Agenda a chofnodion drafft

Ni chafwyd dim datganiadau o fuddiant personol.

PENDERFYNWYD llofnodi bod Cofnod Penderfyniadau'r cyfarfod oedd wedi'i gynnal ar 12fed Mai 2016 yn gofnod cywir.

Bu'r Aelod o'r Bwrdd Gweithredol yn ystyried y canlynol:

·      Adroddiad am y gweithgaredd cudd-wylio yr oedd y Cyngor wedi ymgymryd ag ef yn 2015/2016;

·      Adroddiad gan Swyddfa'r Comisiynydd Arwylio yn dilyn arolygiad ym mis Ebrill 2016;

Nodwyd bod unig argymhelliad y Comisiynydd Arwylio yn ymwneud â hyfforddiant Deddf Rheoleiddio Pwerau Ymchwilio, yr oedd sylw'n cael ei roi iddo. Hefyd roedd ei adroddiad yn awgrymu rhai newidiadau i weithdrefnau cudd-wylio y Cyngor, a rhoddodd yr Aelod o'r Bwrdd Gweithredol ystyriaeth i ddogfen ddiwygiedig a oedd yn cynnwys y newidiadau hynny.

O ran lefel isel y gweithgaredd cudd-wylio, cynigiwyd rhoi'r gorau i gyflwyno adroddiadau'n chwarterol, ac yn hytrach hysbysu'r Aelod perthnasol o'r Bwrdd Gweithredol a oedd caniatâd wedi'i roi, ynghyd ag adroddiad blynyddol a oedd yn crynhoi'r holl weithgaredd o'r fath.

PENDERFYNWYD nodi'r adroddiadau a chymeradwyo'r newidiadau arfaethedig yng Ngweithdrefnau Cudd-wylio y Cyngor.