Agenda item
ADRODDIAD MONITRO PERFFORMIAD CHWARTER 3 – 1 EBRILL I 31 RHAGFYR 2018
Cofnodion:
Bu'r Pwyllgor yn ystyried yr Adroddiad Monitro Perfformiad ar gyfer Chwarter 3 - 1 Ebrill i 31 Rhagfyr 2018, a oedd yn manylu ar y cynnydd a wnaed yn erbyn y camau a'r mesurau yn Strategaeth Gorfforaethol Newydd 2018/19 o ran cyflawni'r Amcanion Llesiant o fewn ei faes gorchwyl.
Codwyd y cwestiynau/materion canlynol ar yr adroddiad:-
- Cyfeiriwyd at y ffaith bod y modd y cafodd yr adroddiad ei gyflwyno yn annerbyniol, cyfeiriwyd at destun oedd ar goll a fformat y data. Roedd yr Uwch-swyddog Rheoli Perfformiad yn cydnabod y cafwyd anawsterau o ran fformatio'r adroddiad a gafwyd o'r System Monitro Perfformiad a Gwella (PIMS) a sicrhaodd y Pwyllgor y byddai gwelliannau'n cael eu gwneud i adroddiadau yn y dyfodol.
- Cyfeiriwyd at y mesur sy'n ymwneud â'r nifer cyfartalog o ddiwrnodau gwaith a gymerir i glirio achosion o dipio anghyfreithlon. Codwyd cwestiwn yngl?n â'r statws perfformiad nad oedd wedi cyrraedd y targed ac os oedd hyn o ganlyniad i gyflwyno'r rheolau newydd. Yn ôl y Pennaeth Gwasanaethau Amgylcheddol a Gwastraff, er y bu ychydig o gynnydd mewn tipio anghyfreithlon, ar y cyfan nodwyd nad oedd y targed wedi'i gyrraedd yn bennaf oherwydd y newidiadau yn y dulliau categoreiddio a chofnodi.
Mewn ymateb i sylwadau a godwyd mewn perthynas â'r cynnydd mewn tipio anghyfreithlon a'r cyfrifoldeb o dipio anghyfreithlon ar dir preifat, pwysleisiodd y Pennaeth y Gwasanaethau Amgylcheddol a Gwastraff pe bai tipio anghyfreithlon yn digwydd ar dir preifat, cyfrifoldeb y tirfeddiannwr fyddai i waredu unrhyw eitemau a gafodd eu tipio. Fodd bynnag, ar hyn o bryd, mae'r Cyngor yn gweithio gydag asiantaethau partner pan fo'n briodol gan gynnwys yr Heddlu, Cyfoeth Naturiol Cymru a sefydliadau eraill ar sail amlasiantaethol i helpu i fynd i'r afael â thipio anghyfreithlon ar dir preifat.
Mewn ymateb i ymholiad pellach, dywedodd y Pennaeth Gwasanaethau Amgylcheddol a Gwastraff y byddai'n cysylltu â'r grwpiau gorfodi mewnol i ymchwilio i ffyrdd posibl o roi cymorth ar gyfer achosion o dipio anghyfreithlon ar dir preifat.
Codwyd nifer o faterion yn ymwneud â'r newidiadau diweddar i'r canolfannau ailgylchu. Ategodd y Pennaeth Gwasanaethau Amgylcheddol a Gwastraff i'r Pwyllgor y rhesymau pam yr oedd angen y newidiadau ac esboniodd fod gwefan y Cyngor yn cynnwys gwybodaeth am y canlynol:-
Oriau agor newydd y canolfannau ailgylchu
Yr hyn sy'n ofynnol o ran prawf preswylio
Pam y mae cynllun hawlen yn cael ei gyflwyno
Sut y mae'r cynllun hawlen yn gweithio
Gwybodaeth am wneud cais am hawlen
Pa fath o gerbydau sydd angen hawlen.
Pa gerbydau sydd wedi cael eu gwahardd
Mewn ymateb i ymholiad, eglurodd y Pennaeth Gwasanaethau Amgylcheddol a Gwastraff nad oedd y daflen a roddai ganllawiau ar y math o gerbydau sy'n cael mynediad i ganolfannau ailgylchu a ddarparwyd i Aelodau'r Pwyllgor ym mis Chwefror wedi newid, gan fod nodau cyffredinol y cyfyngiadau'r un fath. Fodd bynnag, roedd newidiadau wedi'u gwneud yn y modd y cafodd ei gyflwyno i ddarparu rhagor o eglurder ar y mathau/grwpiau o gerbydau a byddai'n anfon y fersiwn derfynol at Aelodau'r Pwyllgor.
- Cyfeiriwyd at ddiffyg targed ar gyfer y cam gweithredu yn ymwneud â lleihau'r defnydd o ynni/allyriadau carbon ym mhortffolio adeiladau annomestig presennol y Cyngor (mae cam gweithredu 13251 yn cyfeirio at hyn). Nodwyd bod angen gosod targed clir ar gyfer y cam gweithredu hwn er mwyn i'r Cyngor ymdrechu i weithio tuag at ganlyniad sy'n seiliedig ar ganlyniadau. Nodwyd ymhellach, ar hyn o bryd, heb darged penodol, mai ' busnes fel arfer ' oedd y cam gweithredu ac er ei bod yn braf nodi bod mesurau'n cael eu gweithredu i leihau'r defnydd o ynni, gofynnwyd sut yr oedd llwyddiant yn cael ei fesur? Dywedodd y Pennaeth Gwasanaethau Amgylcheddol a Gwastraff y byddai'r sylwadau a fynegwyd yn cael eu trosglwyddo i'r adran berthnasol ac efallai y byddai modd cynnwys y mesur hwn yn y Cynllun Gweithredu Di-garbon Net.
- Cyfeiriwyd at yr adolygiad o'r cyfraddau presennol ar gyfer ailgylchu gwastraff y cartref er mwyn sicrhau bod cymaint â phosibl o wastraff yn cael ei ddargyfeirio o safleoedd tirlenwi ac er mwyn cynyddu ailgylchu. Gofynnwyd a oedd y rhaglen o ddrws i ddrws wedi'i chwblhau ac, os felly, pa aelwydydd oedd yn rhan o'r rhaglen? Dywedodd y Pennaeth Gwasanaethau Amgylcheddol a Gwastraff fod y rhaglen o ddrws i ddrws bellach wedi'i chwblhau ac y byddai'n anfon rhestr o'r aelwydydd yr ymwelwyd â hwy fel rhan o'r rhaglen at yr Aelodau.
- O ran buddsoddi yn Llwybr Beicio Dyffryn Tywi (mae cam gweithredu 13264 yn cyfeirio at hyn), cydnabuwyd er ei bod yn braf gweld y datblygiad yn mynd rhagddo, gofynnwyd pam mae angen buddsoddiad ariannol mawr i ddatblygu llwybrau beicio a oedd eisoes yn bodoli. Esboniodd y Pennaeth Trafnidiaeth a Phriffyrdd fod ceisiadau am gyllid a gyflwynwyd i Lywodraeth Cymru ar gyfer Teithio Llesol yn cael eu blaenoriaethu gan Deithio Llesol ar ôl hynny.
- Yn dilyn cais am ddiweddariad ar y camau gweithredu sy'n ymwneud â gwella integreiddio'r rhwydwaith trafnidiaeth gyhoeddus gan gynnwys gwasanaethau rheilffordd yn Sir Gaerfyrddin (mae cam gweithredu 13269 yn cyfeirio at hyn), rhoddodd y Pennaeth Trafnidiaeth a Phriffyrdd esboniad ar lafar o sefyllfa'r cyllid, a oedd wedi bod yn gostwng flwyddyn ar ôl blwyddyn dros yr 8 mlynedd diwethaf yn anffodus. Roedd astudiaethau'n parhau mewn cysylltiad â gwella'r gwasanaeth rheilffordd o'r Dwyrain i'r Gorllewin ac fel y nodwyd yn y camau gweithredu, roedd y gwaith eisoes wedi dechrau ar y gwelliannau, fodd bynnag, cydnabuwyd bod llawer iawn o waith eto i'w wneud.
- Cyfeiriwyd at y camau a oedd yn cael eu cymryd i wella'r seilwaith ar gyfer defnyddio cerbydau trydan (mae cam gweithredu 13270 yn cyfeirio at hyn). Nodwyd nad oes gan Gyngor Sir Caerfyrddin bolisi o ran gwefru ceir trydan ar hyn o bryd ac y gallai'r Cyngor fod yn gwneud mwy o ran sicrhau bod datblygiadau masnachol preifat yn darparu cyfleusterau ar gyfer gwefru ceir trydan. Esboniodd y Pennaeth Trafnidiaeth a Phriffyrdd, er mwyn sicrhau bod pob datblygiad newydd yn cynnwys y seilwaith sy'n ofynnol ar gyfer y nifer cynyddol o gerbydau trydan, ac i gynorthwyo gyda dyheadau Cyngor Sir Caerfyrddin ar gyfer defnyddio cerbydau trydan yn y dyfodol, bydd disgwyl i bob datblygiad yn y dyfodol ddarparu pwyntiau gwefru mewn canran o'r ddarpariaeth barcio. Byddai hyn yn cael ei alluogi drwy gyfrwng Canllaw Dylunio Priffyrdd y Cyngor sy'n nodi y bydd y Cyngor yn disgwyl i bwyntiau gwefru trydan gael eu darparu ar gyfradd o 3% o blith y ddarpariaeth barcio gyffredinol ym mhob datblygiad masnachol a bod manylion am sut y byddai datblygwyr yn darparu ac yn rheoli hyn yn cael eu cynnwys mewn Asesiad Trafnidiaeth ategol.
- Gofynnwyd am ddiweddariad o ran cynnydd mewn perthynas â'r prosiect LED - Buddsoddi i Arbed a'r Cynghorau Tref a Chymuned. Dywedodd y Pennaeth Trafnidiaeth a Phriffyrdd fod y Bwrdd Gweithredol wedi cymeradwyo'r rhaglen Buddsoddi i Arbed gan ganiatáu i gam nesaf y prosiect ddechrau. Byddai cynnig yn cael ei anfon at Gynghorau Tref a Chymuned yn fuan.
Yn ogystal, dywedodd yr Aelod o'r Bwrdd Gweithredol dros yr Amgylchedd y byddai'r cynnig hefyd yn cael ei gyflwyno yng nghyfarfod nesaf y Fforwm Cynghorau Tref a Chymuned sydd i'w gynnal ar 19 Mehefin 2019. Byddai cyfle i'r rhai a fyddai'n bresennol i ofyn cwestiynau ynghylch y prosiect newid i oleuadau LED ac i gyfleu unrhyw bryderon ynghylch y cynnig.
Gofynnwyd a fyddai unrhyw gyfle i
Gynghorau Tref a Chymuned gymryd cyfrifoldeb dros y goleuadau, yn
enwedig ar ffyrdd sydd heb eu mabwysiadu. Eglurodd y Pennaeth Trafnidiaeth a Phriffyrdd wrth
y Pwyllgor, o dan adran 38 o Ddeddf Priffyrdd 1980, y gallai
awdurdod lleol lunio cytundeb cyfreithiol gyda datblygwr i
fabwysiadu priffordd, ar yr amod bod y briffordd wedi cael ei
hadeiladu i safon benodedig ac mewn modd sy'n bodloni'r awdurdod
priffyrdd lleol. Fodd bynnag, yn ystod y broses drawsgludo yn aml
nid yw rhai preswylwyr yn ystyried nad oes gorfodaeth ar yr
awdurdod priffyrdd i ymrwymo i gytundeb adran 38.
Nododd y Cadeirydd ei fod wedi cael ymateb i lythyr y Pwyllgor a anfonwyd at yr Aelod Cynulliad mewn perthynas ag adolygu cytundeb adran 38 (Agenda 5 ar 10 Rhagfyr 2018 yn cyfeirio at hyn). Roedd y llythyr yn cydnabod pryderon y Pwyllgor ac yn tynnu sylw at y ffaith bod Llywodraeth Cymru wedi sefydlu tasglu a fyddai'n ceisio datrys y problemau parhaus o ran ffyrdd sydd heb eu mabwysiadu.
- Gan gyfeirio at weithred 13191, mynegwyd pryder ynghylch geiriad y cam gweithredu. Teimlwyd y dylid pennu targed clir yn hytrach na nodi 'byddwn yn parhau i fonitro' er mwyn gweithio tuag at leihau'r lefelau NO2 presennol o fewn yr Ardaloedd Rheoli Ansawdd Aer a nodwyd. Roedd y Pennaeth Cartrefi Chymunedau Mwy Diogel yn cydnabod nad oedd targed penodol ar gael ac y byddai'n cysylltu â'r tîm ar y mater hwn.
Dywedodd yr Aelod o'r Bwrdd Gweithredol dros yr Amgylchedd y byddai'r Cyngor yn cael anawsterau i wella ansawdd aer mewn mannau penodol oherwydd y cynnydd yn nifer y ceir a'r cartrefi. Adleisiodd yr Aelod o'r Bwrdd Gweithredol dros Ddiogelu'r Cyhoedd y sylwadau a chytunodd y byddai'r cynnydd yn nifer y cerbydau ar y ffyrdd yn peri anawsterau o ran cael effaith gadarnhaol ar ansawdd yr aer.
PENDERFYNWYD bod yr adroddiad yn cael ei dderbyn.
Dogfennau ategol:
Cyngor a Democratiaeth
Y Cyngor
Cynghorwyr, ACau ac ASau
- Eich Cynghorydd Sir
- Strategaeth Cyfranogiad y Cyhoedd a'r Cynllun Deiseb
- Lwfansau a buddiannau cynghorwyr
- Cynghorwyr Tref a Chymuned
- Aelodau Senedd Cymru
- Aelodau Seneddol
- Sut mae bod yn Gynghorydd
Adrannau'r Cyngor
Dweud eich dweud
- Ymgynghoriad ar y gyllideb 2024Gyllideb
- Prif Gynllun Teithio Llesol Y Tymbl
- Strategaeth Hamdden 2023-33 ymgynghoriad cymunedol
- Polisi codi tâl am wasanaethau gofal cymdeithasol
- Polisi Dyrannu Tai Cymdeithasol
- Strategaeth Leol ar gyfer Perygl Llifogydd 2024-2030
- Asesiad Rheoliadau Cynefinoedd ar gyfer yr Ail Gynllun Datblygu Lleol Diwygiedig Adneuo 2018-2033
- Arfarniad Cynaliadwyedd Integredig ar gyfer yr Ail Gynllun Datblygu Lleol Diwygiedig Adneuo 2018-2033
- Strategaeth y Rhaglen Moderneiddio Addysg
- Strategaeth Cyfleusterau Cyhoeddus Sir Gaerfyrddin
- Creu Sir Gaerfyrddin Ddigidol
- Holiadur Preswylwyr Sir Gâr 2023
- Ymgynghoriad ynghylch Polisi Plant sy'n Codi'n 4 Oed Ysgolion Cynradd 2025/26
Pwyllgorau a Chyfarfodydd
- Agendâu a chofnodion
- Pwyllgor Llywodraethu ac Archwilio
- Dyddiadur y Cyngor
- Pwyllgor Gwasanaethau Democrataidd
- Y Cabinet
- Penderfyniadau swyddogion
- Blaengynlluniau Waith
- Pwyllgor Cynllunio
- Craffu
- Pwyllgor Safonau
- Cyngor Ymgynghorol Sefydlog dros Addysg Grefyddol (CYSAG)
Strategaethau a chynlluniau
- Cynllun Cyflenwi Tai Fforddiadwy 2016 - 20
- Datganiad Gweledigaeth y Cabinet 2022 - 2027 (Gorffennaf 2022)
- Strategaeth Drawsnewid Cyngor Sir Caerfyrddin
- Polisi Diogelu Corfforaethol
- Strategaeth Ddigidol ar gyfer Ysgolion 2018 - 2021
- Strategaeth Technoleg Ddigidol 2018 - 2021
- Strategaeth Trawsnewid Digidol
- Cymorth i Deuluoedd Sir Gaerfyrddin 2018-23
- Gwybodaeth ddiweddaraf am wasanaeth Llyfrgelloedd - Symud ymlaen 2017 - 2025
- Strategaeth y Rhaglen Moderneiddio Addysg (1)
- Symud Sir Gâr Wledig Ymlaen
- Cynllun Cydraddoldeb Strategol
- Cynllun Trechu Tlodi 2023
- Strategaeth Hybu’r Gymraeg
- Safonau’r Gymraeg
- Adroddiad Blynyddol y Gymraeg
Y Cyllideb y Cyngor
Cyllideb y Cyngor
- Crynhoad Cyllideb
- Datganiad Cyfrifon
- Cronfa Bensiwn Dyfed
- Ein Rhanbarth ar Waith (ERW)
- Bargen Ddinesig Bae Abertawe
- Ffyrdd syml i arbed arian i'r Cyngor
Perfformiad y Cyngor
- Rheoli Perfformiad
- Archwiliadau, Arolygiadau ac Adroddiadau
- Y Ddeddf Llesiant Cenedlaethau’r Dyfodol
- Adroddiad Blynyddol y Cyngor 2022-23
Hysbysiadau cyhoeddus
Canllawiau Brexit
Iaith Gymraeg
Carbon Sero-net
Cydraddoldeb ac Amrywiaeth
Cyfamod Lluoedd Arfog
Etholiadau a Phleidleisio
- Etholiadau Lleol 2022
- Pleidleisio
- Bod yn gymwys i bleidleisio
- Sut mae pleidleisio?
- Newidiadau i bleidleisio drwy'r post a phleidleisio drwy ddirprwy
- Cofrestru i bleidleisio
- Diweddaru eich manylion ar y Gofrestr Etholiadol
- Diweddariad blynyddol o'r gofrestr pleidleiswyr
- Sut i optio allan o'r gofrestr agored
- Gweld y Gofrestr Etholiadol
- Is-etholiadau
- Fy Un Agosaf - Gwybodaeth etholiadol
- Etholiadau Senedd Cymru
- Etholiadau'r Comisiynydd Heddlu a Throseddu 2024
- Etholiad Cyffredinol Seneddol 2019
- Help i Bleidleiswyr Anabl
- Adolygiad o Ffiniau Seneddol
- Prawf Adnabod Pleidleisiwr
- Adolygiad Cymunedol 2023
- Adolygiad o Ddosbarthau Pleidleisio a Mannau Pleidleisio
- Recriwtio ar gyfer etholiadau
Mwy ynghylch Cyngor a Democratiaeth