Agenda a Chofnodion

Cafwyd ymddiheuriad am absenoldeb gan y Cynghorydd P.M. Hughes.

PENDERFYNWYD YN UNFRYDOL lofnodi cofnodion cyfarfod y Bwrdd Gweithredol a gynhaliwyd ar 29 Mehefin 2020, gan eu bod yn gywir.

Dywedodd y Cadeirydd nad oedd dim cwestiynau â rhybudd wedi cael eu cyflwyno gan yr Aelodau.

Dywedodd y Cadeirydd nad oedd dim cwestiynau â rhybudd wedi dod i law gan yr Aelodau.

Dywedodd y Cadeirydd nad oedd unrhyw eitemau eraill o fater brys.

NI DDYLID CYHOEDDI’R ADRODDIAD SY’N YMWNEUD Â’R MATER CANLYNOL GAN EI FOD YN CYNNWYS GWYBODAETH EITHRIEDIG FEL Y’I DIFFINIWYD YM MHARAGRAFF 14 O RAN 4 O ATODLEN 12A I DDEDDF LLYWODRAETH LEOL 1972 FEL Y’I DIWYGIWYD GAN ORCHYMYN LLYWODRAETH LEOL (MYNEDIAD AT WYBODAETH) (AMRYWIO) (CYMRU) 2007. OS BYDD Y BWRDD, AR ÔL CYNNAL PRAWF LLES Y CYHOEDD YN PENDERFYNU YN UNOL Â’R DDEDDF, I YSTYRIED Y MATER HYN YN BREIFAT, GORCHMYNNIR I’R CYHOEDD ADAEL Y CYFARFOD YN YSTOD TRAFODAETH O’R FATH.

PENDERFYNWYD YN UNFRYDOL, yn unol â Deddf Llywodraeth Leol 1972, fel y'i newidiwyd gan Orchymyn Llywodraeth Leol (Mynediad at Wybodaeth) (Amrywio) (Cymru) 2007, orchymyn i'r cyhoedd adael y cyfarfod tra oedd yr eitemau canlynol yn cael eu hystyried, gan fod yr adroddiadau'n cynnwys gwybodaeth eithriedig fel y'i diffiniwyd ym mharagraff 14 o Ran 4 o Atodlen 12A i'r Ddeddf.

Yn dilyn cynnal prawf budd y cyhoedd, PENDERFYNWYD yn unol â'r Ddeddf y cyfeiriwyd ati yng nghofnod 7 uchod, beidio â chyhoeddi cynnwys yr adroddiad gan ei fod yn cynnwys gwybodaeth eithriedig am faterion ariannol neu faterion busnes unigolyn penodol (gan gynnwys yr Awdurdod oedd yn meddu ar y wybodaeth honno) (Paragraff 14 o Ran 4 o Atodlen 12A i'r Ddeddf).

Yn yr achos hwn mae'r budd i'r cyhoedd mewn perthynas â'r adroddiad hwn, yn drech na'r budd i'r cyhoedd o ran datgelu'r wybodaeth a geir ynddo, gan y byddai datgelu'r wybodaeth yn achosi niwed i'r busnesau y mae'r adroddiad yn berthnasol iddynt, gan danseilio'u safle yn y farchnad ac o bosibl rhoi swyddi mewn perygl ac achosi niwed i'r economi leol.

[SYLWER: Ar yr adeg hon yn y cyfarfod, roedd y Cynghorydd G. Davies wedi datgan buddiant personol yn yr eitem hon, arhosodd yn y cyfarfod wrth i’r eitem gael ei hystyried a phleidleisiodd.]

Nododd y Bwrdd Gweithredol, fel y nodwyd yn flaenorol yn ei gyfarfod ar 29 Mehefin 2020, fod pandemig COVID 19 wedi cael effaith negyddol sylweddol ar yr economi fusnes yn Sir Gaerfyrddin.  O ystyried y tebygolrwydd y byddai busnesau'n parhau i gael trafferthion ariannol yn y dyfodol rhagweladwy, bu’r Bwrdd Gweithredol yn ystyried adroddiad a oedd yn rhoi opsiynau manwl i'r Awdurdod ar gyfer parhau i gynorthwyo gyda gostyngiadau rhent i'w denantiaid busnes. 

Gan fod gan Gyngor Sir Gaerfyrddin bortffolio busnes sylweddol gydag un o'r cyfraddau tenantiaeth uchaf yng Nghymru, bu'r Aelodau hefyd yn ystyried y goblygiadau refeniw posibl i'r Awdurdod fel y'u nodir yn yr adroddiad.

PENDERFYNWYD cynnig gostyngiad rhent o 50% i denantiaid busnes y Cyngor ar gyfer mis Gorffennaf a gostyngiad pellach o 25% ar gyfer mis Awst.  Byddai'r gostyngiad yn berthnasol dim ond i'r tenantiaid hynny sy'n gallu dangos tystiolaeth o galedi, a gaiff ei asesu ar sail gostyngiad o 50% mewn trosiant ar gyfer mis Gorffennaf.