Agenda a chofnodion drafft

Ni ddatganwyd unrhyw fuddiannau personol.

PENDERFYNWYD llofnodi bod cofnod penderfyniadau'r cyfarfod oedd wedi'i gynnal ar 11Mai, 2021 yn gofnod cywir.

Bu'r Aelod Cabinet yn ystyried adroddiad oedd yn manylu ar effaith bosibl newidiadau ar daliadau am wasanaethau dibreswyl a'r angen i daliadau gynyddu yn Sir Gaerfyrddin er mwyn parhau i sicrhau'r incwm mwyaf posibl.

Er mwyn gweithio tuag at adennill costau yn llawn ar gyfer 2022-23, ac alinio cyfraddau ag awdurdodau lleol eraill yng Nghymru, cynigiwyd cynyddu taliadau dibreswyl am wasanaethau y codir tâl amdanynt fesul awr o £16.85 i £18.00 (6.8%) a chynyddu'r taliadau ar gyfer Gofal Dydd a Lleoli Oedolion o £16.50 i £17.60 (6.66%). 

Nodwyd bod graddfa'r taliadau ar gyfer 2022-23, yn y rhan fwyaf o achosion, yn sylweddol is na chost y ddarpariaeth, ond ni fyddai taliadau cynyddol o reidrwydd yn cynyddu incwm eleni oherwydd bod y swm y gall unrhyw un ei dalu yn cael ei reoli drwy gyfrwng "Cap" presennol Llywodraeth Cymru ac Asesiad Ariannol.  Fodd bynnag, cydnabuwyd y gallai fod cynnydd bach iawn mewn incwm o'r cynnydd chwyddiant a gymhwyswyd at y pecynnau gofal bach cost llawn.

PENDERFYNWYD bod Sir Gaerfyrddin yn cynyddu'r taliadau dibreswyl am wasanaethau y codir tâl amdanynt fesul awr o £16.85 i £18.00 (6.8%) a chynyddu'r taliadau am Ofal Dydd a Lleoli Oedolion o £16.50 i £17.60 (6.66%) mewn ymgais i adennill cymaint o refeniw â phosibl o fewn y rheolau a nodwyd gan Lywodraeth Cymru ar gyfer 2022-23, ac alinio cyfraddau ag awdurdodau lleol eraill yng Nghymru ac yn enwedig er mwyn symud yn agosach at Awdurdodau Lleol rhanbarthol. 

Bu'r Aelod Cabinet yn ystyried argymhelliad mewn adroddiad bod y tâl safonol  am gartref gofal preswyl i bobl h?n gyda'r Awdurdod Lleol yn cael ei gynyddu o £654.06 i £718.56 am welyau prif ffrwd ac o £884.17 i £935.60 am welyau Dementia.

Nodwyd bod y cyfraddau wedi'u cyfrifo cyn cadarnhau'r dyfarniad cyflog er mwyn rhoi gwybod mewn da bryd i'r unigolion yr effeithiwyd arnynt.

Priodolwyd y cynnydd o 9.86% ar gyfer gwelyau prif ffrwd a 5.82% ar gyfer gwelyau Dementia i'r cynnydd mewn costau staffio a phwysau costau ychwanegol o ran cyflenwadau a gwasanaethau.  At hynny, cydnabuwyd y bu ailgydbwyso costau rhwng y Gwelyau Dementia a Gofal Preswyl Safonol o fewn Strategaeth Cyllideb Refeniw'r Cyngor i adlewyrchu lefel y ddibyniaeth gynyddol ym maes Gofal Preswyl a'r gwahaniaeth mewn cynnydd rhwng y ddau dâl.

PENDERFYNWYD bod ybod y tâl safonol am gartref gofal preswyl i bobl h?n gyda'r Awdurdod Lleol yn cael ei godi o £654.06 i £718.56 am welyau Prif ffrwd ac o £884.17 i £935.60 am welyau Dementia.