Agenda a chofnodion drafft

Ni chafwyd datganiadau o fuddiant personol.

Rhoddodd y Cadeirydd a'r Cyfreithiwr wybodaeth i bawb a oedd yn bresennol am drefn y cyfarfod. Amlinellodd y Cadeirydd fod gofyn i'r Is-bwyllgor ystyried cais gan Mr Jonathan James Thomas a Nicola Sian Bowes Thomas, am drwydded safle ar gyfer Donuts & Dragons, 7b Heol y Brenin, Caerfyrddin.

Nododd yr Is-bwyllgor fod y dogfennau canlynol ynghlwm wrth yr adroddiad:

·         Atodiad A – Copi o ddogfennau'r cais

·         Atodiad B - Sylwadau'r Awdurdod Trwyddedu

Cafodd yr Is-bwyllgor sylwadau llafar gan gynrychiolydd yr Awdurdod Trwyddedu. Eglurodd cynrychiolydd yr Awdurdod Trwyddedu mai cais ydoedd am drwydded safle i ganiatáu:

-       cyflenwi alcohol dan do - Dydd Llun - Dydd Sul 12.00-22.30 a Nos Galan 12.00-00.30 (nid 23.00-00.30 fel oedd yn yr adroddiad).

Nodwyd hefyd bod y cais ar gyfer:

-       cerddoriaeth wedi'i recordio dan do - Nos Galan tan 01.00

-       oriau agor - Dydd Llun - Dydd Sul 10.00-23.00, Nos Galan tan 01.00

Cyfeiriodd cynrychiolydd yr Awdurdod Trwyddedu at ei sylwadau ysgrifenedig a chadarnhau, pe bai'r Is-bwyllgor yn penderfynu rhoi'r drwydded safle, fod yr ymgeisydd a'r awdurdod trwyddedu wedi cytuno ar 6 amod trwydded yr awgrymir eu bod ynghlwm wrth y drwydded.

Rhoddwyd cyfle i'r Aelodau a'r ymgeisydd holi cynrychiolydd yr Awdurdod Trwyddedu ynghylch ei sylwadau.

Cyflwynodd Mr Thomas (yr Ymgeisydd) ei sylwadau yngl?n â'r cais ac ymatebodd i'r sylwadau a wnaed gan gynrychiolydd yr Awdurdod Trwyddedu.

Rhoddwyd cyfle i'r Aelodau a chynrychiolydd yr Awdurdod Trwyddedu holi'r ymgeisydd am ei gais.

Felly bu i'r Is-bwyllgor

BENDERFYNU’N UNFRYDOL gynnal sesiwn preifat er mwyn cael cyngor cyfreithiol yn unol â Pharagraff 16, Atodlen 12 i'r Ddeddf Llywodraeth Leol.

Ar ôl ystyried y paragraffau perthnasol o Ddatganiad Polisi Trwyddedu'r Awdurdod Trwyddedu a'r cyfarwyddyd a gyhoeddwyd gan yr Adran dros Ddiwylliant, y Cyfryngau a Chwaraeon (DCMS) a chan y Swyddfa Gartref:

PENDERFYNODD yr Is-bwyllgor, ar ôl ystyried yr holl dystiolaeth a roddwyd ger ei fron, y dylid caniatáu'r cais yn amodol ar amodau trwydded 1-6 (y cytunwyd arnynt gan yr awdurdod trwyddedu a'r ymgeisydd ac a nodir isod).

RHESYMAU:

Wrth benderfynu ar y cais, yr oedd y ffeithiau canlynol yn hysbys i'r Is-bwyllgor;

1.   Roedd yr awdurdod trwyddedu a'r ymgeisydd wedi cytuno ar amodau'r drwydded 1-6 (fel y nodir uchod)

2.   Nid cyflenwi alcohol yw prif hanfod y busnes

3.   Mae amgylchiadau eithriadol felly, fel na fydd caniatáu'r cais yn ychwanegu at yr effaith gronnol yn Heol y Brenin, Caerfyrddin.

O  ...  Gweld y cofnodion lawn ar gyfer eitem 2.

Rhoddodd y Cadeirydd a'r Cyfreithiwr wybodaeth i bawb a oedd yn bresennol am drefn y cyfarfod. Amlinellodd y Cadeirydd fod gofyn i'r Is-bwyllgor ystyried cais gan Mr Edward Hayden Robert Lee, am drwydded safle ar gyfer Anvil Kitchen, 2 Ffordd y Glowyr, Betws, Rhydaman i ganiatáu:-

·    Cyflenwi Alcohol – Dydd Llun i Ddydd Sul 09:00 – 16:00;

·    Oriau Agor - Dydd Llun i Ddydd Sul 09:00-16:00;

Nododd yr Is-bwyllgor fod y dogfennau canlynol ynghlwm wrth yr adroddiad:

·         Atodiad A – Copi o'r cais a dogfennau ategol

·         Atodiad B – Sylwadau a gyflwynwyd gan bobl eraill

·         Atodiad C – Ymateb yr ymgeisydd i sylwadau a gafwyd a llythyr o gefnogaeth gan breswylydd

Cafodd yr Is-bwyllgor sylwadau llafar gan y gwrthwynebydd yn ail-gyflwyno'r wybodaeth a nodwyd yn Atodiad B yr adroddiad. 

Rhoddwyd cyfle i'r Aelodau a'r ymgeisydd holi'r gwrthwynebydd ynghylch y sylwadau a wnaed.

Yna rhoddwyd cyfle i'r ymgeisydd gyflwyno'i sylwadau yngl?n â'r cais ac ymateb i'r sylwadau a wnaed gan y gwrthwynebydd. 

Rhoddwyd cyfle i'r Aelodau a'r gwrthwynebydd a oedd yn bresennol holi'r ymgeisydd am ei gais.

Felly bu i'r Is-bwyllgor

BENDERFYNU’N UNFRYDOL gynnal sesiwn preifat er mwyn cael cyngor cyfreithiol yn unol â Pharagraff 16, Atodlen 12 i'r Ddeddf Llywodraeth Leol.

Ar ôl ystyried y paragraffau perthnasol o Ddatganiad Polisi Trwyddedu'r Awdurdod Trwyddedu a'r cyfarwyddyd a gyhoeddwyd gan yr Adran dros Ddiwylliant, y Cyfryngau a Chwaraeon (DCMS) a chan y Swyddfa Gartref:

PENDERFYNODD yr Is-bwyllgor, ar ôl ystyried yr holl dystiolaeth a roddwyd ger ei fron, y dylid caniatáu'r cais yn amodol ar y canlynol:

- rhaid i'r alcohol gael ei yfed ar y safle.

- lle caiff alcohol ei werthu i'w yfed oddi ar y safle, rhaid ei gludo oddi ar y safle mewn cynhwysydd wedi'i selio.

RHESYMAU:

Wrth benderfynu ar y cais, yr oedd y ffeithiau canlynol yn hysbys i'r Is-bwyllgor;

1.   Mae ardal chwarae i blant yn agos i'r safle

2.   Ystyrir bod gosod yr amodau ychwanegol yn addas i fynd i'r afael â phryderon i'r perwyl hwnnw.

O ganlyniad, mae'r Is-bwyllgor yn fodlon bod ei benderfyniad (a amlinellir uchod) yn briodol i hyrwyddo'r amcanion trwyddedu.