Agenda

"Ar dudalen 9 o Gynllun yr Heddlu a Throseddu, o dan y pennawd '"Cynaliadwyedd" rydych chi'n nodi eich ymrwymiadau i

• Lleihau ôl troed carbon
• Cefnogi gwytnwch ecolegol
• Cefnogi prosiectau datgarboneiddio ac
• Annog gweithio mewn partneriaeth i ymateb i'r argyfwng hinsawdd.

Sut ydych chi'n bwriadu cyflawni'r ymrwymiadau hyn? A yw hyn yn cynnwys cael hyd i drydan a nwy y tu allan i'r fframwaith cenedlaethol?  Beth fyddai'n ystyr 'llwyddiant' o ran yr ymrwymiadau hyn?"

Mae Blaenoriaeth 2 (Cefnogi Cymunedau Diogel trwy Atal Niwed) yn eich Cynllun Heddlu a Throseddu presennol yn rhoi pwyslais ar sicrhau bod "Gwasanaethau plismona yn weladwy ac yn hygyrch, gan ddiwallu anghenion y cymunedau trefol a gwledig y maent yn eu gwasanaethu." 

Er mwyn hwyluso hyn, a oes achos i'w wneud dros gynyddu'r pwerau sydd gan Swyddogion Cymorth Cymunedol yr Heddlu yn Nyfed-Powys ar hyn o bryd i'r uchafswm a ganiateir o dan adran 38 o Ddeddf Diwygio'r Heddlu 2002, a thrwy hynny eu galluogi i ddarparu mwy o gefnogaeth i'r swyddogion â gwarant y maent yn gweithio ochr yn ochr â nhw ac sydd dan bwysau gormodol.