Agenda a Chofnodion

Ni chafwyd ymddiheuriadau am absenoldeb.

PENDERFYNWYD YN UNFRYDOL lofnodi bod cofnodion cyfarfod y Cabinet a gynhaliwyd ar 18 Tachwedd 2024 yn gywir.

Dywedodd y Cadeirydd nad oedd dim cwestiynau â rhybudd wedi cael eu cyflwyno gan yr Aelodau.

Dywedodd y Cadeirydd nad oedd dim cwestiynau wedi dod i law gan y cyhoedd.

Cafodd y Cabinet i'w hystyried Strategaeth Rheoli Perygl Llifogydd Lleol y Cyngor a luniwyd yn unol â gofynion Adran 10.7 Deddf Rheoli Llifogydd a D?r 2010 sy'n ei gwneud yn ofynnol i'r holl Awdurdodau Lleol gyhoeddi eu strategaeth a'u cynllun rheoli perygl llifogydd lleol. Roedd y Strategaeth wedi'i chefnogi gan gynllun mwy tactegol sy'n egluro sefyllfa'r awdurdod o ran rheoli perygl llifogydd ac erydu arfordirol a'i nodau ar gyfer 2030 a sut y bydd yn eu cyflawni.

Nododd y Cabinet mai'r cynllun oedd yr ail strategaeth a luniwyd o dan y Ddeddf (yr un cyntaf ym mis Mai 2013) a'i phrif ddibenion oedd:

PENDERFYNWYD YN UNFRYDOL ARYMELL I'R CYNGOR fod Strategaeth Rheoli Perygl Llifogydd Lleol Cyngor Sir Caerfyrddin yn cael ei chymeradwyo.

Bu'r Cabinet yn ystyried adroddiad ar fabwysiadu Strategaeth Toiledau Lleol 2024/26 yr Awdurdod a'r camau gweithredu cysylltiedig a gafodd eu llunio yn unol â Rhan 8 o Ddeddf Iechyd y Cyhoedd (Cymru) 2017, a oedd yn gosod dyletswydd ar bob awdurdod lleol yng Nghymru i baratoi a chyhoeddi strategaeth toiledau lleol ar gyfer ei ardal. Nodwyd, er nad oedd dim gofyniad statudol ar awdurdodau lleol i ddarparu toiledau cyhoeddus, ac nad oedd y ddyletswydd i baratoi strategaeth yn ei gwneud yn ofynnol i awdurdodau lleol ddarparu a chynnal a chadw toiledau cyhoeddus, roedd yn ofynnol iddynt gymryd agwedd strategol at sut y gallai'r cyfleusterau hyn gael eu darparu a'u defnyddio gan y boblogaeth leol. Wrth wneud hynny, disgwylir y byddai awdurdodau lleol yn ystyried amrywiaeth lawn o opsiynau ar gyfer sicrhau bod cyfleusterau ar gael i'r cyhoedd.

PENDERFYNWYD YN UNFRYDOL fod Strategaeth Toiledau Lleol 2024/26 yn cael ei chymeradwyo.

(NODER: Gadawodd y Cynghorwyr C. Jones ac A. Lenny, a oedd wedi datgan buddiant yn yr eitem hon yn gynharach, Siambr y Cyngor tra bod y Cabinet yn ystyried y mater).

Bu'r Cabinet yn ystyried adroddiad a luniwyd yn unol ag Adran 19 o Ddeddf Llifogydd a D?r 2010, ar ganlyniad ymchwiliad a gynhaliwyd i lifogydd oddeutu 34 o eiddo yn Llansteffan o ganlyniad i 2 storm dros gyfnod blwyddyn newydd 2023/24. Nodwyd bod 10 cam gweithredu yn sgil yr ymchwiliad yn ymwneud â Rheoli Perygl Llifogydd, yn ogystal â 6 argymhelliad yn ymwneud â Gwytnwch Cymunedol, ac 11 cam gweithredu yn ymwneud â Gweithredu a Chynnal a Chadw ac y byddai'r Cyngor yn rheoli'r gwaith o gyflawni'r camau gweithredu hyn drwy'r gr?p prosiect amlasiantaeth y byddai'n parhau i fod yn gadeirydd arno yn y tymor byr.

PENDERFYNWYD YN UNFRYDOL ARGYMELL I'R CYNGOR fod yr adroddiad yn cael ei gymeradwyo. 

Bu'r Cabinet yn ystyried Adroddiad Blynyddol Drafft y Cyngor ar gyfer 2023-24 ar  Strategaeth Gorfforaethol 2022-2027 a luniwyd o dan ddarpariaethau Deddf Llesiant Cenedlaethau'r Dyfodol (Cymru) 2015 lle'r oedd yn ofynnol oddi gyhoeddi Adroddiad Blynyddol ar ei Amcanion Llesiant. Yn ogystal, o dan Ddeddf Llywodraeth Leol ac Etholiadau (Cymru) 2021, roedd dyletswydd ar y Cyngor i adrodd ar ei berfformiad ar ffurf dull hunanasesu. Nod yr adroddiad oedd bodloni'r ddau ofyniad hynny mewn un ddogfen.

Roedd yr adroddiad yn darparu gwybodaeth ar y sail ganlynol ar gyfer pob Amcan Llesiant, yn ogystal â'r blaenoriaethau Thematig a Gwasanaeth:

• Trosolwg o gynnydd – yn rhoi trosolwg cryno o'n cynnydd yn erbyn y mesurau trosfwaol ar gyfer pob Amcan Llesiant, gan gysylltu hyn â phwysigrwydd yr amcan hwnnw.
• Yn gryno – mae'n rhoi trosolwg o'n cynnydd yn erbyn pob un o'n meysydd blaenoriaeth Thematig a Gwasanaeth.
• Sut ydym ni'n ei wneud? - yn rhoi dadansoddiad o'r cynnydd a wnaed yn erbyn ein mesurau allweddol fel y manylir yn y Gyfres Ddata Gorfforaethol. Darperir trosolwg manwl o'r holl fesurau yn Atodiad 5.
• Cynnydd yn erbyn Canlyniadau – yn darparu cynnwys ar weithgarwch o bob rhan o'r sefydliad sy'n ymwneud â'r canlyniad hwnnw neu'n mynd i'r afael ag ef.
• Oes unrhyw un ar ei ennill? - mae'r adran hon yn darparu astudiaethau achos neu straeon newyddion da yn ymwneud â'r 'Felly Beth?’. Y ffocws yw tynnu sylw at y gwahaniaeth rydym wedi'i wneud i fywydau ein preswylwyr a'n defnyddwyr gwasanaeth trwy ein gweithgaredd.
• Sut allwn ni wneud yn well? – mae'r adran hon yn rhoi crynodeb o'r meysydd a nodwyd i'w gwella ac yn 'cau'r ddolen’. 

PENDERFYNWYD YN UNFRYDOL ARGYMELL I’R CYNGOR fod Adroddiad Blynyddol Drafft Cyngor Sir Caerfyrddin ar gyfer 2023-2024 yn cael ei gymeradwyo.

Bu'r Cabinet yn ystyried adroddiad a baratowyd o dan Ddeddf Llywodraeth Leol ac Etholiadau (Cymru) 2021 a oedd yn gosod dyletswydd ar gynghorau i drefnu i banel gynnal asesiad lefel sefydliad, corfforaethol, o leiaf unwaith yn ystod y cyfnod rhwng dau etholiad cyffredin yn olynol o gynghorwyr i'r cyngor, o'r graddau y mae'r cyngor yn bodloni ei ofynion perfformiad, fel y'u diffinnir yn ôl i ba raddau y mae'r cyngor yn gwneud y canlynol:

• mae'n arfer ei swyddogaethau'n effeithiol;
• mae'n defnyddio ei adnoddau mewn modd darbodus, effeithlon ac effeithiol; ac
• mae ganddo drefniadau llywodraethu effeithiol ar waith ar gyfer sicrhau'r uchod.

Nododd y Cabinet, yn unol â gofynion y Deddfau, fod dogfen gwmpasu wedi'i pharatoi yn darparu cyflwyniad i Sir Gaerfyrddin, a'r Cyngor ac ystyried unrhyw heriau a amlygwyd yn yr hunanasesiad gan gynnwys, canfyddiadau o'r adroddiadau archwilio, arolygu neu reoleiddwyr diweddar. Byddai'r ddogfen gwmpasu yn llywio dewis y Panel i gynnal yr asesiad ynghyd â Chylch Gorchwyl manwl ar gyfer yr asesiad, y byddai'r Panel a'r Cyngor wedyn yn cytuno arno. Cynigiwyd y byddai'r CPA yn cael ei gynnal yn Sir Gaerfyrddin rhwng 10 a 13 Mehefin 2025.

Gofynnwyd i'r Cabinet, wrth ystyried yr adroddiad, ychwanegu'r argymhelliad ychwanegol canlynol i'w ystyried gan y Cyngor:

“Cymeradwyo bod yr Arweinydd a'r Prif Weithredwr wedi dirprwyo awdurdod i gadarnhau penodiad y Panel a'r Cylch Gorchwyl ar gyfer yr asesiad yn dilyn trafodaeth gyda rhanddeiliaid perthnasol”

PENDERFYNWYD YN UNFRYDOL ARGYMELL I'R CYNGOR:

Bu'r Cabinet yn ystyried yr Adroddiad ynghylch y Dangosyddion Darbodaeth a Rheoli'r Trysorlys a oedd yn rhoi'r wybodaeth ddiweddaraf am weithgareddau rheoli'r trysorlys o 1 Ebrill 2024 i 30 Medi 2024.

PENDERFYNWYD YN UNFRYDOL ARGYMELL I'R CYNGOR fod yr adroddiad yn cael ei gymeradwyo.

Bu'r Cabinet, yn unol â phenderfyniad y Cyngor ar 11 Medi 2024, yn ystyried adroddiad ar y Rhybudd o Gynnig yn y cyfarfod yn ymwneud â Masnach Deg lle penderfynwyd:

• “Ailddatgan ein hymrwymiad i gefnogi Masnach Deg a'r ymgyrch Masnach Deg yn Sir Gaerfyrddin.
• Cydnabod a dathlu cyflawniadau trefi Masnach Deg yn ein sir, sydd wedi bod yn ganolog wrth eiriol dros Fasnach Deg a phrynwriaeth foesegol.
• Cefnogi Pwyllgor Llywio Masnach Deg, i oruchwylio a chydlynu gweithgareddau a mentrau Masnach Deg ar draws Sir Gaerfyrddin.
• Penodi Aelod Cabinet yn Hyrwyddwr Masnach Deg, a fydd yn mynd ati i hyrwyddo ac eiriol dros egwyddorion a mentrau Masnach Deg o fewn y Cyngor a'r gymuned ehangach.

Rhoddwyd gwybod i'r Cabinet, mewn ymateb i'r penderfyniad, y cynigiwyd y canlynol:

1. Bydd y Cyngor yn adolygu ei drefniadau presennol ac yn ceisio ailddatgan ei ymrwymiad
2. Bydd y Cyngor yn gweithio gyda'r Gr?p Masnach Deg amlasiantaeth cymunedol (fel y nodir isod) ac yn cefnogi hyrwyddo arfer da a chyflawniadau. 
3. Mae Pwyllgor Masnach Deg amlasiantaeth cymunedol ar gyfer Sir Gaerfyrddin eisoes yn bodoli a chynigir bod y Cynghorydd Aled Vaughan Owen (os cytunir ei benodi'n Hyrwyddwr Masnach Deg) yn ymuno â'r gr?p hwn ac yn sicrhau cysylltiadau â gwasanaethau perthnasol y Cyngor. 
4. Bod y Cynghorydd Aled Vaughan Owen yn cael ei benodi'n Hyrwyddwr Masnach Deg y Cyngor.

UNANIMOUSLY RESOLVED that:

Dywedodd y Cadeirydd nad oedd unrhyw eitemau eraill o fater brys.