Agenda a Chofnodion
Lleoliad: Rhith-Gyfarfod - ddim ar gael. Cyfarwyddiadau
Media
Rhif | eitem |
---|---|
YMDDIHEURIADAU AM ABSENOLDEB Dogfennau ychwanegol: Cofnodion: Cafwyd ymddiheuriad am absenoldeb gan y Cynghorydd T. J. Jones.
|
|
DATGAN BUDDIANNAU PERSONOL Dogfennau ychwanegol: Cofnodion: Ni ddatganwyd unrhyw fuddiannau personol.
|
|
COFNODION CYFARFOD Y PWYLLGOR A GYNHALIWYD AR 16 MEHEFIN 2021 PDF 314 KB Dogfennau ychwanegol: Cofnodion: |
|
ADRODDIAD YNGHYLCH YR ARCHWILIAD O DDATGANIDADAU ARIANNOL 2020-21 PDF 430 KB Dogfennau ychwanegol: Cofnodion: Croesawyd y Pwyllgor Anwen Worthy o Archwilio Cymru i'r cyfarfod a gyflwynodd yr Adroddiad ynghylch yr Archwiliad o Ddatganiadau Ariannol ar gyfer Cronfa Bensiwn Dyfed, gan fanylu ar y materion a oedd yn codi o'r archwiliad yr oedd angen eu hadrodd o dan Safon Ryngwladol ar Archwilio 260.
Nodwyd mai'r Archwilydd Cyffredinol oedd yn gyfrifol am roi barn ynghylch a oedd datganiadau ariannol Cronfa Bensiwn Dyfed yn olwg gywir a theg ar ei sefyllfa ariannol ar 31 Mawrth 2021, a'i hincwm a'i gwariant yn ystod y flwyddyn honno.
Rhoddwyd gwybod i'r Pwyllgor bod adroddiad archwilio diamod ynghylch y datganiadau ariannol wedi'i gyhoeddi a byddai'r Pwyllgor Archwilio a Llywodraethu yn ystyried yr adroddiad terfynol maes o law.
Dymunai'r Pwyllgor ddiolch yn ddiffuant i Archwilio Cymru am wneud yr Archwiliad ac i'r Adran Bensiynau am ei holl waith caled mewn archwiliad llwyddiannus.
PENDERFYNWYD YN UNFRYDOL dderbyn Adroddiad yr Archwiliad o Ddatganiadau Ariannol 2020–21 (ISA260).
|
|
DATGANIAD CYFRIFON 2020-21 PDF 365 KB Dogfennau ychwanegol: Cofnodion: Cafodd y Pwyllgor y Datganiad o Gyfrifon ar gyfer 2020-21 a oedd yn darparu gwybodaeth am sefyllfa ariannol, perfformiad a hyblygrwydd ariannol y Gronfa am y flwyddyn 2020-21.
Roedd y cyfrifon yn cyflwyno canlyniadau'r stiwardiaeth rheoli, hynny yw, atebolrwydd rheolwyr o ran yr adnoddau sydd wedi'u hymddiried iddynt, a sefyllfa’r asedau ar ddiwedd y cyfnod.
Bu'r Pwyllgor yn ystyried y prif gyfrifon a'r adroddiadau oedd yn y Datganiad o Gyfrifon fel a ganlyn:
· Cyfrif y Gronfa. · Y Datganiad Asedau Net. · Y Datganiad gan yr Actiwari Ymgynghori
Dywedwyd wrth y Pwyllgor y byddai'r Datganiad o Gyfrifon ar gael i'w weld ar y wefan maes o law, yn dilyn ei ystyried gan y Pwyllgor Archwilio a Llywodraethu.
PENDERFYNWYD YN UNFRYDOL dderbyn Datganiad o Gyfrifon 2020-21.
|
|
COFNODION BWRDD PENSIWN CRONFA BENSIWN DYFED 16 EBRILL 2021 PDF 312 KB Dogfennau ychwanegol: Cofnodion: PENDERFYNWYD YN UNFRYDOL fod cofnodion cyfarfod Bwrdd Pensiwn Cronfa Bensiwn Dyfed ar 16 Ebrill, 2021 yn cael eu derbyn.
|
|
MONITRO CYLLIDEB 1 EBRILL 2021 - 31 MEHEFIN 2021 PDF 378 KB Dogfennau ychwanegol: Cofnodion: Cafodd y Pwyllgor Adroddiad Monitro Cronfa Bensiwn Dyfed a oedd yn rhoi'r wybodaeth ddiweddaraf am y sefyllfa gyllidebol o ran blwyddyn ariannol 2020/21. Nodwyd bod y sefyllfa bresennol, fel yr oedd ar 30 Mehefin 2021, yn rhagweld tanwariant o £2m o ran arian parod.
O ran gwariant, roedd effaith net y buddion taladwy a'r trosglwyddiadau allan yn dangos tanwariant o £1.2m. Roedd hynny'n bennaf oherwydd cynnydd o 3% wrth bennu'r gyllideb ar gyfer pensiynwyr, y cynnydd gwirioneddol ar gyfer y flwyddyn hyd yma oedd 1.75%. Roedd tanwariant o ran treuliau rheolwyr o £317k.
O ran incwm, roedd effaith net cyfraniadau, incwm buddsoddi a throsglwyddiadau i mewn yn dangos cynnydd o £536k, yn bennaf o ganlyniad i ragweld incwm buddsoddi uwch na'r hyn roeddid wedi cyllidebu ar ei gyfer.
Amcangyfrifwyd mai cyfanswm y gwariant cyffredinol oedd £102.8m ac mai cyfanswm yr incwm oedd £104.8m, gan arwain i sefyllfa llif arian gadarnhaol o £2m.
PENDERFYNWYD YN UNFRYDOL dderbyn Adroddiad Monitro Cyllideb Cronfa Bensiwn Dyfed ar gyfer y cyfnod o 1 Ebrill 2021 tan 30 Mehefin 2021.
|
|
CYSONI ARIAN PAROD FEL YR OEDD AR 30 MEHEFIN 2021 PDF 297 KB Dogfennau ychwanegol: Cofnodion: Bu'r Pwyllgor yn ystyried yr adroddiad Cysoni Arian Parod a roddai'r wybodaeth ddiweddaraf am sefyllfa ariannol Cronfa Bensiwn Dyfed. Nodwyd ar 30 Mehefin, 2021 fod Cyngor Sir Caerfyrddin yn cadw £11m o arian parod ar ran y Gronfa ar gyfer gofynion llif arian uniongyrchol i dalu pensiynau, cyfandaliadau a chostau rheoli buddsoddiadau.
PENDERFYNWYD YN UNFRYDOL dderbyn adroddiad Cysoni Arian Parod Cronfa Bensiwn Dyfed.
|
|
DATGANIAD STRATEGAETH FUDDSODDI DDRAFFT 2021 PDF 294 KB Dogfennau ychwanegol: Cofnodion: Cafodd y Pwyllgor adroddiad a gyflwynai'r Datganiad Strategaeth Fuddsoddi Ddrafft ar gyfer 2021 i'w gymeradwyo. Mae Datganiad Cronfa Bensiwn Dyfed, sy'n ofynnol o dan reoliad 7 o Reoliadau Cynllun Pensiwn Llywodraeth Leol (Rheoli a Buddsoddi mewn Cronfeydd) 2016, yn nodi strategaeth fuddsoddi gyfredol y Gronfa, yn darparu tryloywder mewn perthynas â sut y caiff buddsoddiadau'r Gronfa eu rheoli, ac yn gweithredu fel cofrestr risg lefel uchel, ac roedd wedi'i dylunio i fod ddefnyddiol i'r holl randdeiliaid.
Dywedodd y Pwyllgor ei bod yn braf nodi'r adran ar newid yn yr hinsawdd, lle'r oedd y gronfa'n cydnabod pwysigrwydd mynd i'r afael â'r risgiau ariannol oedd yn gysylltiedig â newid yn yr hinsawdd drwy ei strategaeth fuddsoddi. Yn ogystal, roedd Cronfa Bensiwn Dyfed hefyd yn ystyried polisïau Buddsoddiad Cyfrifol a Risg Hinsawdd Partneriaeth Pensiwn Cymru.
Cyfeiriwyd at e-bost diweddar gan Divest Dyfed ynghylch rhoi'r gorau'n syth i fuddsoddi mewn tanwyddau ffosil. Dywedwyd mai ymgysylltu â chwmnïau oedd blaenoriaeth y Gronfa ar hyn o bryd, a sicrhau llwybr cytbwys a gwybodus o ran unrhyw fwriad i roi'r gorau i fuddsoddi yn yr asedau hyn. Dywedodd Cyfarwyddwr y Gwasanaethau Corfforaethol y byddai cyfarfod yn cael ei drefnu gyda Divest Dyfed mewn ymateb i'r e-bost.
Adroddodd Cyfarwyddwr y Gwasanaethau Corfforaethol fod Cyfarfod Ymgynghorol Blynyddol Cronfa Bensiwn Dyfed a gynhaliwyd ar 7 Hydref 2021 yn llwyddiannus a bod adborth cadarnhaol wedi dod i law gan y cyflogwyr oedd yn bresennol.
PENDERFYNWYD YN UNFRYDOL gymeradwyo Datganiad Strategaeth Fuddsoddi Ddrafft 2021.
|
|
DATGANIAD STRATEGAETH ARIANNU PDF 296 KB Dogfennau ychwanegol: Cofnodion: Cafodd y Pwyllgor adroddiad a gyflwynai'r Datganiad Strategaeth Gyllido i'w gymeradwyo.
Dywedwyd bod y Datganiad wedi'i ddiweddaru i adlewyrchu hyblygrwydd newydd y cyflogwr o ran Trefniadau Gwasgaru Dyledion a Chytundebau Dyledion Gohiriedig.
Mae'r Datganiad Strategaeth Gyllido yn nodi strategaeth gyllido eglur a thryloyw a oedd yn nodi sut y bydd rhwymedigaethau pensiwn pob un o gyflogwyr y Gronfa yn cael eu bodloni yn y dyfodol.
PENDERFYNWYD YN UNFRYDOL gymeradwyo'r Datganiad Strategaeth Gyllido diweddaraf.
|
|
ADRODDIAD GWEINYDDU PENSIYNAU PDF 307 KB Dogfennau ychwanegol: Cofnodion: Derbyniodd y Pwyllgor adroddiad a roddai
ddiweddariad ar Weinyddu Pensiynau.
Roedd yr adroddiad yn cynnwys diweddariadau ar y gweithgareddau yn
y gwasanaeth Gweinyddu Pensiynau ac roedd yn cynnwys materion
rheoleiddiol, cyflogwyr newydd, y
gofrestr torri amodau,
Nododd y Pwyllgor fod Adapt wedi dod yn gyflogwr cynllun ar 11 Mehefin 2021 yn dilyn trosglwyddo staff TUPE a bod bond ar waith ar gyfer rhwymedigaethau.
PENDERFYNWYD YN UNFRYDOL nodi’r Adroddiad Gweinyddu Pensiwn mewn perthynas â Chronfa Bensiwn Dyfed.
|
|
ADRODDIAD TORRI AMODAU 2021-2022 PDF 310 KB Dogfennau ychwanegol: Cofnodion: Cafodd y Pwyllgor yr Adroddiad Torri Amodau, mewn perthynas â Chronfa Bensiwn Dyfed, i'w ystyried. Nodwyd gan y Pwyllgor fod Adran 70 o Ddeddf Pensiynau 2004 yn pennu'r ddyletswydd gyfreithiol i riportio achosion o dorri'r gyfraith. Mae Côd Ymarfer rhif 14, paragraffau 241 i 275, a gyhoeddwyd gan y Rheoleiddiwr Pensiynau ym mis Ebrill 2015, yn rhoi cyfarwyddyd ynghylch riportio'r achosion hyn o dorri'r gyfraith.
Cafodd Polisi Torri Amodau Cronfa Bensiwn Dyfed ei gymeradwyo gan Banel Cronfa Bensiwn Dyfed ym mis Mawrth 2016. O dan y polisi, roedd yn ofynnol i achosion o dorri'r gyfraith gael eu hadrodd i'r Rheoleiddiwr Pensiynau os oes achos rhesymol i gredu'r canlynol:
· na chydymffurfir – neu na chydymffurfiwyd – â dyletswydd gyfreithiol sy'n berthnasol i'r gwaith o weinyddu'r cynllun;
· bod yr anallu i gydymffurfio yn debygol o fod o arwyddocâd sylweddol i'r Rheoleiddiwr wrth iddo arfer unrhyw un o'i swyddogaethau.
Nododd y Pwyllgor fod ambell achos wedi bod ers y cyfarfod diwethaf lle nad oedd cyfraniadau gweithwyr/cyflogwr wedi'u derbyn ar amser. Nid oedd adroddiad wedi gorfod cael ei anfon at y Rheoleiddiwr Pensiynau.
PENDERFYNWYD YN UNFRYDOL nodi’r Adroddiad Torri Amodau mewn perthynas â Chronfa Bensiwn Dyfed.
|
|
COFRESTR RISG 2021-2022 PDF 309 KB Dogfennau ychwanegol: Cofnodion: Rhoddwyd gwybod i'r Pwyllgor fod y Gofrestr Risg yn tynnu sylw at yr holl risgiau a nodwyd mewn perthynas â swyddogaethau Cronfa Bensiwn Dyfed. Dywedwyd bod y gofrestr risg ar gyfer 2021-2022 wedi'i hadolygu ac na fu unrhyw newidiadau ers cyfarfod diwethaf y pwyllgor.
Byddai'r risgiau yn parhau i gael eu hadolygu'n chwarterol, a byddai unrhyw newidiadau yn cael eu dwyn at sylw'r Pwyllgor.
PENDERFYNWYD YN UNFRYDOL fod adroddiad y gofrestr risg ar gyfer 2021/2022 yn cael ei gymeradwyo.
|
|
DIWEDDARIAD Y GWEITHREDWR PDF 339 KB Dogfennau ychwanegol: Cofnodion: Cafodd y Pwyllgor adroddiad am y cynnydd diweddaraf o ran Partneriaeth Pensiwn Cymru, a oedd yn cynnwys y meysydd allweddol canlynol:-
· Daliannau Cyfredol y Gronfa · Cynnydd Lansio'r Gronfa · Link / Russell Investments - Diweddariad Corfforaethol ac Ymgysylltu
Roedd yr adroddiad yn cynnwys cerrig milltir yr Is-gronfeydd canlynol ynghyd â daliadau cyfredol y gronfa, cynnydd lansio'r gronfa, a diweddariad corfforaethol ac ymgysylltu LFS fel a ganlyn:-
· Cyfran 1 – Ecwiti Byd-eang · Cyfran 2 – Ecwiti DU · Cyfran 3 – Incwm Sefydlog · Cyfran 4 – Marchnadoedd Datblygol
Yn ogystal, rhoddodd y Pwyllgor ystyriaeth i'r diweddariad Corfforaethol ac Ymgysylltu, gan gynnwys y protocol ymgysylltu ac unrhyw ddyddiadau cyfarfodydd allweddol.
PENDERFYNWYD YN UNFRYDOL dderbyn Adroddiad Diweddaru'r Gweithredwr a nodi cerrig milltir a chynnydd Partneriaeth Pensiwn Cymru.
|
|
CYNLLUN HYFFORDDI 2021-2022 PDF 293 KB Dogfennau ychwanegol: Cofnodion: Cafodd y Pwyllgor ddiweddariad am Gynllun Hyfforddi Partneriaeth Pensiwn Cymru ar gyfer 2021-2022, i'w ystyried, a oedd yn darparu manylion am gyfarfodydd, digwyddiadau hyfforddi a'r aelodau a'r swyddogion y rhagwelwyd y byddent yn mynychu'r digwyddiadau.
PENDERFYNWYD YN UNFRYDOL nodi diweddariad Cynllun Hyfforddi Partneriaeth Pensiwn Cymru.
|
|
GORCHYMYN I'R CYHOEDD ADAEL Y CYFARFOD NI DDYLID CYHOEDDI’R ADRODDIAD SY’N YMWNEUD Â’R MATERION CANLYNOL GAN EU BOD YN CYNNWYS GWYBODAETH EITHRIEDIG FEL Y’I DIFFINIWYD YM MHARAGRAFF 14 O RAN 4 O ATODLEN 12A I DDEDDF LLYWODRAETH LEOL 1972 FEL Y’I DIWYGIWYD GAN ORCHYMYN LLYWODRAETH LEOL (MYNEDIAD AT WYBODAETH) (AMRYWIO) (CYMRU) 2007. OS BYDD Y PWYLLGOR AR ÔL CYNNAL PRAWF LLES Y CYHOEDD YN PENDERFYNU YN UNOL Â’R DDEDDF, I YSTYRIED Y MATER HYN YN BREIFAT, GORCHMYNNIR I’R CYHOEDD ADAEL Y CYFARFOD YN YSTOD TRAFODAETH O’R FATH. Dogfennau ychwanegol: Cofnodion: PENDERFYNWYD YN UNFRYDOL, yn unol â Deddf Llywodraeth Leol 1972, fel y'i newidiwyd gan Orchymyn Llywodraeth Leol (Mynediad at Wybodaeth) (Amrywio) (Cymru) 2007, orchymyn i'r cyhoedd adael y cyfarfod tra oedd yr eitemau canlynol yn cael eu hystyried, gan fod yr adroddiadau'n cynnwys gwybodaeth eithriedig fel y'i diffiniwyd ym mharagraff 14 o Ran 4 o Atodlen 12A i'r Ddeddf.
|
|
ADRODDIAD PERFFORMIAD A RISG YMGYNGHORYDD BUDDSODDI ANNIBYNNOL 30 MEHEFIN 2021 Cofnodion: Yn sgil gweithredu'r prawf budd y cyhoedd PENDERFYNWYD YN UNFRYDOL, yn unol â'r Ddeddf y cyfeiriwyd ati yng nghofnod rhif 16 uchod, fod y mater hwn yn cael ei ystyried yn breifat, gan beidio â gadael i'r cyhoedd fod yn bresennol yn y cyfarfod, gan y byddai datgelu gwybodaeth yn debygol o achosi niwed ariannol i'r Gronfa Bensiwn ac o niweidio trafodaethau parhaus a thrafodaethau'r dyfodol.
Ystyriodd y Pwyllgor Adroddiad yr Ymgynghorydd Buddsoddi Annibynnol, a roddai wybodaeth mewn perthynas â pherfformiad y rheolwr buddsoddiadau ar gyfer pob chwarter, pob 12 mis a chyfnodau treigl o 3 blynedd, gan ddod i ben ar 30 Mehefin, 2021.
PENDERFYNWYD YN UNFRYDOL nodi Adroddiad yr Ymgynghorydd Buddsoddi Annibynnol fel yr oedd ar 31 Mawrth 2021.
|
|
AILSTRWYTHURO ECWITI Cofnodion: Yn sgil gweithredu'r prawf budd y cyhoedd PENDERFYNWYD YN UNFRYDOL, yn unol â'r Ddeddf y cyfeiriwyd ati yng nghofnod rhif 16 uchod, fod y mater hwn yn cael ei ystyried yn breifat, gan beidio â gadael i'r cyhoedd fod yn bresennol yn y cyfarfod, gan y byddai datgelu gwybodaeth yn debygol o achosi niwed ariannol i'r Gronfa Bensiwn ac o niweidio trafodaethau parhaus a thrafodaethau'r dyfodol.
Cafodd y Pwyllgor adroddiad ar Gam II Ailstrwythuro Ecwiti a ddarparodd gynigion ynghylch ail gam cam camau gweithredu arfaethedig y Gronfa gyda'r nod o leihau ôl troed carbon a gwella'r llif arian a gynhyrchir o'r portffolio.
PENDERFYNWYD YN UNFRYDOL fod y cynigion, y manylwyd arnynt yn yr adroddiad Cam II Ailstrwythuro Ecwiti, yn cael eu cymeradwyo.
|
|
ADRODDIAD PERFFORMIAD NORTHERN TRUST 30 MEHEFIN 2021 Cofnodion:
Ystyriodd y Pwyllgor adroddiad perfformiad Northern Trust ar gyfer Cronfa Bensiwn Dyfed fel yr oedd ar 30 Mehefin 2021 a oedd yn nodi dadansoddiad o berfformiad o ran lefel y gronfa gyfan a chan y rheolwr buddsoddi am y cyfnodau cyn i'r gronfa gychwyn.
PENDERFYNWYD YN UNFRYDOL dderbyn adroddiad perfformiad Northern Trust ar gyfer Cronfa Bensiwn Dyfed fel yr oedd ar 30 Mehefin 2021.
|
|
ADRODDIADAU'R RHEOLWR BUDDSODDI AR 30 MEHEFIN 2021 Cofnodion: Yn sgil gweithredu'r prawf budd y cyhoedd PENDERFYNWYD YN UNFRYDOL, yn unol â'r Ddeddf y cyfeiriwyd ati yng nghofnod rhif 16 uchod, fod y mater hwn yn cael ei ystyried yn breifat, gan beidio â gadael i'r cyhoedd fod yn bresennol yn y cyfarfod, gan y byddai datgelu gwybodaeth yn debygol o achosi niwed ariannol i'r Gronfa Bensiwn ac o niweidio trafodaethau parhaus a thrafodaethau'r dyfodol.
Rhoddodd y Pwyllgor ystyriaeth i adroddiadau rheolwyr buddsoddi a oedd yn nodi perfformiad pob rheolwr fel yr oeddent ar 30 Mehefin 2021.
BlackRock - Adroddiad Chwarterol 30 Mehefin 2021 Schroders - Adroddiad Buddsoddi Ch2 2021 Gr?p Partneriaid - Cyllid Chwarterol Mehefin 2021 Cronfa Tyfu Byd-eang Partneriaeth Pensiwn Cymru - 30 Mehefin 2021 Cronfa Credyd Byd-eang Partneriaeth Pensiwn Cymru - 30 Mehefin 2021
PENDERFYNWYD YN UNFRYDOL dderbyn adroddiadau'r rheolwr buddsoddi ar gyfer Cronfa Bensiwn Dyfed.
|
Cyngor a Democratiaeth
Y Cyngor
Cynghorwyr, ACau ac ASau
- Eich Cynghorydd Sir
- Strategaeth Cyfranogiad y Cyhoedd a'r Cynllun Deiseb
- Lwfansau a buddiannau cynghorwyr
- Cynghorwyr Tref a Chymuned
- Aelodau Senedd Cymru
- Aelodau Seneddol
- Sut mae bod yn Gynghorydd
Adrannau'r Cyngor
Dweud eich dweud
- Ymgynghoriad ar y gyllideb 2024Gyllideb
- Prif Gynllun Teithio Llesol Y Tymbl
- Strategaeth Hamdden 2023-33 ymgynghoriad cymunedol
- Trwyddedu Bridio Cŵn yn Sir Gaerfyrddin
- Cynnig i ffedereiddio Ysgol Rhys Prichard ac Ysgol Llangadog o 1 Medi 2024.
- Polisi codi tâl am wasanaethau gofal cymdeithasol
- Polisi Dyrannu Tai Cymdeithasol
- Strategaeth Leol ar gyfer Perygl Llifogydd 2024-2030
- Strategaeth y Rhaglen Moderneiddio Addysg
- Strategaeth Cyfleusterau Cyhoeddus Sir Gaerfyrddin
- Creu Sir Gaerfyrddin Ddigidol
- Holiadur Preswylwyr Sir Gâr 2023
- Ymgynghoriad ynghylch Polisi Plant sy'n Codi'n 4 Oed Ysgolion Cynradd 2025/26
- Asesiad Rheoliadau Cynefinoedd ar gyfer yr Ail Gynllun Datblygu Lleol Diwygiedig Adneuo 2018-2033
- Arfarniad Cynaliadwyedd Integredig ar gyfer yr Ail Gynllun Datblygu Lleol Diwygiedig Adneuo 2018-2033
Pwyllgorau a Chyfarfodydd
- Agendâu a chofnodion
- Pwyllgor Llywodraethu ac Archwilio
- Dyddiadur y Cyngor
- Pwyllgor Gwasanaethau Democrataidd
- Y Cabinet
- Penderfyniadau swyddogion
- Blaengynlluniau Waith
- Pwyllgor Cynllunio
- Craffu
- Pwyllgor Safonau
- Cyngor Ymgynghorol Sefydlog dros Addysg Grefyddol (CYSAG)
Strategaethau a chynlluniau
- Cynllun Cyflenwi Tai Fforddiadwy 2016 - 20
- Datganiad Gweledigaeth y Cabinet 2022 - 2027 (Gorffennaf 2022)
- Strategaeth Drawsnewid Cyngor Sir Caerfyrddin
- Polisi Diogelu Corfforaethol
- Strategaeth Ddigidol ar gyfer Ysgolion 2018 - 2021
- Strategaeth Technoleg Ddigidol 2018 - 2021
- Strategaeth Trawsnewid Digidol
- Cymorth i Deuluoedd Sir Gaerfyrddin 2018-23
- Gwybodaeth ddiweddaraf am wasanaeth Llyfrgelloedd - Symud ymlaen 2017 - 2025
- Strategaeth y Rhaglen Moderneiddio Addysg (1)
- Symud Sir Gâr Wledig Ymlaen
- Cynllun Cydraddoldeb Strategol
- Cynllun Trechu Tlodi 2023
- Strategaeth Hybu’r Gymraeg
- Safonau’r Gymraeg
- Adroddiad Blynyddol y Gymraeg
Y Cyllideb y Cyngor
Cyllideb y Cyngor
- Crynhoad Cyllideb
- Datganiad Cyfrifon
- Cronfa Bensiwn Dyfed
- Ein Rhanbarth ar Waith (ERW)
- Bargen Ddinesig Bae Abertawe
- Ffyrdd syml i arbed arian i'r Cyngor
Perfformiad y Cyngor
- Rheoli Perfformiad
- Archwiliadau, Arolygiadau ac Adroddiadau
- Y Ddeddf Llesiant Cenedlaethau’r Dyfodol
- Adroddiad Blynyddol y Cyngor 2022-23
Hysbysiadau cyhoeddus
Canllawiau Brexit
Iaith Gymraeg
Carbon Sero-net
Cydraddoldeb ac Amrywiaeth
Cyfamod Lluoedd Arfog
Etholiadau a Phleidleisio
- Etholiadau'r Comisiynydd Heddlu a Throseddu 2024
- Etholiad Cyffredinol Seneddol y Deyrnas Unedig
- Pleidleisio
- Bod yn gymwys i bleidleisio
- Sut mae pleidleisio?
- Newidiadau i bleidleisio drwy'r post a phleidleisio drwy ddirprwy
- Cofrestru i bleidleisio
- Diweddaru eich manylion ar y Gofrestr Etholiadol
- Sut i optio allan o'r gofrestr agored
- Gweld y Gofrestr Etholiadol
- Is-etholiadau
- Fy Un Agosaf - Gwybodaeth etholiadol
- Help i Bleidleiswyr Anabl
- Prawf Adnabod Pleidleisiwr
- Recriwtio ar gyfer etholiadau
Mwy ynghylch Cyngor a Democratiaeth