Agenda a Chofnodion

Ni chafwyd ymddiheuriadau am absenoldeb.

[Noder: Ceir eithriad yn y Côd Ymddygiad ar gyfer Aelodau, sy'n caniatáu i aelod a benodwyd neu a enwebwyd gan ei Awdurdod i gorff perthnasol ddatgan y buddiant hwnnw ond aros a chymryd rhan yn y cyfarfod.]

PENDERFYNWYD llofnodi cofnodion cyfarfod y Cyd-bwyllgor Llywodraethu a gynhaliwyd ar 17 Gorffennaf 2024 gan eu bod yn gywir.

[Noder: Roedd y Cynghorwyr C. Weaver, M. Lewis, P. Lewis, N. Yeowell, M. Norris, D. Rose, E Williams a M. Hughes wedi datgan diddordeb yn yr eitem hon yn gynharach.]

Cafodd y Cyd-bwyllgor ddiweddariad cynnydd mewn perthynas â'r meysydd allweddol canlynol:

-   Llywodraethu;

-   Sefydlu parhaus;

-   Gwasanaethau gweithredwyr;

-   Cyfathrebu ac adrodd;

-   Hyfforddiant a chyfarfodydd;

-   Adnoddau, cyllideb a ffioedd.

PENDERFYNWYD YN UNFRYDOL fod diweddariad yr Awdurdod Cynnal yn cael ei dderbyn.

[Noder: Roedd y Cynghorwyr C. Weaver, M. Lewis, P. Lewis, N. Yeowell, M. Norris, D. Rose, E Williams a M. Hughes wedi datgan diddordeb yn yr eitem hon yn gynharach.]

Bu'r Cyd-bwyllgor yn ystyried Adolygiad Cofrestr Risg Ch3 2024. Atgoffwyd yr Aelodau mai pwrpas Cofrestr Risg Partneriaeth Pensiwn Cymru yw:

·           Amlinellu risgiau allweddol Partneriaeth Pensiynau Cymru a’r ffactorau a allai gyfyngu ar ei gallu i fodloni ei hamcanion.

·           Mesur difrifoldeb a thebygolrwydd y risg sy'n wynebu Partneriaeth Pensiwn Cymru

·           Crynhoi strategaethau rheoli risg Partneriaeth Pensiwn Cymru.

·           Monitro arwyddocâd parhaus y risgiau hyn a'r gofyniad am fwy o strategaethau lliniaru risg.

Roedd adolygiad chwarterol o'r gofrestr wedi'i gynnal gan y Gweithgor Swyddogion a oedd yn edrych ar rai o'r risgiau yn adran Llywodraethu a Rheoleiddio y Gofrestr Risg.  Rhoddwyd gwybod i Aelodau'r Cyd-bwyllgor fod adolygiad wedi digwydd yn ystod y chwarter diwethaf ar y Risgiau Hyfforddiant ac Adnoddau a Chyfathrebu. Rhoddwyd gwybod i'r Cyd-bwyllgor am ganlyniadau'r adolygiad ar gyfer pob un o'r risgiau hynny fel y'u crynhoir yn yr adroddiad.

Byddai'r adolygiad nesaf yn cael ei gynnal yn Ch4 2024 a byddai'n canolbwyntio ar Risgiau'r Adain Buddsoddiadau.

Mewn ymateb i ymholiad ynghylch cynnwys risg sy'n ymwneud â newid yng ngweinyddiaeth y Llywodraeth, dywedwyd bod materion o'r fath wedi'u cynnwys yn y Gofrestr Risg ehangach.

PENDERFYNWYD YN UNFRYDOL gymeradwyo'r newidiadau i Gofrestr Risg Partneriaeth Pensiwn Cymru, fel y nodwyd yn yr adroddiad.

[Noder: Roedd y Cynghorwyr C. Weaver, M. Lewis, P. Lewis, N. Yeowell, M. Norris, D. Rose, E Williams a M. Hughes wedi datgan diddordeb yn yr eitem hon yn gynharach.]

Cafodd y Cyd-bwyllgor gyflwyniad a ddarparwyd gan Waystone Management (UK) Limited ar gynnydd Partneriaeth Pensiwn Cymru ar gyfer Chwarter 2 2024 mewn perthynas â'r meysydd allweddol canlynol:

·       Diweddariadau'r farchnad;

·       Diweddariadau busnes.

·       Daliannau Cyfredol y Gronfa;

·       Diweddariad is-gronfeydd;

·       Diweddariad ac Ymgysylltiad Corfforaethol

Cafodd y Cyd-bwyllgor ddiweddariadau ynghylch y canlynol:-

·           Diweddariad i'r Farchnad

·           Diweddariad Busnes

·           Crynodeb Asedau Dan Reolaeth ar 30 Mehefin 2024

·           Newidiadau i gronfeydd mewn perthynas â'r Gronfa Twf Byd-eang a'r Cronfeydd Ecwiti Gweithredol Cynaliadwy

·           Diweddariadau'r farchnad mewn perthynas â Rwsia / Wcráin a'r Dwyrain Canol

·           Diweddariad ac Ymgysylltiad Corfforaethol.

PENDERFYNODD YN UNFRYDOL dderbyn y Diweddariad gan y Gweithredwr.

[Noder: Roedd y Cynghorwyr C. Weaver, M. Lewis, P. Lewis, N. Yeowell, M. Norris, D. Rose, E Williams a M. Hughes wedi datgan diddordeb yn yr eitem hon yn gynharach.]

Derbyniodd y Cyd-bwyllgor gyflwyniad ar yr Adroddiadau Perfformiad fel yr oeddent ar 30 Mehefin 2024. Rhoddwyd gwybod i'r Aelodau bod yr is-gronfeydd a oedd wedi perfformio'n uwch/ tanberfformio eu meincnodau priodol, fel a ganlyn:

•       Twf Byd-eang - tanberfformiad o 1.8% gros / 2.2% net

•       Cyfleoedd Byd-eang - 0.7% gros / 0.4% net yn uwch

•       Ecwiti Gweithredol Cynaliadwy – tanberfformiad o 6% gros / 6.4% net

•       Cyfleoedd y DU – tanberfformiad o 0.3% gros / 0.7% net

•       Bond Llywodraeth Fyd-eang – 0.8% gros / 0.6% net yn uwch

•       Credyd Byd-eang – meincnod wedi'i fodloni gros / tanberfformiad o 0.2% net

Nododd y Pwyllgor nad oedd y cronfeydd Credyd Aml-asedau a Bond Elw Absoliwt yn cyrraedd eu targedau a bod y Marchnadoedd Datblygol a Chronfeydd Credyd Sterling wedi rhagori ar eu targed.

PENDERFYNWYD nodi Adroddiadau Perfformiad yr is-gronfeydd canlynol ar 30 Mehefin 2024:

7.1       Cronfa Ecwiti Cyfleoedd Byd-eang

7.2     Cronfa Ecwiti Twf Byd-eang

7.3     Cronfa Ecwiti Gweithredol Cynaliadwy

7.4     Cronfa Ecwiti Marchnadoedd Datblygol

7.5     Cronfa Ecwiti Cyfleoedd y DU

7.6     Cronfa Bond Llywodraeth Fyd-eang

7.7     Cronfa Credyd Byd-eang

7.8     Cronfa Credyd Aml-asedau

7.9     Cronfa Bond Elw Absoliwt

7.10   Cronfa Credyd Sterling

[Noder: Roedd y Cynghorwyr C. Weaver, M. Lewis, P. Lewis, N. Yeowell, M. Norris, D. Rose, E Williams a M. Hughes wedi datgan diddordeb yn yr eitem hon yn gynharach.]

Cafodd y Pwyllgor adroddiad, wedi'i ategu gan gyflwyniad a roddwyd gan Russell Investments.  Yn 2023, lansiodd Partneriaeth Pensiwn Cymru (PPC) ei rhaglenni Buddsoddi Marchnad Preifat cychwynnol.  Penodwyd Russell Investments yn Ddyrannwr Credyd Preifat PPC, ac mae'r rhaglen Buddsoddi Credyd Preifat yn cael ei lansio ym mis Ebrill 2023.  Roedd yr adroddiad yn rhoi gwybodaeth fanwl am y cynnydd hyd yn hyn.

PENDERFYNWYD YN UNFRYDOL dderbyn yr adroddiad diweddaru ar y Diweddariad ynghylch Marchnadoedd Preifat – Ecwiti Preifat.

NI DDYLID CYHOEDDI’R ADRODDIADAU SY’N YMWNEUD Â’R MATERION CANLYNOL GAN EU BOD YN CYNNWYS GWYBODAETH EITHRIEDIG FEL Y’I DIFFINIWYD YM MHARAGRAFF 14 O RAN 4 O ATODLEN 12A I DDEDDF LLYWODRAETH LEOL 1972 FEL Y’I DIWYGIWYD GAN ORCHYMYN LLYWODRAETH LEOL (MYNEDIAD AT WYBODAETH) (AMRYWIO) (CYMRU) 2007. OS BYDD Y CYD-BWYLLGOR AR ÔL CYNNAL PRAWF LLES Y CYHOEDD YN PENDERFYNU YN UNOL Â’R DDEDDF, I YSTYRIED Y MATERION HYN YN BREIFAT, GORCHMYNNIR I’R CYHOEDD ADAEL Y CYFARFOD YN YSTOD TRAFODAETH O’R FATH.

PENDERFYNWYD YN UNFRYDOL, yn unol â Deddf Llywodraeth Leol 1972, fel y'i newidiwyd gan Orchymyn Llywodraeth Leol (Mynediad at Wybodaeth) (Amrywio) (Cymru) 2007, orchymyn i'r cyhoedd adael y cyfarfod tra oedd yr eitem ganlynol yn cael ei hystyried, gan fod yr adroddiadau'n cynnwys gwybodaeth eithriedig fel y'i diffiniwyd ym mharagraff 14 o Ran 4 o Atodlen 12A i'r Ddeddf.

Yn sgil gweithredu'r prawf budd y cyhoedd PENDERFYNWYD YN UNFRYDOL, yn unol â'r Ddeddf y cyfeiriwyd ati yng nghofnod rhif 9 uchod, fod y mater hwn yn cael ei ystyried yn breifat, gan beidio â gadael i'r cyhoedd fod yn bresennol yn y cyfarfod, gan y byddai datgelu gwybodaeth yn debygol o achosi niwed ariannol i'r Gronfa Bensiwn ac o niweidio trafodaethau parhaus a thrafodaethau'r dyfodol.

[Noder: Roedd y Cynghorwyr C. Weaver, M. Lewis, P. Lewis, N. Yeowell, M. Norris, D. Rose, E Williams a M. Hughes wedi datgan diddordeb yn yr eitem hon yn gynharach.]

Cafodd y Cyd-bwyllgor Llywodraethu yr adroddiad ar yr Adolygiad Perfformiad Benthyca Gwarannau ar 30 Mehefin 2024 i'w ystyried.  Cyhoeddwyd yr adroddiad gan Northern Trust.

PENDERFYNWYD YN UNFRYDOL nodi'r adroddiad Adolygiad o Berfformiad a Pherthynas Benthyca Gwarannau ar gyfer y chwarter a ddaeth i ben ar 30 Mehefin 2024.

Yn sgil gweithredu'r prawf budd y cyhoedd PENDERFYNWYD YN UNFRYDOL, yn unol â'r Ddeddf y cyfeiriwyd ati yng nghofnod rhif 9 uchod, fod y mater hwn yn cael ei ystyried yn breifat, gan beidio â gadael i'r cyhoedd fod yn bresennol yn y cyfarfod, gan y byddai datgelu gwybodaeth yn debygol o achosi niwed ariannol i'r Gronfa Bensiwn ac o niweidio trafodaethau parhaus a thrafodaethau'r dyfodol.

[Noder: Roedd y Cynghorwyr C. Weaver, M. Lewis, P. Lewis, N. Yeowell, M. Norris, D. Rose, E Williams a M. Hughes wedi datgan diddordeb yn yr eitem hon yn gynharach.]

Cafodd y Cyd-bwyllgor yr Adroddiad Ymgysylltu ar gyfer Ch2 2024 (y chwarter a ddaeth i ben ar 30 Mawrth, 2024).

PENDERFYNWYD YN UNFRYDOL nodi'r Adroddiad Ymgysylltu ar gyfer Ch2 2024.

Yn sgil gweithredu'r prawf budd y cyhoedd PENDERFYNWYD YN UNFRYDOL, yn unol â'r Ddeddf y cyfeiriwyd ati yng nghofnod rhif 9 uchod, fod y mater hwn yn cael ei ystyried yn breifat, gan beidio â gadael i'r cyhoedd fod yn bresennol yn y cyfarfod, gan y byddai datgelu gwybodaeth yn debygol o achosi niwed ariannol i'r Gronfa Bensiwn ac o niweidio trafodaethau parhaus a thrafodaethau'r dyfodol.

[Noder: Roedd y Cynghorwyr C. Weaver, M. Lewis, P. Lewis, N. Yeowell, M. Norris, D. Rose, E Williams a M. Hughes wedi datgan diddordeb yn yr eitem hon yn gynharach.]

Cafodd y Cyd-bwyllgor yr adroddiadau Buddsoddi Cyfrifol a Risg Hinsawdd, ar gyfer Chwarter 2, 2024 (y chwarter a ddaeth i ben ar 30 Mehefin:, 2024), mewn perthynas â'r cronfeydd canlynol:-

·           Twf Byd-eang

·           Cyfleoedd Byd-eang

·           Ecwiti Gweithredol Cynaliadwy

Rhoddodd yr adroddiad sylw i fetrigau Amgylcheddol, Cymdeithasol a Llywodraethu gan dynnu sylw at unrhyw risgiau a materion perthnasol sy'n gysylltiedig â ffactorau Amgylcheddol, Cymdeithasol a Llywodraethu, a nododd gamau allweddol i Bartneriaeth Pensiwn Cymru eu trafod.

PENDERFYNWYD YN UNFRYDOL nodi Adroddiadau Buddsoddi Cyfrifol a Risg Hinsawdd ar gyfer yr is-gronfeydd canlynol:

•       Bond Elw Absoliwt

•       Credyd Aml-asedau