i'w drafod gan y Bwrdd yn ei gyfarfod y diwrnod hwnnw, nodwyd ei fod yn un o nifer o sylwadau tebyg a ddaethai i law'r Cyngor yn ddiweddar ac y byddai pob gohebydd yn cael ymateb cyflawn.  Barnwyd y dylid rhoi adroddiad diweddaru ar y mater ar agenda cyfarfod nesaf y Bwrdd.

Dywedodd Cyfarwyddwr y Gwasanaethau Corfforaethol wrth y Bwrdd fod cyfarfod Pwyllgor Cronfa Bensiwn Dyfed a gynhaliwyd ar 24 Mehefin 2020, lle trafodwyd y mater hwn, wedi'i we-ddarlledu a'i fod ar gael i'w wylio ar wefan y Cyngor.

CYTUNWYD: 

Cafodd y Bwrdd Adroddiad ynghylch yr Archwiliad o Ddatganiadau Ariannol ar gyfer Cronfa Bensiwn Dyfed a baratowyd gan Archwilio Cymru sy'n rhoi manylion am y materion sy'n codi o'r archwiliad sy'n ofynnol o dan ISA 260. 

Nodwyd mai'r Archwilydd Cyffredinol sy'n gyfrifol am roi barn ynghylch a yw datganiadau ariannol Cronfa Bensiwn Dyfed yn olwg gywir a theg ar ei sefyllfa ariannol ar 31 Mawrth 2020, a'i hincwm a'i gwariant yn ystod y flwyddyn honno. Roedd adroddiad archwilio diamod ynghylch y datganiadau ariannol wedi'i gyhoeddi ac roedd yr adroddiad terfynol wedi cael ei ystyried gan Bwyllgor Archwilio y Cyngor ar 16 Hydref 2020. 

Canfu Archwilio Cymru nad oedd unrhyw gamddatganiadau yn y datganiadau ariannol a oedd dal heb gael eu cywiro, ond roedd nifer o fân gamddatganiadau wedi'u cywiro gan y rheolwyr fel y'u rhestrir yn Atodiad 3.

Ystyriodd y Bwrdd yr amgylchiadau anodd ar hyn o bryd o achos pandemig Covid-19, a mynegodd yr aelodau eu gwerthfawrogiad i'r holl staff oedd ynghlwm wrth gynhyrchu'r adroddiad.

CYTUNWYD i dderbyn Adroddiad yr Archwiliad o Ddatganiadau Ariannol 2019–20

Rhoddodd y Bwrdd ystyriaeth i adroddiad Monitro Cyllideb Cronfa Bensiwn Dyfed a oedd yn rhoi'r wybodaeth ddiweddaraf am y sefyllfa gyllidebol ddiweddaraf am y cyfnod 1 Ebrill 2020 - 30 Mehefin 2020.

Cyfeiriwyd at y ffaith bod yr adroddiad ar gyfer y cyfnod a ddaeth i ben ar 30 Mehefin, a bod y cyfarfod y diwrnod hwnnw ar 20 Tachwedd, ac a fyddai'n bosibl rhoi gwybodaeth fwy diweddar i'r Bwrdd yng nghyfarfodydd y dyfodol. Dywedodd Cyfarwyddwr y Gwasanaethau Corfforaethol y byddai'n archwilio'r mater hwnnw ac yn cyflwyno adroddiad wedi'i ddiweddaru i gyfarfod nesaf y Pwyllgor.

CYTUNWYD bod yr adroddiad yn cael ei nodi.

Bu'r Bwrdd yn ystyried yr adroddiad Cysoni Arian Parod a roddai'r wybodaeth ddiweddaraf am sefyllfa ariannol Cronfa Bensiwn Dyfed. Nodwyd ar 30 Mehefin, 2020 fod Cyngor Sir Caerfyrddin yn cadw £21.719m o arian parod ar ran y Gronfa ar gyfer gofynion llif arian uniongyrchol i dalu pensiynau, cyfandaliadau a chostau rheoli buddsoddiadau.

 CYTUNWYD bod yr adroddiad yn cael ei nodi.

Cafodd y Bwrdd yr Adroddiad Torri Amodau, mewn perthynas â Chronfa Bensiwn Dyfed, i'w ystyried. Mae Adran 70 o Ddeddf Pensiynau 2004 yn nodi'r ddyletswydd gyfreithiol i riportio achosion o dorri'r gyfraith.

Nododd y Bwrdd fod nifer o achosion wedi bod ers y cyfarfod diwethaf lle nad oedd cyfraniadau gweithwyr/cyflogwr wedi'u derbyn ar amser. Cadarnhaodd y Rheolwr Pensiynau fod trafodaethau'n cael eu cynnal gyda'r cyrff oedd yn rhan o'r Bwrdd i leihau'r achosion hyn o dorri amodau. Fodd bynnag, er nad oedd yr achosion o dorri amodau'n cyfateb i swm sylweddol o arian, roedd yn rhaid eu cofnodi o hyd.

O ran Eitem 90 a 96 yn yr adroddiad, mewn perthynas â thalu ad-daliadau, hysbyswyd y Bwrdd fod y toriad yn ymwneud â gofyniad i dalu ad-daliadau awtomatig ar ôl pum mlynedd i aelodau'r cynllun a wnaeth adael ar ôl Ebrill 2014. Roeddid wedi cysylltu ag aelodau'r cynllun yr oedd hyn wedi effeithio arnynt i ofyn am eu manylion banc ond nid oedd ateb wedi dod i law. Roedd Gr?p Technegol Cynllun Pensiwn Llywodraeth Leol yn cydnabod y mater hwn ar raddfa genedlaethol, yn enwedig mewn perthynas ag ad-dalu symiau bach o arian, ac wedi argymell bod Bwrdd Ymgynghorol y Cynllun yn gofyn i Weinidogion newid y Rheoliad.

CYTUNWYD nodi’r adroddiad mewn perthynas â Chronfa Bensiwn Dyfed.

Cyfeiriwyd at y ffaith nad oedd y Gofrestr Risg wedi'i chynnwys yn y papurau ar gyfer y cyfarfod, a dylid cywiro hynny ar gyfer cyfarfodydd yn y dyfodol er mwyn galluogi'r Bwrdd i ystyried risgiau posibl i'r gronfa. Mynegwyd barn hefyd y dylai'r adroddiad, os oedd yn bosibl, gael ei rhannu'n risgiau gweithredol a strategol.

Dywedwyd wrth y Bwrdd, gan nad oedd y gofrestr risg wedi newid ers yr adroddiad diwethaf i Bwyllgor Cronfa Bensiwn Dyfed ym mis Mawrth 2020, fod dolen i'r adroddiad hwnnw wedi'i darparu gyda'r agenda. Rhoddodd Cyfarwyddwr y Gwasanaethau Corfforaethol sicrwydd i aelodau'r Bwrdd y byddai'r gofrestr yn cael ei chynnwys ar gyfer cyfarfodydd y dyfodol. Byddai hefyd yn edrych ar ymarferoldeb rhannu adroddiadau yn y dyfodol yn risgiau gweithredol a strategol.

CYTUNWYD

Cafodd y Bwrdd y wybodaeth ddiweddaraf am gynnydd Partneriaeth Pensiwn Cymru mewn perthynas â'r meysydd allweddol canlynol:

-                  Daliadau Cyfredol y Gronfa;

-                  Cynnydd Lansio'r Gronfa;

-                  Diweddariad ac Ymgysylltiad Corfforaethol.

Cyfeiriwyd at dudalen 59 yr adroddiad ac a fyddai'n bosibl i aelodau Bwrdd Cronfa Bensiwn Dyfed a Phwyllgor Cronfa Bensiwn Dyfed dderbyn hyfforddiant ar ddatblygu Strategaeth Marchnad Breifat Partneriaeth Pensiwn Cymru. Cadarnhaodd Cyfarwyddwr y Gwasanaethau Corfforaethol y gellid darparu hyfforddiant priodol.

Dywedodd Cyfarwyddwr y Gwasanaethau Corfforaethol, mewn ymateb i gwestiwn ar gyfethol cynrychiolydd undeb llafur i Gyd-bwyllgor Llywodraethu Partneriaeth Pensiwn Cymru, fod y Cyd-bwyllgor yn edrych ar fater aelodau cyfetholedig a'r gobaith oedd y gellid cyflwyno adroddiad, a fyddai'n manylu ar y broses a'u penodiad, i gyfarfod nesaf y Pwyllgor hwnnw.

CYTUNWYD y dylid derbyn yr adroddiad diweddaru.

Cafodd y Bwrdd gofnodion cyfarfod Pwyllgor Cronfa Bensiwn Dyfed a gynhaliwyd ar 16 Hydref, 2020.

CYTUNWYD bod y COFNODION yn cael eu nodi.

NI DDYLID CYHOEDDI’R ADRODDIAD SY’N YMWNEUD Â’R MATERION CANLYNOL GAN EU BOD YN CYNNWYS GWYBODAETH EITHRIEDIG FEL Y’I DIFFINIWYD YM MHARAGRAFF 14 O RAN 4 O ATODLEN 12A I DDEDDF LLYWODRAETH LEOL 1972 FEL Y’I DIWYGIWYD GAN ORCHYMYN LLYWODRAETH LEOL (MYNEDIAD AT WYBODAETH) (AMRYWIO) (CYMRU) 2007. OS BYDD Y PWYLLGOR AR ÔL CYNNAL PRAWF LLES Y CYHOEDD YN PENDERFYNU YN UNOL Â’R DDEDDF, I YSTYRIED Y MATER HYN YN BREIFAT, GORCHMYNNIR I’R CYHOEDD ADAEL Y CYFARFOD YN YSTOD TRAFODAETH O’R FATH.

PENDERFYNWYD YN UNFRYDOL, yn unol â Deddf Llywodraeth Leol 1972, fel y'i newidiwyd gan Orchymyn Llywodraeth Leol (Mynediad at Wybodaeth) (Amrywio) (Cymru) 2007, orchymyn i'r cyhoedd adael y cyfarfod tra oedd yr eitemau canlynol yn cael eu hystyried, gan fod yr adroddiadau'n cynnwys gwybodaeth eithriedig fel y'i diffiniwyd ym mharagraff 14 o Ran 4 o Atodlen 12A i'r Ddeddf.

Yn sgil gweithredu'r prawf budd y cyhoedd PENDERFYNWYD YN UNFRYDOL, yn unol â'r Ddeddf y cyfeiriwyd ati yng nghofnod rhif 7 uchod, fod y mater hwn yn cael ei ystyried yn breifat, gan beidio â gadael i'r cyhoedd fod yn bresennol yn y cyfarfod, gan y byddai datgelu gwybodaeth yn debygol o achosi niwed ariannol i'r Gronfa Bensiwn ac o niweidio trafodaethau parhaus a thrafodaethau'r dyfodol. 

Cafodd y Bwrdd adroddiad yn manylu ar gynigion y Gronfa ar gyfer buddsoddiadau mynegeion carbon isel

CYTUNWYD derbyn yr adroddiad Mynegeion Carbon Isel.

Yn sgil gweithredu'r prawf budd y cyhoedd PENDERFYNWYD YN UNFRYDOL, yn unol â'r Ddeddf y cyfeiriwyd ati yng nghofnod rhif 7 uchod, fod y mater hwn yn cael ei ystyried yn breifat, gan beidio â gadael i'r cyhoedd fod yn bresennol yn y cyfarfod, gan y byddai datgelu gwybodaeth yn debygol o achosi niwed ariannol i'r Gronfa Bensiwn.

Ystyriodd y Bwrdd Adroddiad Perfformiad a Risg yr Ymgynghorydd Buddsoddi Annibynnol, a roddai wybodaeth mewn perthynas â pherfformiad y rheolwr buddsoddiadau ar gyfer pob chwarter, pob 12 mis a chyfnodau treigl o 3 blynedd, gan ddod i ben ar 30 Mehefin 2020, ynghyd â chefndir y farchnad fyd-eang a materion i'w hystyried.

PENDERFYNWYD nodi Adroddiad yr Ymgynghorydd Buddsoddi Annibynnol fel yr oedd ar 30 Mehefin.

Yn sgil gweithredu'r prawf budd y cyhoedd PENDERFYNWYD YN UNFRYDOL, yn unol â'r Ddeddf y cyfeiriwyd ati yng nghofnod rhif 7 uchod, fod y mater hwn yn cael ei ystyried yn breifat, gan beidio â gadael i'r cyhoedd fod yn bresennol yn y cyfarfod, gan y byddai datgelu gwybodaeth yn debygol o achosi niwed ariannol i'r Gronfa Bensiwn ac o niweidio trafodaethau parhaus a thrafodaethau'r dyfodol. 

Cafodd y Bwrdd adroddiad ar adolygiad a gynhaliwyd ar gyfer Partneriaeth Pensiwn Cymru ar fenthyca gwarannau ar gyfer y cyfnod 1 Ebrill 2020 - 30 Mehefin 2020, ynghyd ag incwm a gynhyrchwyd ar gyfer Cronfa Bensiwn Dyfed.

PENDERFYNWYD nodi'r adroddiad Benthyca Gwarannau.

Yn sgil gweithredu'r prawf budd y cyhoedd PENDERFYNWYD YN UNFRYDOL, yn unol â'r Ddeddf y cyfeiriwyd ati yng nghofnod rhif 7 uchod, fod y mater hwn yn cael ei ystyried yn breifat, gan beidio â gadael i'r cyhoedd fod yn bresennol yn y cyfarfod, gan y byddai datgelu gwybodaeth yn debygol o achosi niwed ariannol i'r Gronfa Bensiwn ac o niweidio trafodaethau parhaus a thrafodaethau'r dyfodol. 

Ystyriodd y Bwrdd adroddiad perfformiad Northern Trust ar gyfer Cronfa Bensiwn Dyfed fel yr oedd ar 30 Mehefin 2020 a oedd yn nodi dadansoddiad o berfformiad o ran lefel y gronfa gyfan a chan y rheolwr buddsoddi am y cyfnodau cyn i'r gronfa gychwyn.

PENDERFYNWYD derbyn adroddiad perfformiad Northern Trust ar gyfer Cronfa Bensiwn Dyfed fel yr oedd ar 30 Mehefin 2020.