Agenda a Chofnodion

Ni ddatganwyd unrhyw fuddiannau personol.

PENDERFYNWYD llofnodi bod Cofnod Penderfyniadau'r cyfarfod oedd wedi'i gynnal ar 23 Mai, 2018 yn gofnod cywir.

Bu'r Aelod o'r Bwrdd Gweithredol yn ystyried adroddiad yn manylu ar y camau y mae angen eu cymryd er mwyn cyflwyno Rhwymedigaeth Cwmni Ynni y Llywodraeth Ganolog (ECO): Cynllun "Help to Heat" yn Sir Gaerfyrddin. Bwriad y cynllun yw helpu aelwydydd sy'n dioddef tlodi tanwydd, nad ydynt yn derbyn budd-daliadau, ac helpu aelwydydd incwm isel sy'n agored i effeithiau byw mewn cartref oer.

Nodwyd bod y cynllun ar gael i aelwydydd â deiliadaeth breifat yn unig, h.y. y rheiny yn y sector rhentu preifat a pherchen-feddianwyr. Nid oedd tai cymdeithasol yn cael eu cynnwys. Er mwyn i aelwydydd mewn ardal elwa ar y cynllun, mae'n rhaid i'r awdurdod lleol gyflwyno Datganiad o Fwriad, ac roedd copi ohono ynghlwm wrth yr adroddiad, yn gosod y meini prawf y bwriedir eu defnyddio i nodi aelwydydd a fyddai'n gymwys.

PENDERFYNWYD cymeradwyo'r gwaith o weinyddu'r cynllun uchod fel y nodwyd yn yr adroddiad a'r Datganiad o Fwriad.