Agenda a Chofnodion

Cafwyd ymddiheuriadau am absenoldeb gan y Cynghorydd Les George a’r Cynghorydd Rob Summons

Ni ddatganwyd unrhyw fuddiannau personol yn y cyfarfod.

PENDERFYNWYD llofnodi cofnodion cyfarfod Panel Heddlu a Throseddu Dyfed-Powys a gynhaliwyd ar 5 Tachwedd 2021 gan eu bod yn gywir.

Ni chodwyd unrhyw faterion yn y cyfarfod.

Rhoddodd y Panel ystyriaeth i adroddiad y Comisiynydd ar braesept arfaethedig yr heddlu am 2022/23. Dywedwyd wrth y Panel y gallai wneud y penderfyniad naill ai i gymeradwyo, gwrthod, neu roi feto i'r praesept arfaethedig yn y cyfarfod, ac ar ôl hynny byddai'n rhaid iddo roi gwybod i'r Comisiynydd am ei benderfyniad. Gallai'r penderfyniad i gymeradwyo neu wrthod gael ei wneud gan fwyafrif syml ond roedd yn rhaid i bleidlais feto gael ei gwneud gan fwyafrif o ddwy ran o dair o aelodaeth y Panel cyfan. Dywedwyd pe bai'r Panel yn dewis rhoi feto ni fyddai'r Comisiynydd yn gallu cyflwyno'r praesept arfaethedig a byddai'n rhaid iddo gyhoeddi ymateb i adroddiad y Panel, gan nodi praesept arfaethedig arall i'w ystyried, erbyn 15^fed Chwefror 2022. Ni fyddai'r Panel yn gallu rhoi feto i'r praesept arfaethedig diwygiedig, dim ond penderfynu ei gymeradwyo neu ei wrthod.

Rhoddodd y Cynghorydd Keith Evans (Arweinydd y Panel o ran Cyllid) gyflwyniad ynghylch sut oedd Is-bwyllgor Cyllid y Panel wedi craffu ar y cynnig ynghylch praesept 2022/23 gan gynnwys y Cynllun Ariannol yn y Tymor Canolig 2022/23 - 2026/27, y Strategaeth Cronfeydd wrth Gefn a'r Strategaeth Gyfalaf.

Dywedodd fod setliad grant 2022/23 ar gyfer Heddlu Dyfed-Powys yn £60.684m. Roedd hyn yn cynnwys grant i dalu'n rhannol am gostau ychwanegol o newidiadau i gyfraniadau pensiwn y cyflogwr yn ogystal â chyllid wedi'i neilltuo ar gyfer recriwtio swyddogion ychwanegol. Dywedwyd wrth y Panel ymhellach, heb gynnydd yn y grant cyfalaf, fod pwysau parhaus ar y cronfeydd wrth gefn sy'n lleihau i ariannu buddsoddiadau critigol mewn seilwaith ystadau, TG a'r fflyd.  Roedd cronfeydd wrth gefn y gellir eu defnyddio yn £15.611m ar 31 Mawrth 2021.

Dywedodd y Cynghorydd Evans fod yr is-bwyllgor praesept o dan ei gadeiryddiaeth yn cymeradwyo'r adroddiad, a oedd yn cynnig cynyddu'r praesept £1.22 bob mis ar eiddo Band D sy'n cyfateb i gynnydd o 5.3% o'i gymharu â'r flwyddyn flaenorol. Diolchodd i'r Comisiynydd a'r Prif Gwnstabl am drefnu seminar cyllid a oedd yn cefnogi craffu ar yr adroddiad.

Diolchodd y Panel i'r Cynghorydd Evans a'r Comisiynydd am eu hadroddiadau manwl, llawn gwybodaeth.

PENDERFYNWYD YN UNIFRYDOL i gymeradwyo cynnig y Comisiynydd i gynyddu praesept Heddlu Dyfed-Powys o 5.3% am 2022/23 ac i gynnwys y cafeatau canlynol:-

·         Bod y Panel yn disgwyl i'r Comisiynydd ail-werthuso'r rhaglen gyfalaf ar gyfer y blynyddoedd i ddod a rhoi ystyriaeth ddifrifol i ganslo neu ohirio rhai elfennau ohono i gydnabod, wrth symud ymlaen, fod yn rhaid ariannu'r rhaglen gyfalaf o refeniw yn dilyn y ffaith bod cyfalaf y Swyddfa Gartref wedi dirwyn i ben

·         Bod y panel yn cydnabod ymhellach nad yw'r Prif Gwnstabl newydd wedi cael cyfle ddylanwadu'n llawn ar y cynigion hyn, a bod y Panel yn dymuno annog y Comisiynydd i weithio gydag ef i geisio cael ateb a fydd yn golygu llai o faich ar dreth dalwyr ond sydd hefyd yn cynnal gwasanaeth o safon yn y dyfodol.

Bu'r Panel yn ystyried adroddiad ynghylch y penderfyniadau a wnaed gan y Comisiynydd yn ystod y cyfnod rhwng 19 Hydref 2021 a 18 Ionawr, 2022.

Mewn ymateb i ymholiad a godwyd yngl?n â Future Farms Cymru, dywedodd y Comisiynydd y byddai'r ddolen i'r wefan yn cael ei rhannu ar ôl i'r wefan fynd yn fyw.

Mewn ymateb i ymholiad a godwyd yngl?n â'r cwch RIB, dywedodd y Comisiynydd y byddai hwn yn dod yn lle'r un presennol.

Mewn ymateb i'r wybodaeth ddiweddaraf am gysylltiadau hiliol a Phlismona yng Nghymru, dywedodd y Comisiynydd y byddai'n darparu papur byr i'r aelodau gan roi'r wybodaeth ddiweddaraf am y gweithgareddau y mae'r swyddog amrywiaeth wedi bod yn eu cydlynu ar gyfer yr heddlu.

PENDERFYNWYD nodi'r adroddiad.