Agenda a Chofnodion

Cafwyd ymddiheuriad am absenoldeb gan y Cynghorydd Keith Evans.

2.1      Penodi'r Athro Ian Roffe yn Gadeirydd y Panel tan Gyfarfod Cyffredinol Blynyddol y Panel yn 2025;

2.2      Penodi'r Cynghorydd Keith Evans yn Is-gadeirydd y Panel tan Gyfarfod Cyffredinol Blynyddol y Panel yn 2025.

Amlygwyd gwall o fewn cofnod 7:-

‘Gan gyfeirio at y taliad ewyllys da o £10,000 i bob un o'r 3 Awdurdod Lleol yn Nyfed- Powys, cadarnhaodd y Comisiynydd nad oedd unrhyw gafeatau ynghlwm wrth y taliad.’

Dylai'r cofnod fod fel a ganlyn:-

‘Gan gyfeirio at y taliad ewyllys da o £10,000 i bob un o'r 4 Awdurdod Lleol yn Nyfed- Powys, cadarnhaodd y Comisiynydd nad oedd unrhyw gafeatau ynghlwm wrth y taliad.’

PENDERFYNWYD, yn amodol ar y newid, lofnodi bod cofnodion cyfarfod Panel Heddlu a Throseddu Dyfed-Powys a gynhaliwyd ar 15 Mai 2024 yn gywir.

Cofnod Rhif 4

Gofynnwyd am ddiweddariad mewn perthynas â'r adolygiad o fformat presennol y rhaglen ysgol.  Eglurodd y Comisiynydd Heddlu a Throseddu, er gwaethaf y siom yngl?n â thynnu’r arian yn ôl, y byddai'r rhaglen ysgolion yn cael ei chadw o fewn Heddlu Dyfed-Powys a bod llythyrau yn hysbysu ysgolion wedi cael eu hanfon.  Yn ogystal adroddwyd y byddai fformat newydd o'r rhaglen yn cael ei ddatblygu i gymryd lle'r rhaglen Cymru Gyfan bresennol.  Byddai hyn wedi'i gynllunio i gydblethu gweithgareddau'r rhaglen ysgolion ag ymyriadau a gwaith eraill sy'n cael eu gwneud gyda phobl ifanc ar draws y llu.  Yn dilyn trafodaeth gyda chyd-Gomisiynwyr Heddlu a Throseddu ledled Cymru ynghylch portffolios, rhoddwyd gwybod i'r Panel y byddai Mr Llywelyn yn arwain ar y dull sy'n canolbwyntio ar y plentyn a chyfiawnder ieuenctid yng Nghymru.

Cofnod Rhif 7

Gofynnwyd am ddiweddariad mewn perthynas â'r adolygiad ar weithrediad y timau plismona bro yn benodol o ran y dull gwelededd.  Dywedodd y Comisiynydd Heddlu a Throseddu, o ganlyniad i leihad yn y cyllid gan Lywodraeth Cymru ar gyfer Swyddogion Cymorth Cymunedol yr Heddlu, y bu'n rhaid gwneud penderfyniadau fel rhan o bennu'r praesept canol tymor i gadw nifer y swyddogion cyn yr ymrwymiad maniffesto blaenorol gan Lywodraeth Cymru i gynyddu'r nifer ar draws Cymru.  Felly, byddai gan Heddlu Dyfed-Powys oddeutu 140 o Swyddogion Cymorth Cymunedol yr Heddlu.  Ar ben hynny, mae cwantwm y cyllid gan Lywodraeth Cymru wedi gostwng o 50% i 25% o'r rhaniad 50/50 blaenorol rhwng Llywodraeth Cymru a chyllid yr heddlu lleol drwy'r praesept.  Braf oedd cyhoeddi bod modd cadw nifer Swyddogion Cymorth Cymunedol yr Heddlu er gwaethaf y gostyngiad mewn cyllid, ond roedd yn bwysig gwneud gwaith monitro yn barhaus o ran gwelededd plismona.

Mae'r adolygiad o'r plismona bro wedi arwain at ailstrwythuro a fyddai'n creu hwb atal canolog gyda llai o staff, gan ganiatáu i'r staff atal lleol gael eu hailalinio â'r agwedd rheng flaen ar blismona bro.  Fodd bynnag, gan fod yn ymwybodol bod y maes hwn wedi bod yn destun adolygiad 3 gwaith dros y 5 mlynedd diwethaf, dywedodd Mr Llywelyn ei fod wedi gwneud sylw y byddai'n ddoeth caniatáu i swyddogaeth graidd y tîm plismona bro, a oedd i ddarparu presenoldeb gweladwy unigolyn a enwir o fewn cymunedau, gael ei chadw.

O ran yr ymgyrch plismona bro a'r fenter strydoedd mwy diogel, gofynnwyd pryd y byddai'r cyhoedd yn gweld rhai newidiadau gwirioneddol?  Dywedodd y Comisiynydd Heddlu a Throseddu y byddai gwell ymgysylltiad â'r cyhoedd yn digwydd drwy'r Strategaeth Ymgysylltu a oedd ar ffurf ddrafft ar hyn o bryd.  Yn ogystal, cynhaliwyd digwyddiadau a digwyddiadau drws agored ym Mhencadlys yr Heddlu i roi cyfle i arweinwyr cymunedol lleol gyflawni rôl fel cyfrwng rhwng etholwyr a gwasanaethau plismona.  Eglurwyd y dylai Arolygwyr lefel leol meddu ar yr hyder a'r ymreolaeth i ddelio â materion anodd heb fod angen eu huwchgyfeirio i lefel Prif Arolygydd neu Uwcharolygydd.

Cofnod Rhif 9

Wrth gyfeirio at gynnwys y cofnod, cadarnhaodd y Comisiynydd y byddai'r adroddiad a oedd yn cael ei  ...  Gweld y cofnodion lawn ar gyfer eitem 5.

[NODER: Roedd y Cynghorydd S. Hancock wedi datgan buddiant yn yr eitem hon yn gynharach.]

Bu'r Panel yn ystyried Adroddiad Blynyddol 2023-2024 y Comisiynydd Heddlu a Throseddu.

Diolchodd y Panel i'r Comisiynydd am yr holl waith caled a wnaed i lunio'r adroddiad hawdd ei ddeall.

Mewn ymateb i ymholiad a godwyd mewn perthynas â’r problemau Microsoft yn ddiweddar, dywedodd y Comisiynydd Heddlu a Throseddu nad oeddent wedi effeithio ar systemau o fewn Heddlu Dyfed–Powys. 

Gan gyfeirio at adroddiad a gyhoeddwyd yn Cambrian News yr wythnos diwethaf mewn perthynas â'r Comisiynydd Gwybodaeth a gynhaliodd ymchwiliad i'r Ceisiadau Rhyddid Gwybodaeth a gedwir gan Heddlu Dyfed–Powys, a oedd wedi cyhoeddi gorchymyn gorfodaeth mewn ymateb i fodd ymlaciol yr ymateb, gofynnwyd a oedd hyn yn berthnasol i'r llu yn unig a beth oedd y Comisiynydd Heddlu a Throseddu yn ei wneud i fonitro'r sefyllfa?  Dywedodd y Comisiynydd Heddlu a Throseddu ei fod wedi gofyn cwestiynau i'r Prif Swyddogion a bod llwybr archwiliedig o gyfarfodydd wedi'u cofnodi lle'r oedd y materion wedi cael eu codi gan ei swyddfa.  Darparwyd amrywiaeth o adroddiadau i gyfarfodydd swyddfa'r Comisiynwyr Heddlu a Throseddu i gael eu monitro. Yn ogystal, mae Prif Arolygydd wedi'i leoli yn yr adran wedi i adolygu'r prosesau a'r strwythurau, yn ogystal â gwneud gwaith dod o hyd i ffeithiau ar sut y mae lluoedd eraill yn rheoli materion o'r fath.  Ar ben hynny, cafodd ei drafod mewn cyfarfod  Pwyllgor Archwilio ar y cyd ar ran y Comisiynydd Heddlu a Throseddau a'r Prif Gwnstabl.

Mynegwyd y sylwadau canlynol wrth drafod yr adroddiad:-

• Cyfeiriwyd at dudalen 63 yr adroddiad - Adolygiad o'r Cwynion.  Gofynnwyd a oedd canmoliaeth wedi'i chasglu hefyd? Teimlwyd bod cyfleoedd i ddysgu o ganmoliaeth yn ogystal â chwynion. Wrth gydnabod bod llai o ganmoliaeth wedi dod i law na chwynion, eglurodd y Comisiynydd Heddlu a Throseddu fod newyddion da yn cael eu dathlu lle bo angen a rhoddodd enghreifftiau o feysydd lle'r oedd canmoliaeth wedi dod i law.  Mae cynrychiolwyr Swyddfa'r Comisiynydd Heddlu a Throseddu yn mynychu 'Fforwm Gwersi a Ddysgwyd' yr Heddlu.  Rhoddodd y fforwm gyfle i ystyried newyddion cadarnhaol yn ogystal â rhai o'r materion negyddol.

• Mewn ymateb i ymholiad ynghylch y Cydgysylltydd Ymchwil ar sail Tystiolaeth a ddechreuodd ar 5 Chwefror, eglurodd y Comisiynydd Heddlu a Throseddu ei fod wedi rhoi rhyddid i'r rôl hon ymgymryd â'r ymchwil academaidd cychwynnol i blismona gyda ffocws ar blismona gwledig.  Roedd gan y Comisiynydd Heddlu a Throseddu bortffolio'r arweinydd ar gyfer dadansoddi data ac ymchwil academaidd gyda Phrifysgolion.  Y gobaith oedd y byddai enghreifftiau o arferion da a gweithgareddau seiliedig ar dystiolaeth a weithredwyd o fewn yr Heddlu yn cael eu hadrodd i'r Panel ymhen 6 mis.
  
  
• Cyfeiriwyd at Amcanion 1 y Cynllun Cydraddoldeb Strategol newydd, tudalen 86 o'r adroddiad.  Gofynnwyd pa waith fyddai'n cael ei wneud i sicrhau y byddai'r amcan hwn yn cael ei wireddu?  Wrth gydnabod yr anawsterau o ddenu unigolion o'r grwpiau anodd eu cyrraedd neu'r rhai nad ydynt yn gweld Plismona fel proffesiwn, eglurodd y Comisiynydd Heddlu a Throseddu  ...  Gweld y cofnodion lawn ar gyfer eitem 6.

[NODER: Roedd y Cynghorydd S. Hancock wedi datgan buddiant yn yr eitem hon yn gynharach.]

Derbyniodd y Panel adroddiad cynnydd ar ddatblygu Cynllun Heddlu a Throseddu Newydd.  Ers etholiadau'r Comisiynydd Heddlu a Throseddu ym mis Mai 2023 mae'n ofynnol i'r Comisiwn fabwysiadu Cynllun Heddlu a Throseddu newydd ar gyfer ei dymor presennol yn y swydd.

Mae'r adroddiad yn nodi'r cynnydd a wnaed hyd yma a'r amserlen arfaethedig ar gyfer mabwysiadu'r cynllun newydd.

Mynegwyd y sylwadau canlynol wrth drafod yr adroddiad:-

• Mewn ymateb i ymholiad ynghylch fformat y dyfodol dwyn y Prif Gwnstabl i gyfrif, dywedodd y Comisiynydd Heddlu a Throseddu y byddai hyn yn cael ei gynnwys yn yr adolygiad llywodraethu ac yn cyd-fynd ag ef.  Byddai'r Cynllun Heddlu a Throseddu newydd yn cynnwys y mesurau perfformiad newydd a fyddai'n dwyn yr Heddlu i gyfrif fel rhan o'r gwaith o'i gyflawni.

• O ran y ddolen ar-lein i'r ymgynghoriad, nodwyd y byddai'n annog mwy o ymatebwyr pe bai'r naratif yn y blychau cwymplen yn weladwy.

PENDERFYNWYD derbyn yr Adroddiad Cynnydd ar Ddatblygu Cynllun Heddlu a Throseddu newydd.

[NODER: Roedd y Cynghorydd S. Hancock wedi datgan buddiant yn yr eitem hon yn gynharach.]

Cafodd y Panel adroddiad cynnydd ar yr Adolygiad Craffu Dwys o Stelcio ac Aflonyddu i'w ystyried.

Yn ei gyfarfod ym mis Hydref 2023, cafodd y Panel adroddiad ar ganfyddiadau adolygiad craffu dwys a oedd yn ceisio canfod a oedd Heddlu Dyfed-Powys yn cymryd camau effeithiol i reoli'r rhai sy'n stelcio ac yn aflonyddu.  Roedd yr adroddiad hwn yn darparu'r cynnydd yn erbyn pob argymhelliad.

Mynegwyd y sylwadau canlynol wrth drafod yr adroddiad:-

• Cyfeiriwyd at Argymhelliad 18 ar dudalen 14 yr adroddiad.  Gofynnwyd pa mor hir y byddai'r cynllun peilot ar gyfer y gwasanaeth sy'n rhoi cymorth arbenigol i ddioddefwyr stelcio gan Weithiwr Achos Eiriolaeth Stelcio Annibynnol?  Dywedodd y Comisiynydd Heddlu a Throseddu, gan nad oedd ganddo'r wybodaeth benodol wrth law, y byddai'n dosbarthu'r ymateb i'r panel.  Yn ogystal, byddai'n gwirio ond roedd yna bosibilrwydd bod y ddarpariaeth hon wedi'i chydblethu â'r rheolaeth contractau newydd ar gyfer y gwasanaethau newydd i ddioddefwyr.  Byddai'r Comisiynydd yn rhoi ymateb yn anffurfiol drwy ysgrifennu at y Panel.

• Cyfeiriwyd at Argymhelliad 5 ar dudalen 14 yr adroddiad.  Gofynnwyd a yw’r Comisiynydd Heddlu a Throseddu o’r farn bod y Llysoedd yn cymryd achosion o dorri gorchmynion diogelu yn ddigon o ddifri? Nododd y Comisiynydd Heddlu a Throseddu fod hwn yn gwestiwn anodd iddo ymateb iddo, ac amlygwyd bod sesiynau ymwybyddiaeth ychwanegol ar y Gorchmynion Diogelu rhag Trais Domestig wedi'u darparu i'r ynadon ar draws ardal Heddlu Dyfed-Powys drwy Teams a'r Cydgysylltydd Trais Domestig.

• Cyfeiriwyd at Argymhelliad 4 ar dudalen 5 yr adroddiad.  Gofynnwyd faint o bobl oedd wedi dangos diddordeb yn y rôl Hyrwyddwr Stelcio?  Eglurodd y Comisiynydd Heddlu a Throseddu nad oedd wedi derbyn unrhyw sylwadau i awgrymu bod yna broblemau o ran nodi, felly roedd yna ragdybiaeth bod hyn wedi cael ymateb da gan nad oedd wedi clywed unrhyw beth i awgrymu fel arall.  Gofynnwyd am fynegiannau o ddiddordeb gan unigolion a fyddai'n hoffi gwirfoddoli am y rôl.  O ganlyniad, wrth gydnabod bod angen gwneud rhagor o waith ar yr argymhelliad hwn, byddai ystyriaeth yn cael ei rhoi i bennu a oedd digon o staff yn y gwahanol adrannau.  Dywedodd y Comisiynydd y byddai'n well ganddo ddarparu ymateb mwy cynhwysfawr a chynigiodd roi ymateb yn ysgrifenedig i'r Panel.

• Estynnwyd diolch i'r Comisiynydd Heddlu a Throseddu am roi adroddiad mor werthfawr i'r Panel.

Penderfynwyd bod yr Adroddiad Cynnydd ar yr Adroddiad Craffu Dwys Stelcio ac Aflonyddu yn cael ei dderbyn.

[NODER: Roedd y Cynghorydd S. Hancock wedi datgan buddiant yn yr eitem hon yn gynharach.]

Bu'r Panel yn ystyried adroddiad perfformiad mewn perthynas â'r Protocol Plismona ar gyfer 2024-25.

Dywedwyd y bu newid mewn perfformiad yn ystod y Chwarter hwn mewn nifer o gamau gweithredu, roedd 4 cam gweithredu wedi newid o Oren i Wyrdd ac roedd 8 wedi symud o Wyrdd i Oren.  Yn ogystal, roedd gwelliant wedi'i gyflawni o ran perfformiad gan fod dau gam gweithredu wedi symud o Oren i Wyrdd.

PENDERFYNWYD nodi'r adroddiad.

[NODER: Roedd y Cynghorydd S. Hancock wedi datgan buddiant yn yr eitem hon yn gynharach.]

Cafodd y Panel yr adroddiad cynnydd ar Gynllun Busnes Swyddfa'r Comisiynydd Heddlu a Throseddu ar gyfer Chwarter 1 - 2024/25.  Amlinellodd yr adroddiad y cynnydd a wnaed o ran cyflawni gofynion y cynllun busnes mewn aliniad â'r blaenoriaethau yn y Cynllun Heddlu a Throseddu.

Amlygodd yr adroddiad  y camau gweithredu oedd wedi'u nodi'n Goch ar sail y ffaith nad oedd y gwaith wedi dechrau eto, ac y byddai'r gwaith hwnnw'n cael ei wneud yn ystod Chwarter 2 a thu hwnt mewn ymdrech i gyflawni'r camau gweithredu hynny.

PENDERFYNWYD nodi'r adroddiad