Agenda a Chofnodion

Derbyniwyd ymddiheuriadau am absenoldeb gan y Cynghorydd A. Davies a W. Walters (y Prif Weithredwr)

PENDERFYNWYD YN UNFRYDOL lofnodi cofnodion cyfarfod y Cabinet a gynhaliwyd ar 31 Ionawr 2022 yn gofnod cywir.

Dywedodd y Cadeirydd nad oedd dim cwestiynau â rhybudd wedi cael eu cyflwyno gan yr Aelodau.

Dywedodd y Cadeirydd nad oedd dim cwestiynau wedi dod i law gan y cyhoedd.

(NODER: Roedd y Cynghorydd H.A.L. Evans wedi datgan buddiant yn yr eitem hon yn gynharach; ailddatganodd y buddiant hwnnw a gadawodd y cyfarfod tra oedd yr eitem yn cael ei hystyried)

Bu'r Cabinet yn ystyried y Cynllun Cyflawni Adfywio a Datblygu Tai a oedd yn nodi cynlluniau'r Awdurdod i helpu i adeiladu dros 2,000 o dai ychwanegol ar draws y Sir yn ystod y pum mlynedd nesaf. Pe bai'n cael ei fabwysiadu, byddai'r Cynllun yn adeiladu ar lwyddiant y cynlluniau darparu tai fforddiadwy presennol, yn cefnogi twf economaidd drwy fuddsoddi dros £300m mewn cymunedau ac yn cefnogi'n uniongyrchol y camau gweithredu yn y Cynllun Adfer Economaidd, gan gefnogi busnes, pobl a lleoedd.

PENDERFYNWYD YN UNFRYDOL ARGYMELL I'R CYNGOR:-

Bu'r Cabinet yn ystyried adroddiad ar Gynllun Rheoli Ansawdd yr Amgylchedd Lleol 2022-2026, gan gynnwys y cynllun gweithredu, a oedd yn manylu ar gyfeiriad rheoli sbwriel y Cyngor yn y sir am y pedair blynedd nesaf. Roedd yn dangos sut y byddai sbwriel yn cael ei reoli a thrwy hynny gyfrannu at Strategaeth Gorfforaethol y Cyngor, gan roi pwyslais arbennig ar Amcan Llesiant 10 – Amgylchedd Iach a Diogel; gofalu am yr amgylchedd ar hyn o bryd ac i’r dyfodol.

PENDERFYNWYD YN UNFRYDOL gymeradwyo Cynllun Rheoli Ansawdd yr Amgylchedd Lleol 2022-2026 ar gyfer Sir Gaerfyrddin, gan gynnwys Cynllun Gweithredu Ansawdd yr Amgylchedd Lleol.   

Bu’r Cabinet yn ystyried y fersiwn wedi’i diwygio a’i diweddaru o Strategaeth Ddigidol ar gyfer Ysgolion a Strategaeth Technoleg Ddigidol 2022-2025. Roedd y strategaethau yn nodi blaenoriaethau strategol y Cyngor i ategu'r gwaith o ddarparu dysgu digidol dros y 3 blynedd nesaf, ynghyd â chyfeiriad y technolegau digidol a fyddai'n cael eu haddasu gan y Cyngor i ategu'r holl wasanaethau digidol a gwireddu ei weledigaeth o fod yn "Sir Gaerfyrddin sydd wedi'i galluogi'n ddigidol”.

PENDERFYNWYD YN UNFRYDOL gymeradwyo Strategaeth Ddigidol ar gyfer Ysgolion a Strategaeth Technoleg Ddigidol 2022-2025.

Bu'r Cabinet yn ystyried adroddiad diweddaru ynghylch cynnydd y Cynllun Datblygu Lleol (CDLl) Diwygiedig ac, yn arbennig, effaith cyfres o ffactorau, materion a chanllawiau ar gynnydd a/neu gynnwys y Cynllun yn y dyfodol. Wrth fanylu ar y meysydd hynny, cynigiodd yr adroddiad gyfres o gamau nesaf a gofynnodd am gymeradwyo'r argymhellion i baratoi CDLl Adneuo Diwygiedig pellach i fynd i'r afael â'r goblygiadau sy'n deillio o'r materion a nodwyd a'u lliniaru a sicrhau ei fod yn cydymffurfio'n weithdrefnol ac yn 'gadarn' gan alluogi ei fabwysiadu.

Cyfeiriodd y Cabinet at ganllawiau Cyfoeth Naturiol Cymru ar effaith amgylcheddol ffosffadau mewn cyrsiau d?r ar gyfer y 9 Ardal Cadwraeth Arbennig afonol yng Nghymru, a'r materion arwyddocaol yr oedd hynny'n eu codi o ran cyflawni datblygiad a chynnydd Cynlluniau Datblygu Lleol y mae'r canllawiau ffosffad yn effeithio arnynt gan atal yr ymgynghoriad a'r Cynllun rhag gwneud unrhyw ddatblygiad pellach. Croesawodd y Cabinet sefydlu Bwrdd Rheoli Maetholion Afon Tywi i fynd i'r afael â ffosffadau a pharatoi Cynllun Rheoli Maetholion.

Cyfeiriwyd hefyd at gynllun carbon sero-net y Cyngor erbyn 2030 gan nodi bod y Cyngor wedi arwain y gwaith o ddatblygu carboniadur drafft i'w ddefnyddio ledled Cymru.

PENDERFYNWYD YN UNFRYDOL ARGYMELL I'R CYNGOR:

Dywedodd y Cadeirydd nad oedd unrhyw eitemau eraill o fater brys.