Agenda a Chofnodion

Ni chafwyd dim datganiadau o fuddiant.

PENDERFYNWYD llofnodi bod Cofnod Penderfyniadau'r cyfarfod oedd wedi'i gynnal ar 18fed Ebrill, 2016 yn gofnod cywir.

Ystyriodd yr Aelod o'r Bwrdd Gweithredol adroddiad a fanylai ar gynigion gan yr Awdurdod i sicrhau cyllid o ddyraniad cyfalaf blynyddoedd ariannol 2016/2017 a 2017/2018 i ddarparu cymorth grant i ddatblygwyr eiddo masnachol er mwyn llenwi'r bwlch ariannol rhwng y costau adeiladu a gwerth yr eiddo masnachol wedi'i gwblhau ar y farchnad. Nod y cymhelliant a gynigid oedd rhoi hwb i'r cyflenwad o safleoedd busnes o safon uchel yn Sir Gaerfyrddin drwy gynnig cyllid tuag at unedau diwydiannol neu swyddfeydd o safon uchel.

PENDERFYNWYD cymeradwyo'r meini prawf a'r gweithdrefnau arfaethedig ar gyfer darparu Cronfa Datblygu Eiddo Masnachol ar gyfer Trawsnewid.

Ystyriodd yr Aelod o'r Bwrdd Gweithredol adroddiad a fanylai ar gynigion gan yr Awdurdod i sicrhau cyllid o ddyraniad cyfalaf blynyddoedd ariannol 2016/2017 a 2017/2018 i ddarparu cymorth grant i brosiectau cyfalaf ar gyfer mentrau gwledig y sir. Byddai'r Grant yn darparu cymorth i fentrau ac unig fasnachwyr ar gyfer datblygu safleoedd busnes newydd a phresennol, lle y byddai swyddi newydd yn cael eu creu o ganlyniad i'r prosiect.

Cynigiwyd y byddai Grantiau ar gyfer gwneud gwaith i'r eiddo ar gael i berchenogion y buddiant rhydd-ddaliad yn yr eiddo neu i ddalwyr prydles sydd i barhau am o leiaf bum mlynedd arall, nid 15 mlynedd fel y nodwyd yn yr adroddiad, sydd ar ôl ar adeg y cais.

PENDERFYNWYD, yn amodol ar y newid uchod, gymeradwyo'r meini prawf a'r gweithdrefnau arfaethedig ar gyfer darparu Cronfa Mentrau Gwledig Sir Gaerfyrddin.

PENDERFYNWYD cymeradwyo'r ceisiadau canlynol am gymorth o Gronfa'r Degwm yn amodol ar y telerau a'r amodau arferol ac ar y rhai a bennwyd yn yr adroddiad:-

Yr Ymgeisydd                                                                             Y Dyfarniad

Capel Bethel                                                                                       £2,124.00

Eglwys yr Annibynwyr Bethania                                                         £3,000.00

Eglwys yr Holl Saint, Rhydaman                                                           £3,000.00*

Gwasanaethau Cymorth a Gwybodaeth ynghylch Canser                 £3,000.00

Clwb Cychod Tywi                                                                              £500.00

Capel Gellimanwydd                                                                           £3,000.00

Cymdeithas Rhieni, Athrawon a Ffrindiau Llandybïe                          £3,000.00

[*Yn amodol ar sicrhau'r holl gyllid perthnasol arall.]