Agenda a Chofnodion
Lleoliad: Rhith-Gyfarfod - ddim ar gael. Cyfarwyddiadau
Cyswllt: Martin Davies 01267 224059
Media
Rhif | eitem | |||||||||
---|---|---|---|---|---|---|---|---|---|---|
YMDDIHEURIADAU AM ABSENOLDEB Dogfennau ychwanegol: Cofnodion: Cafwyd ymddiheuriad am absenoldeb gan y Cynghorydd H.L. Davies |
||||||||||
DATGANIADAU O FUDDIANNAU PERSONOL GAN GYNNWYS UNRHYW CHWIPIAU PLEIDIAU A RODDIR MEWN YMATEB I UNRHYW EITEM AR YR AGENDA Dogfennau ychwanegol: Cofnodion:
|
||||||||||
CWESTIYNAU GAN Y CYHOEDD Dogfennau ychwanegol: Cofnodion: Nid oedd cwestiynau gan y cyhoedd wedi dod i law.
|
||||||||||
YMGYNGHORI YNGHYLCH STRATEGAETH Y GYLLIDEB REFENIW 2021/22 TAN 2023/24. PDF 239 KB Dogfennau ychwanegol:
Cofnodion: Cyflwynodd yr Aelod o'r Bwrdd Gweithredol dros Adnoddau Strategaeth Cyllideb Refeniw 2021/22 hyd at 2023/24 a oedd wedi ei chymeradwyo gan y Bwrdd Gweithredol at ddibenion ymgynghori yn ei gyfarfod ar 18 Ionawr 2021. Roedd yr adroddiad, a oedd yn darparu'r sefyllfa bresennol i'r Aelodau ynghylch y Gyllideb Refeniw ar gyfer 2021/2022, ynghyd â ffigurau dangosol ar gyfer blynyddoedd ariannol 2022/2023 a 2023/2024, yn seiliedig ar ragamcanion ynghylch gofynion gwariant y swyddogion ac yn ystyried y setliad amodol a gyhoeddwyd gan Lywodraeth Cymru ar 22 Rhagfyr 2020. Roedd hefyd yn adlewyrchu cynigion presennol yr adrannau ar gyfer arbedion. Byddai'r effaith ar wariant adrannol yn dibynnu ar y setliad terfynol gan Lywodraeth Cymru a'r gyllideb derfynol ganlyniadol a fabwysiedir gan y Cyngor Sir.
Roedd y cynigion ynghylch y gyllideb, fel y'u cyflwynwyd yn yr adroddiad, yn golygu cyflawni'n llawn y cynigion o ran arbedion a gyflwynwyd, ynghyd â nodi a chyflawni'r diffyg yng nghynigion arbedion 2022-23 a 2023-24. Byddai angen nodi gostyngiadau pellach mewn costau ar gyfer blynyddoedd 2022/23 a 2023/24 er mwyn gallu cynnal y Strategaeth Gyllideb bresennol a lefel y dreth gyngor. Tynnwyd sylw at y ffaith bod cydnabyddiaeth yn cael ei rhoi i bwysigrwydd hanfodol lleihau cynnydd y Dreth Gyngor i breswylwyr wrth gynnal cyllideb gytbwys yn y cyfnod digynsail a heriol hwn.
O ystyried maint y pwysau a'r bwlch a ragwelir yn y gyllideb, mae'r cynnydd yn y Dreth Gyngor wedi parhau ar y lefelau cynllun ariannol tymor canolig (MTFP) blaenorol o 4.89% ym mhob un o'r tair blynedd ariannol, sy'n cynnig rhywfaint o liniaru o leiaf ar y cynigion ar gyfer arbedion yr oedd angen i'r Cyngor eu hystyried.
Roedd y canlynol ymhlith y materion a godwyd wrth ystyried yr adroddiad: · Mewn ymateb i gwestiwn ynghylch sut, wrth ystyried cynigion y gyllideb, y gellid osgoi peryglu gallu cenedlaethau'r dyfodol i ddiwallu eu hanghenion eu hunain pan oedd y setliadau yn cael eu derbyn mor hwyr, roedd Cyfarwyddwr y Gwasanaethau Corfforaethol yn cydnabod bod hyn yn her a dyna pam y lluniodd y Cyngor ei hun gyllideb 3 blynedd fel y gellid rhagweld y sefyllfa debygol yn rhesymol o fewn y paramedrau a oedd ar gael o ran sut y dyrannodd llywodraeth Cymru a'r llywodraeth genedlaethol yr arian; · Mynegwyd pryder ynghylch effaith y pandemig ar gronfeydd wrth gefn ysgolion. Dywedwyd wrth y Pwyllgor fod yr Awdurdod yn parhau i weithio gyda'r 30% o ysgolion a oedd mewn diffyg ar hyn o bryd, ond eglurwyd bod y rhan fwyaf o'r gwariant ychwanegol gan ysgolion sy'n gysylltiedig â'r pandemig wedi'i ariannu gan yr hawliadau caledi a wnaed i Lywodraeth Cymru a rhagwelwyd y byddai hyn yn parhau hyd y gellir rhagweld; · O ran cronfeydd cyffredinol wrth gefn, a oedd yn darparu 'rhwyd ddiogelwch' ar gyfer amrywiadau annisgwyl mewn gwariant mewn unrhyw flwyddyn [e.e. llifogydd, covid] ac a oedd yn galluogi'r Cyngor i ymateb, dywedwyd wrth y Pwyllgor bod 3% o'r gwariant net bob amser wedi cael ei ystyried yn lefel ddarbodus ac argymhellwyd bod hyn yn cael ei ... Gweld y cofnodion lawn ar gyfer eitem 4. |
||||||||||
RHAGLEN GYFALAF PUM MLYNEDD - 2021/22 - 2025/26. PDF 339 KB Dogfennau ychwanegol:
Cofnodion: Cyflwynodd yr Aelod o'r Bwrdd Gweithredol drosAdnoddau'r rhaglen gyfalaf 5 mlynedd a oedd yn rhoi golwg gychwynnol ar y Rhaglen Gyfalaf 5 mlynedd rhwng 2021/22 a 2025/26. Roedd yr adroddiad yn sail i'r broses ymgynghori ynghylch y gyllideb gyda'r Pwyllgor Craffu a phartïon perthnasol eraill a byddai unrhyw adborth, ynghyd â'r setliad terfynol, yn llywio'r adroddiad terfynol ynghylch y gyllideb a fyddai'n cael ei gyflwyno i'r aelodau ym mis Mawrth 2021. Roedd y rhaglen gyfalaf arfaethedig yn cynnig gwariant cyfalaf o ryw £242m dros y 5 mlynedd nesaf ac roedd y cynigion cyllido cyfredol yn cynnwys cyllid allanol o £119m. Roedd yr adroddiad yn tynnu sylw at y setliad amodol a gafwyd gan Lywodraeth Cymru a oedd yn nodi cyllid cyfalaf o £11.866m ar gyfer yr Awdurdod yn 2021-22. Roedd y cyllid yn cynnwys benthyca â chymorth heb ei neilltuo o £5.925m a Grant Cyfalaf Cyffredinol o £5.941m. I grynhoi, sefyllfa gyffredinol y rhaglen gyfalaf oedd ei bod yn cael ei chyllido am y 5 mlynedd rhwng 2021/22 a 2025/26.
Roedd y canlynol ymhlith y materion a godwyd wrth ystyried yr adroddiad: · Mewn ymateb i ymholiad ynghylch argaeledd gwariant i fynd i'r afael ag atgyweirio ffyrdd, cynghorwyd y Pwyllgor bod £600k ar gael yn y rhaglen gyfalaf ar gyfer priffyrdd a bod Llywodraeth Cymru wedi dyrannu £1.5m arall o'i gronfa adnewyddu ffyrdd a sefydlwyd y llynedd. Yn ogystal, gallai'r Cyngor hefyd wneud cynnig am gyllid cydnerthedd ffyrdd gan Lywodraeth Cymru; · Mewn ymateb i bryder ynghylch yr oedi mewn perthynas ag ysgol newydd arfaethedig Rhydaman fel rhan o raglen Ysgolion yr 21ain Ganrif, deallwyd bod yr oedi'n ymwneud â materion yn ymwneud â'r safle arfaethedig ond rhoddwyd sicrwydd ei bod yn aros yn y rhaglen gyfalaf; · Mewn ymateb i gwestiwn, dywedwyd na ellid gohirio gwaith mewn cysylltiad â Neuadd y Sir, Caerfyrddin, a Th? Elwyn, Llanelli, oherwydd materion iechyd a diogelwch a chynnal a chadw eiddo. Roedd hyn yn cynnwys diweddaru'r systemau larwm tân; · Gyda golwg ar Lwybr Dyffryn Tywi, ystyriwyd y byddai angen cymorth gan Lywodraeth Cymru i sicrhau ei fod yn cael ei gwblhau oherwydd y gost sylweddol debygol o gaffael y tir sy'n angenrheidiol. Fodd bynnag, ar hyn o bryd roedd Llywodraeth Cymru yn canolbwyntio ar ei menter teithio llesol ac felly roedd unrhyw gynnydd pellach ar y llwybr yn debygol o gael ei ohirio; · Gyda golwg ar wariant a ddyrannwyd yn 2021/22 ar gyfer Canolfan Hamdden newydd Llanelli, nodwyd bod hyn yn dibynnu ar ddechrau'r gwaith ar y Pentref Llesiant newydd, Pentre Awel; · Nodwyd bod terfynau benthyca wedi'u pennu ym Mholisi Rheoli'r Trysorlys. Gweithiodd yr Awdurdod ar sail rheoli benthyca mewnol i gadw'r terfyn i lawr [Cofnod 7 isod]. Dywedodd Cyfarwyddwr y Gwasanaethau Corfforaethol fod dyletswydd arno i adrodd bod unrhyw fenthyciadau yn fforddiadwy, yn gynaliadwy ac yn ddarbodus cyn i'r Cyngor wneud penderfyniad ar ei gyllideb.
PENDERFYNWYD cymeradwyo rhaglen gyfalaf bum mlynedd 2021/22 – 2025/26.
|
||||||||||
ADRODDIAD MONITRO CYLLIDEB CYFALAF A REFENIW 2020/21. PDF 246 KB Dogfennau ychwanegol:
Cofnodion: Cyflwynodd yr Aelod o'r Bwrdd Gweithredol dros Adnoddau Adroddiad Monitro Cyllideb Gorfforaethol yr Awdurdod ac adroddiadau adrannol y Prif Weithredwr a'r Gwasanaethau Corfforaethol fel yr oeddent ar 31 Hydref 2020 mewn perthynas â blwyddyn ariannol 2020/21. Roedd yr adroddiad hefyd yn cynnwys atodiad a oedd yn rhoi manylion Monitro Arbedion 2020-21. Cyfeiriwyd at y cynnydd parhaus tebygol yn y galw am gymorth o dan gynllun Gostyngiadau'r Dreth Gyngor yr oedd Llywodraeth Cymru, hyd yma, wedi'i asesu bob chwarter. Roedd y sefyllfa'n cael ei monitro'n ofalus gan nad oedd yn glir i ba raddau y byddai Llywodraeth Cymru yn parhau â'i chefnogaeth yn hyn o beth. Felly, cafodd ei chydnabod fel maes risg o safbwynt y gyllideb ond un yr ystyriwyd bod gan yr Awdurdod reolaeth drosti.
PENDERFYNWYD YN UNFRYDOL dderbyn yr adroddiad.
|
||||||||||
POLISI A STRATEGAETH RHEOLI'R TRYSORLYS 2021-22. PDF 238 KB Dogfennau ychwanegol:
Cofnodion: Cyflwynodd yr Aelod o'r Bwrdd Gweithredol dros Adnoddau Bolisi a Strategaeth arfaethedig Rheoli'r Trysorlys 2021/22 a fyddai'n cael eu hystyried gan y Bwrdd Gweithredol ar 22 Chwefror 2021, ac atgoffwyd yr aelodau fod yn rhaid i'r Cyngor, o dan ofynion Côd Ymarfer diwygiedig CIPFA ynghylch Rheoli'r Trysorlys, feddu ar Bolisi Rheoli'r Trysorlys a oedd yn manylu ar bolisïau ac amcanion ei weithgareddau o ran rheoli'r trysorlys. Fe'u hatgoffwyd hefyd fod yn rhaid i'r Cyngor gymeradwyo Strategaeth Rheoli'r Trysorlys yn flynyddol cyn dechrau'r flwyddyn ariannol yr oedd yn ymwneud â hi. Hefyd, dan ddarpariaethau Deddf Llywodraeth Leol 2003, roedd yn ofynnol i'r Cyngor gymeradwyo ei Ddangosyddion Darbodaeth o ran Rheoli'r Trysorlys ar gyfer y flwyddyn i ddod. Mewn ymateb i ymholiad cytunodd Cyfarwyddwr y Gwasanaethau Corfforaethol i ymchwilio i'r mater o drefnu sesiwn hyfforddiant gloywi ar swyddogaethau'r trysorlys i aelodau.
PENDERFYNWYD YN UNFRYDOL gymeradwyo Polisi a Strategaeth Rheoli'r Trysorlys 2021/22 a'r atodiadau cysylltiedig.
|
||||||||||
Dogfennau ychwanegol: Cofnodion: Cyflwynodd y Dirprwy Arweinydd Adroddiad Perfformiad Corfforaethol Hanner Blwyddyn 2020/21 ar gyfer y cyfnod rhwng 1 Ebrill - 30 Medi 2020 a oedd yn canolbwyntio ar y mesurau perfformiad a gynhwyswyd yn y Strategaeth Gorfforaethol ar gyfer pob adran ac a oedd yn galluogi'r Awdurdod i ddangos i ddinasyddion, aelodau a rheoleiddwyr sut y rheolwyd perfformiad, a sut y rhoddwyd ymyriadau priodol ar waith.
PENDERFYNWYD YN UNFRYDOL dderbyn yr adroddiad.
|
||||||||||
Dogfennau ychwanegol: Cofnodion: Cyflwynodd y Dirprwy Arweinydd Adroddiad Perfformiad Adrannol Hanner Blwyddyn 2020/21 ar gyfer y cyfnod rhwng 1 Ebrill - 30 Medi 2020 a fanylai ar y cynnydd a wnaed yn erbyn y camau gweithredu a'r mesurau yn Strategaeth Gorfforaethol 2020/12 ar gyflawni'r Amcanion Llesiant o fewn cylch gwaith y Pwyllgor. Oherwydd y pandemig covid, nodwyd nad oedd cynlluniau Gweithredu Adrannol ar gyfer 2020/21 yn cael eu monitro er mwyn caniatáu i wasanaethau ganolbwyntio ar ddelio ag argyfyngau ond bod Asesiad Effaith Gymunedol hanner blwyddyn ar y pandemig Covid 19 wedi'i lunio yn lle hynny. Byddai adroddiad blynyddol ar gyfer 2020/21 hefyd yn cael ei lunio ar yr Amcanion Llesiant Corfforaethol.
O ran absenoldeb oherwydd salwch, a fyddai'n destun adroddiad ar wahân yn y cyfarfod nesaf, dywedodd y Prif Weithredwr Cynorthwyol wrth y Pwyllgor bod 5.6 diwrnod Cyfwerth ag Amser Llawn wedi'u colli yn chwarter 3 o gymharu â 7.67 diwrnod Cyfwerth ag Amser Llawn a gollwyd yn yr un cyfnod y llynedd a oedd yn welliant sylweddol.
PENDERFYNWYD YN UNFRYDOL dderbyn yr adroddiad.
|
||||||||||
COFNODION BWRDD GWASANAETHAU CYHOEDDUS (PSB) SIR GÂR - MEDI 2020. PDF 396 KB Dogfennau ychwanegol: Cofnodion: Cyflwynodd yr Aelod o'r Bwrdd Gweithredol dros Adnoddau gofnodion cyfarfod Bwrdd Gwasanaethau Cyhoeddus Sir Gaerfyrddin a gynhaliwyd ar 29 Medi 2020.Roedd Deddf Llesiant Cenedlaethau'r Dyfodol (Cymru) 2015 yn ei gwneud yn ofynnol bod pwyllgor craffu llywodraeth leol dynodedig yn cael ei benodi i graffu ar waith y Bwrdd Gwasanaethau Cyhoeddus. Yn Sir Gaerfyrddin, penodwyd Pwyllgor Craffu – Polisi ac Adnoddau y Cyngor fel y Pwyllgor Craffu perthnasol.
PENDERFYNWYD YN UNFRYDOL dderbyn cofnodion cyfarfod y Bwrdd Gwasanaethau Cyhoeddus a gynhaliwyd ar 29 Medi 2020.
|
||||||||||
ADRODDIAD MONITRO CHWARTEROL BARGEN DDINESIG BAE ABERTAWE. PDF 247 KB Dogfennau ychwanegol: Cofnodion: [HYD Y CYFARFOD Am 1:00pm wrth ystyried yr eitem hon, tynnwyd sylw'r Pwyllgor at Reol Sefydlog 9 'Hyd y Cyfarfod', ac at y ffaith bod y cyfarfod wedi bod yn mynd rhagddo ers 3 awr. Felly PENDERFYNWYD bod y Rheolau Sefydlog yn cael eu rhoi o'r neilltu dros dro er mwyn gallu ystyried yr eitemau oedd yn weddill ar yr agenda.]
Cyflwynodd yr Aelod o'r Bwrdd Gweithredol dros Adnoddau Jonathan Burnes, Cyfarwyddwr Rhaglen Bargen Ddinesig Bae Abertawe. Cyflwynodd yntau Adroddiad Monitro Chwarterol ar gyfer Portffolio'r Fargen Ddinesig a'r rhaglenni / prosiectau sy'n rhan ohono, a fanylai ar statws presennol y Fargen Ddinesig, crynodeb o weithgarwch allweddol y rhaglen / prosiectau dros y 3 mis diwethaf a'r gweithgarwch a gynlluniwyd ar gyfer y chwarter presennol. Yn benodol, cafodd y Pwyllgor ei hysbysu o gynnydd y prosiectau hynny yr oedd Cyngor Sir Caerfyrddin yn eu harwain, sef: · Seilwaith Digidol; · Pentre Awel; · Yr Egin; · Sgiliau a Thalentau.
Roedd y canlynol ymhlith y materion a godwyd ynghylch yr adroddiad: · Mewn ymateb i bryder yn ymwneud â chyllid yn yr hinsawdd bresennol, sicrhawyd yr aelodau bod hyn wedi'i neilltuo ar gyfer y Fargen Ddinesig a bod y trafodaethau â Llywodraethau Cymru a'r DU yn gadarnhaol gan fod yr achosion busnes yn gadarn. Dywedodd Cyfarwyddwr y Gwasanaethau Corfforaethol, er bod yna faterion llywodraethu y bu'n rhaid mynd i'r afael â hwy, bod y prosiectau'n mynd yn eu blaen; · Roedd y Cadeirydd yn gobeithio y byddai mwy o fanylion ar gael cyn hir yngl?n â ffigurau creu swyddi fel y gallai cymunedau lleol weld manteision y prosiectau; · Mynegodd Rheolwr Prosiect Pentre Awel ei diolch i bawb a fu'n ymwneud â'r gwaith o baratoi at gam caffael y cynllun; · Soniodd yr Aelod o'r Bwrdd Gweithredol dros Adnoddau am yr angen i gyflymu'r rhaglenni sgiliau a hyfforddiant fel bod yna bobl leol â chymwysterau addas a fyddai'n gallu ymgeisio am y cyfleoedd am swyddi sy'n debygol o godi. Dywedodd Rheolwr Prosiect Pentre Awel mai elfen bwysig o'r cynllun oedd cynnwys y gymuned leol, gan gynnwys ysgolion a grwpiau lleol, er mwyn sicrhau bod pobl yn ymwybodol o'r cyfleoedd gwaith sy'n debygol o fod ar gael, a'u bod yn cael eu hannog gan y cyfleoedd hynny.
PENDERFYNWYD YN UNFRYDOL dderbyn yr adroddiad.
|
||||||||||
EITEMAU AR GYFER Y DYFODOL PDF 307 KB Dogfennau ychwanegol:
Cofnodion: PENDERFYNWYD YN UNFRYDOL fod y rhestr o eitemau i'w hystyried yn y cyfarfod nesaf i'w gynnal ar 2 Mawrth 2021 yn cael eu derbyn yn amodol ar ychwanegu adroddiad ar absenoldeb salwch.
|
||||||||||
COFNODION - 2AIL RHAGFYR 2020. PDF 255 KB Dogfennau ychwanegol: Cofnodion: PENDERFYNWYD YN UNFRYDOL lofnodi cofnodion y cyfarfod a gynhaliwyd ar 2 Rhagfyr 2020 yn gofnod cywir.
|
Cyngor a Democratiaeth
Y Cyngor
Cynghorwyr, ACau ac ASau
- Eich Cynghorydd Sir
- Strategaeth Cyfranogiad y Cyhoedd a'r Cynllun Deiseb
- Lwfansau a buddiannau cynghorwyr
- Cynghorwyr Tref a Chymuned
- Aelodau Senedd Cymru
- Aelodau Seneddol
- Sut mae bod yn Gynghorydd
Adrannau'r Cyngor
Dweud eich dweud
- Ymgynghoriad ar y gyllideb 2024Gyllideb
- Prif Gynllun Teithio Llesol Y Tymbl
- Strategaeth Hamdden 2023-33 ymgynghoriad cymunedol
- Polisi codi tâl am wasanaethau gofal cymdeithasol
- Polisi Dyrannu Tai Cymdeithasol
- Strategaeth Leol ar gyfer Perygl Llifogydd 2024-2030
- Asesiad Rheoliadau Cynefinoedd ar gyfer yr Ail Gynllun Datblygu Lleol Diwygiedig Adneuo 2018-2033
- Arfarniad Cynaliadwyedd Integredig ar gyfer yr Ail Gynllun Datblygu Lleol Diwygiedig Adneuo 2018-2033
- Strategaeth y Rhaglen Moderneiddio Addysg
- Strategaeth Cyfleusterau Cyhoeddus Sir Gaerfyrddin
- Creu Sir Gaerfyrddin Ddigidol
- Holiadur Preswylwyr Sir Gâr 2023
- Ymgynghoriad ynghylch Polisi Plant sy'n Codi'n 4 Oed Ysgolion Cynradd 2025/26
Pwyllgorau a Chyfarfodydd
- Agendâu a chofnodion
- Pwyllgor Llywodraethu ac Archwilio
- Dyddiadur y Cyngor
- Pwyllgor Gwasanaethau Democrataidd
- Y Cabinet
- Penderfyniadau swyddogion
- Blaengynlluniau Waith
- Pwyllgor Cynllunio
- Craffu
- Pwyllgor Safonau
- Cyngor Ymgynghorol Sefydlog dros Addysg Grefyddol (CYSAG)
Strategaethau a chynlluniau
- Cynllun Cyflenwi Tai Fforddiadwy 2016 - 20
- Datganiad Gweledigaeth y Cabinet 2022 - 2027 (Gorffennaf 2022)
- Strategaeth Drawsnewid Cyngor Sir Caerfyrddin
- Polisi Diogelu Corfforaethol
- Strategaeth Ddigidol ar gyfer Ysgolion 2018 - 2021
- Strategaeth Technoleg Ddigidol 2018 - 2021
- Strategaeth Trawsnewid Digidol
- Cymorth i Deuluoedd Sir Gaerfyrddin 2018-23
- Gwybodaeth ddiweddaraf am wasanaeth Llyfrgelloedd - Symud ymlaen 2017 - 2025
- Strategaeth y Rhaglen Moderneiddio Addysg (1)
- Symud Sir Gâr Wledig Ymlaen
- Cynllun Cydraddoldeb Strategol
- Cynllun Trechu Tlodi 2023
- Strategaeth Hybu’r Gymraeg
- Safonau’r Gymraeg
- Adroddiad Blynyddol y Gymraeg
Y Cyllideb y Cyngor
Cyllideb y Cyngor
- Crynhoad Cyllideb
- Datganiad Cyfrifon
- Cronfa Bensiwn Dyfed
- Ein Rhanbarth ar Waith (ERW)
- Bargen Ddinesig Bae Abertawe
- Ffyrdd syml i arbed arian i'r Cyngor
Perfformiad y Cyngor
- Rheoli Perfformiad
- Archwiliadau, Arolygiadau ac Adroddiadau
- Y Ddeddf Llesiant Cenedlaethau’r Dyfodol
- Adroddiad Blynyddol y Cyngor 2022-23
Hysbysiadau cyhoeddus
Canllawiau Brexit
Iaith Gymraeg
Carbon Sero-net
Cydraddoldeb ac Amrywiaeth
Cyfamod Lluoedd Arfog
Etholiadau a Phleidleisio
- Etholiadau Lleol 2022
- Pleidleisio
- Bod yn gymwys i bleidleisio
- Sut mae pleidleisio?
- Newidiadau i bleidleisio drwy'r post a phleidleisio drwy ddirprwy
- Cofrestru i bleidleisio
- Diweddaru eich manylion ar y Gofrestr Etholiadol
- Diweddariad blynyddol o'r gofrestr pleidleiswyr
- Sut i optio allan o'r gofrestr agored
- Gweld y Gofrestr Etholiadol
- Is-etholiadau
- Fy Un Agosaf - Gwybodaeth etholiadol
- Etholiadau Senedd Cymru
- Etholiadau'r Comisiynydd Heddlu a Throseddu 2024
- Etholiad Cyffredinol Seneddol 2019
- Help i Bleidleiswyr Anabl
- Adolygiad o Ffiniau Seneddol
- Prawf Adnabod Pleidleisiwr
- Adolygiad Cymunedol 2023
- Adolygiad o Ddosbarthau Pleidleisio a Mannau Pleidleisio
- Recriwtio ar gyfer etholiadau
Mwy ynghylch Cyngor a Democratiaeth