Agenda item
HYSBYSIAD DIGWYDDIAD DROS DRO - DERWYDD MANSION, DERWYDD ROAD, RHYDAMAN, SIR GAR, SA18 3LQ
Cofnodion:
Gohiriwyd cyfarfod yr Is-bwyllgor yn Neuadd y Sir, Caerfyrddin am 9:30am ac ailddechreuwyd y cyfarfod ar y safle am 10.10am, er mwyn gweld y safle lle cafwyd cyfle i weld y cyfleusterau mewnol ac allanol, gan gynnwys lleoliad y babell fawr ac eiddo'r gwrthwynebwyr. Ar ôl i'r ymweliad â'r safle ddod i ben, ailymgynullodd yr Is-bwyllgor yn y Siambr, Neuadd y Sir, Caerfyrddin am 11.50am i ystyried y ceisiadau.
Soniodd Rheolwr y Gwasanaethau Cyfreithiol wrth bawb a oedd yn bresennol am drefn y cyfarfod a rhoddodd wybod i'r Is-bwyllgor fod Adain Iechyd y Cyhoedd Cyngor Sir Caerfyrddin wedi cyflwyno hysbysiad gwrthwynebu mewn perthynas â 4 Hysbysiad Digwyddiad Dros Dro a oedd wedi'u cyflwyno gan Mrs Maria Dallavalle, La Scala, 15 Rhodfa Bryn Mawr, Rhydaman, SA18 2DA.
Roedd yr Hysbysiadau Digwyddiad Dros Dro yn berthnasol i werthu alcohol trwy fanwerthu, darparu adloniant rheoledig a lluniaeth gyda'r hwyr ar y safle ar y diwrnodau a'r amserau canlynol:-
Hysbysiad Digwyddiad Dros Dro 1
–
Dydd Sadwrn 28 Gorffennaf 2018 - Y
Neuadd Fawr, Plasty Derwydd.
· Cyflenwi Alcohol, Adloniant Rheoledig a Lluniaeth gyda'r Hwyr 12:00-00:30.
Hysbysiad Digwyddiad Dros Dro 2 –
Dydd Sadwrn 25 Awst 2018 - Y Lawnt
Uchaf, Plasty Derwydd.
· Cyflenwi Alcohol, Adloniant Rheoledig a Lluniaeth gyda'r Hwyr 12:00-00:30.
Hysbysiad Digwyddiad Dros Dro 3 –
Dydd Sadwrn 1 Medi 2018 - Y Lawnt
Uchaf, Plasty Derwydd.
· Cyflenwi Alcohol, Adloniant Rheoledig a Lluniaeth gyda'r Hwyr 12:00-00:30.
Hysbysiad Digwyddiad Dros Dro 4 –
Dydd Sadwrn 3 Tachwedd 2018 - Y Neuadd
Fawr, Plasty Derwydd.
· Cyflenwi Alcohol, Adloniant Rheoledig a Lluniaeth gyda'r Hwyr 12:00-00:30.
Dywedodd Rheolwr y Gwasanaethau Cyfreithiol fod Adain Iechyd y
Cyhoedd wedi gwrthwynebu pob un o'r 4 Hysbysiad Digwyddiad Dros Dro
ar sail niwsans s?n a oedd wedi deillio o ddigwyddiadau blaenorol a
oedd wedi'u cynnal ar y safle.
Rhoddodd yr Is-bwyllgor ystyriaeth i'r dogfennau a gyflwynwyd, a'r holl sylwadau ysgrifenedig perthnasol a ddaeth i law cyn y gwrandawiad gan y partïon.
Hefyd, cafodd yr Is-bwyllgor sylwadau llafar gan yr Ymarferwyr Iechyd yr Amgylchedd:-
Nododd yr Ymarferydd Iechyd yr Amgylchedd ei fod wedi gwrthwynebu'r Hysbysiadau Digwyddiad Dros Dro oherwydd hanes blaenorol ynghylch niwsans s?n yn ystod digwyddiadau ym Mhlasty Derwydd, yn y drefn ganlynol:-
- Yn 2016, derbyniwyd y g?yn gyntaf ynghylch s?n gan gymydog mewn perthynas â sioe hen geir a oedd yn cynnwys s?n cerddoriaeth uchel, traffig a phobl. Rhoddwyd gwybod i'r Is-bwyllgor, gan ei fod yn ddigwyddiad unwaith yn unig, nad oedd llawer o ddewisiadau o ran gweithredu. Fodd bynnag, anfonwyd llythyr at y person a gyflwynodd yr Hysbysiad Digwyddiad Dros Dro yn amlinellu natur y g?yn a dderbyniwyd.
- Yn 2017, cyflwynwyd dau Hysbysiad Digwyddiad
Dros Dro ar gyfer priodasau ym Mhlasty Derwydd ac ni chafwyd unrhyw
wrthwynebiadau iddynt.
Ar ôl y digwyddiad a gynhaliwyd yn y brif neuadd yn y plasty, derbyniwyd cwyn ynghylch s?n. O ganlyniad i'r g?yn, cafodd y lefelau s?n eu monitro mewn perthynas â'r Hysbysiad Digwyddiad Dros Dro nesaf a gynhaliwyd yn y babell fawr y tu cefn i'r eiddo. Cafodd y s?n ei recordio o'r tu mewn i'r ystafell wely yn yr eiddo agosaf, sy'n perthyn i'r achwynydd. Adroddwyd bod y lefelau s?n yn sylweddol.
O ganlyniad i'r dystiolaeth a grybwyllwyd uchod, anfonwyd llythyr at y sawl a gyflwynodd yr Hysbysiad Digwyddiad Dros Dro a pherchennog y safle yn rhybuddio y gellid gwrthwynebu unrhyw Hysbysiadau Digwyddiad Dros Dro yn y dyfodol. Mae'r llythyr wedi'i atodi i'r adroddiad yn Atodiad A3.
- Ym mis Mai 2018, cynhaliwyd priodas yn y babell fawr y gwrthwynebwyd iddi ar y dechrau. Fodd bynnag, cytunwyd ar fesurau i leihau effaith y s?n ac wedi hynny tynnwyd y gwrthwynebiad yn ôl. Dyma'r mesurau a gytunwyd:
Trefnu staff diogelwch er mwyn sicrhau bod y gwesteion yn cadw draw o'r ffin ag eiddo cyfagos.
Lleihau sain yr adloniant ar ôl 11:00pm, er mwyn sicrhau mai prin y gellir clywed y gerddoriaeth yn yr eiddo cyfagos.
Cyflogi Ymgynghorydd Acwstig yn y digwyddiad a fyddai'n cynnwys monitro'r lefelau s?n y tu allan i eiddo cymdogion.
Ar yr adeg hon, cafodd yr Is-bwyllgor gyfle i wrando ar recordiadau sain a wnaed gan Swyddogion Iechyd yr Amgylchedd wrth iddynt fonitro'r lefelau s?n. Roedd y recordiadau sain yn cadarnhau bod y gerddoriaeth i'w chlywed yn glir a'i bod yn ddigon uchel fel bod modd adnabod caneuon unigol. Yn ogystal, roedd y sain yn datgelu pobl yn sgrechian ac yn gweiddi, a s?n injans a cherbydau yn teithio dros gerrig mân.
Dywedodd Pen-ymarferydd Iechyd yr Amgylchedd y gofynnwyd iddo wneud y gwaith monitro mewn perthynas â'r digwyddiad a gynhaliwyd ar 22 Mehefin 2018. Rhoddwyd gwybod i'r Is-bwyllgor ei fod wedi cyrraedd oddeutu 10.40pm a'i bod yn noson glir a chynnes ac mai ychydig o s?n arall oedd i'w glywed yn yr ardal. Roedd y gwaith monitro sain wedi'i wneud wrth y fynedfa i gae a oedd wedi elwa rywfaint ar sgrinio s?n oherwydd y wal uchel a'r plasty ei hun. Serch hynny, roedd y s?n i'w glywed yn glir o hyd yn y lle monitro, ac ystyriwyd bod lefel y s?n yn annerbyniol. Gwnaed y gwaith monitro o 10.55pm ymlaen yn fras. Nododd y Swyddog, fel y cadarnhawyd gan y sain a chwaraewyd i'r Is-bwyllgor, fod modd adnabod y gerddoriaeth yn hawdd ac y gellid clywed y DJ yn glir. Hefyd, dywedodd nad oedd wedi sylwi ar unrhyw leihad yn y lefelau s?n tan ar ôl 12:00am. Nodwyd hefyd mai dim ond 6 neu 7 o geir oedd wedi pasio dros gyfnod hir. Ar ôl canol nos, roedd lefel uwch o s?n pobl ac roedd pwyslais y gerddoriaeth wedi newid o gerddoriaeth ddawns i ganeuon arafach.
Rhoddwyd cyfle i'r holl bartïon holi'r Swyddogion Iechyd yr Amgylchedd ynghylch eu sylwadau a'r dystiolaeth a gyflwynwyd.
- Mewn ymateb i ymholiad gan Reolwr Dros Dro y Gwasanaethau Cyfreithiol, nododd yr Ymarferydd Iechyd yr Amgylchedd fod ystyriaeth wedi'i rhoi i ddefnyddio Adran 80 o Ddeddf Diogelu'r Amgylchedd. Fodd bynnag, nid oedd y gwaith monitro wedi'i wneud o'r tu mewn i eiddo'r achwynydd, felly penderfynwyd na fyddai'n briodol cyflwyno hysbysiad Gostegu dan Adran 80.
- Mewn ymateb i ymholiad, nododd yr Ymarferydd Iechyd yr Amgylchedd o ran y g?yn hon mai'r prif bryder oedd s?n cerddoriaeth. Fodd bynnag, roedd s?n pobl hefyd yn peri pryder, yn ogystal â'r ffaith bod s?n pobl yn debygol o ddeillio o safle sy'n gwerthu alcohol.
- Ceisiwyd eglurder ynghylch y diffiniad o ‘prin y gellir clywed y gerddoriaeth’, fel y nodwyd yn y mesurau. Nododd yr Ymarferydd Iechyd yr Amgylchedd fod y disgrifiad ‘prin y gellir clywed y gerddoriaeth’ yn oddrychol a chytunodd i drafod ymhellach gyda'r ymgeisydd a'r ymgynghorydd s?n i gytuno ar fesuriad mwy gwrthrychol.
Ar hynny, cafodd yr Is-bwyllgor dystiolaeth gan gymdogion yr eiddo a oedd yn cefnogi gwrthwynebiadau'r Gwasanaethau Iechyd yr Amgylchedd am y rhesymau canlynol:-
- Roedd y tystion wedi symud i'r bwthyn cyfagos i gael heddwch a thawelwch;
- Roedd s?n cerddoriaeth uchel/pobl yn gweiddi yn dod o'r
priodasau, a oedd yn ei gwneud yn anodd cysgu;
- Roedd y digwyddiadau yn amharu ar eu bywydau ac yn cael effaith andwyol ar eu hiechyd.
Rhoddwyd cyfle i'r holl bartïon holi'r tystion ynghylch eu sylwadau.
Cyfeiriwyd at y recordiadau sain a chwaraewyd yn gynharach yn y cyfarfod. Mewn ymateb i ymholiad, esboniodd y tystion fod y recordiadau yn nodweddiadol o'r rhan fwyaf o ddigwyddiadau, fodd bynnag, cafwyd digwyddiadau blaenorol pan oedd y s?n yn waeth o lawer. Hefyd, pwysleisiodd y tystion fod problem o ran s?n pobl a cheir, yn ogystal â cherddoriaeth uchel.
Wedyn bu i Mrs Dellavalle ymateb i'r pryderon a'r materion a godwyd gan ddweud:-
· ei bod wedi gwneud ymdrechion i wella trefniant pob digwyddiad, gan gynnwys cyfyngu ar s?n.
· bod staff diogelwch wedi'u cyflogi i hebrwng cwsmeriaid sy'n gadael a chyfyngu ar s?n pobl.
· ei bod wedi rhoi sylw i'r hyn a ofynnwyd gan y Cyngor. Fodd bynnag, oherwydd y terfyn amser, nid oedd yn gallu cyflogi ymgynghorydd acwstig cyn y digwyddiad ar 2 Mehefin 2018. Roedd y staff a oedd ar ddyletswydd wedi monitro'r lefelau s?n gan ddefnyddio ap.
·
bod preswylydd bwthyn
cyfagos wedi nodi ei fodlonrwydd ar drefniant y briodas a
gynhaliwyd ar 2 Mehefin 2018. Yn
ogystal, roedd y cymdogion wedi nodi mewn llythyr nad oeddent wedi
clywed braidd dim s?n a'i fod wedi distewi ar ôl canol
nos.
[Sylwer: Gyda chytundeb yr holl bartïon, dosbarthwyd copïau o neges e-bost dyddiedig 11 Mehefin 2018 oddi wrth breswylydd bwthyn cyfagos arall i aelodau'r Is-bwyllgor].
· Mae'r Hysbysiadau Digwyddiad Dros Dro yn dod i ben am 12:30am ac roedd yr holl adloniant yn dod i ben am 12:00am yn barod am hynny.
· Roedd y babell fawr wedi'i symud ymhellach i ffwrdd o'r ffin sydd agosaf i'r cymdogion.
· Roedd y digwyddiadau yn cael eu trefnu ar sail dros dro ac nid oeddent yn cael eu cynnal bob penwythnos.
· Roedd yn croesawu'r cyfle i gydweithio â'i chymdogion a'r Awdurdod er mwyn cytuno ar drefniadau mewn modd cyfeillgar.
Cafodd yr Is-bwyllgor sylwadau gan Mr Ian Matthews, Ymgynghorydd Acwstig Mrs Dallavalle, a gwnaeth y sylwadau canlynol:-
- Cyflwynodd Mr Ian Matthews ei hun i'r Is-bwyllgor yn Ymgynghorydd Acwstig Red Twin Acoustics, a nododd ei fod yn Beiriannydd Siartredig ac yn Aelod o'r Sefydliad Acwsteg.
- Mae'r digwyddiadau mewn ardal dawel ac anghysbell.
- Nifer eithaf bach o bobl sy'n debygol o gael eu heffeithio gan s?n.
- Nid oedd cymdogion eraill wedi rhoi gwybod am unrhyw broblemau.
- Roedd yn bryderus bod y recordiadau sain wedi'u gwneud mewn dau le gwahanol.
- Mae sain yn oddrychol ac roedd y gwrthwynebydd yn derbyn hynny.
- Hyd yma, nid oedd wedi cael cyfle i weld data'r recordiadau a gofynnodd am gyfle i wneud hynny.
- Roedd yn cytuno ei bod yn ymddangos bod y mesuriadau yn 2017 yn fwy aflonyddgar, fodd bynnag, hoffai gael cyfle i adolygu'r rhain.
- Gofynnodd am gyfle i fonitro'r lefelau s?n mewn digwyddiad sydd i ddod, er mwyn adolygu sut mae'r digwyddiadau yn cael eu rheoli a sylwi ar sut mae pobl yn cael eu symud o gwmpas.
Ar hynny
PENDERFYNWYD YN UNFRYDOL gynnal sesiwn preifat er mwyn cael cyngor cyfreithiol yn unol â Pharagraff 16 o Atodlen 12A i'r Ddeddf Llywodraeth Leol.
Ar ôl y toriad, roedd yr is-bwyllgor hefyd wedi rhoi ystyriaeth i'r paragraffau perthnasol o Ddatganiad Polisi Trwyddedu'r Awdurdod Trwyddedu a'r Cyfarwyddyd gan yr Adran dros Ddiwylliant, y Cyfryngau a Chwaraeon (DCMS) a chan y Swyddfa Gartref mewn perthynas â'r eitem ar yr agenda, a'r rheiny a oedd wedi'u cyfeirio at ei sylw gan y partïon eraill.
PENDERFYNODD yr Is-bwyllgor, ar ôl ystyried yr holl dystiolaeth a roddwyd ger ei fron, y dylid ymdrin â'r Hysbysiadau Digwyddiad Dros Dro fel a ganlyn:-
Hysbysiad Digwyddiad Dros Dro 1 - |
28 Gorffennaf 2018 |
Peidio â chyflwyno
gwrth-hysbysiad |
Hysbysiad Digwyddiad Dros Dro 2 - |
25 Gorffennaf 2018 |
Gohirio tan 31/07/18 |
Hysbysiad Digwyddiad Dros Dro 3 - |
1 Medi 2018 |
Gohirio tan 31/07/18 |
Hysbysiad Digwyddiad Dros Dro 4 - |
3 Tachwedd 2018 |
Gohirio tan 31/07/18 |
Y RHESYMAU:-
Wrth benderfynu ar y cais, yr oedd y ffeithiau canlynol yn hysbys i'r Is-bwyllgor:
- Cafwyd cwynion ynghylch niwsans s?n mewn perthynas â
digwyddiadau blaenorol ar y safle;
- Mae'r problemau o ran s?n yn ymwneud nid yn unig ag adloniant rheoledig ond hefyd â s?n pobl a cherbydau;
- Mae Adain Iechyd yr Amgylchedd o'r farn y byddai
caniatáu i'r digwyddiadau fynd yn eu blaen yn tanseilio'r
amcan trwyddedu o ran atal niwsans cyhoeddus;
- Nid oes trwydded safle ar gael mewn perthynas â'r
safle;
- Nid yw'r heddlu wedi cyhoeddi hysbysiad gwrthwynebu mewn perthynas ag unrhyw un o'r digwyddiadau hyn.
Roedd yr Is-bwyllgor wedi rhoi pwys ar farn Adain Iechyd yr Amgylchedd.
Yr oedd yr Is-bwyllgor yn cydnabod bod yn rhaid i'w benderfyniad gael ei seilio ar dystiolaeth wirioneddol, ac nad yw pryderon nac ofnau ynghylch yr hyn a allai ddigwydd pe bai'r digwyddiadau hyn yn cael eu cynnal, lle nad oes tystiolaeth o'r fath i'w hategu, yn faterion y gallai roi ystyriaeth briodol iddynt.
Barn yr Is-bwyllgor oedd bod tystiolaeth yr achwynwyr yn gredadwy ac yn gryf.
Dan adran 105(2)(b) o Ddeddf Trwyddedu 2003 (fel y'i diwygiwyd), rhaid i'r Is-bwyllgor gyflwyno gwrth-hysbysiad os yw'n credu ei bod yn briodol gwneud hynny i hyrwyddo amcan trwyddedu, sef atal niwsans cyhoeddus yn yr achos hwn.
Wrth benderfynu a oedd yn briodol cyflwyno gwrth-hysbysiad, roedd yr Is-bwyllgor wedi rhoi ystyriaeth i'r canlynol:
- Natur a maint unrhyw niwsans s?n a gafwyd yn ystod
digwyddiadau yn y gorffennol, gan gynnwys yn benodol a ydynt wedi
achosi niwsans i'r cyhoedd neu garfan o'r cyhoedd;
- Union leoliad y digwyddiadau arfaethedig y tu mewn i'r
safle;
- Y dystiolaeth arbenigol sydd ar gael ynghylch effaith debygol
y digwyddiadau arfaethedig ar y cyhoedd;
- Effaith cyflwyno gwrth-hysbysiad ac, yn benodol, a fyddai cam
gweithredu o'r fath yn ymateb cymesur i'r materion a
nodwyd;
- Y pwerau statudol eraill sydd ar gael i ymdrin â niwsans s?n.
Roedd yr Is-bwyllgor yn teimlo bod y dystiolaeth a roddwyd ger ei fron yn annigonol ar hyn o bryd i wneud penderfyniad gwybodus ynghylch a fyddai'n briodol ac yn gymesur cyflwyno gwrth-hysbysiad. Yn benodol, roedd yr Is-bwyllgor yn teimlo y byddai'n fuddiol iawn i Mr Matthews (yr ymgynghorydd acwstig a gyflogwyd gan Mrs Dallavalle) a'r Ymarferwyr Iechyd yr Amgylchedd fonitro effaith digwyddiad ar y safle ac yna cydweithio'n agos i geisio rhoi sylw i gwynion y preswylwyr cyfagos.
Rhoddodd yr Is-bwyllgor ystyriaeth benodol i adran 13 o ddatganiad Polisi Trwyddedu'r Cyngor a'r gofyniad i beidio â dyblygu trefniadau statudol eraill wrth wneud ei benderfyniad.
Am y rhesymau uchod, roedd yr Is-bwyllgor yn teimlo na fyddai'n briodol cyflwyno gwrth-hysbysiad mewn perthynas â'r digwyddiad ar 28 Gorffennaf 2018. Byddai hyn yn galluogi'r digwyddiad hwn i gael ei ddefnyddio i gasglu'r dystiolaeth ychwanegol y cyfeiriwyd ati uchod.
Felly, byddai'r Is-bwyllgor yn gohirio ystyried y digwyddiadau eraill hyd nes y byddai'r digwyddiad hwnnw wedi'i gynnal, er mwyn sicrhau bod yr arbenigwyr s?n mewn gwell sefyllfa i roi cyngor i'r Is-bwyllgor.
Dogfennau ategol:
Cyngor a Democratiaeth
Y Cyngor
Cynghorwyr, ACau ac ASau
- Eich Cynghorydd Sir
- Strategaeth Cyfranogiad y Cyhoedd a'r Cynllun Deiseb
- Lwfansau a buddiannau cynghorwyr
- Cynghorwyr Tref a Chymuned
- Aelodau Senedd Cymru
- Aelodau Seneddol
- Sut mae bod yn Gynghorydd
Adrannau'r Cyngor
Dweud eich dweud
- Ymgynghoriad ar y gyllideb 2024Gyllideb
- Prif Gynllun Teithio Llesol Y Tymbl
- Strategaeth Hamdden 2023-33 ymgynghoriad cymunedol
- Polisi codi tâl am wasanaethau gofal cymdeithasol
- Polisi Dyrannu Tai Cymdeithasol
- Strategaeth Leol ar gyfer Perygl Llifogydd 2024-2030
- Asesiad Rheoliadau Cynefinoedd ar gyfer yr Ail Gynllun Datblygu Lleol Diwygiedig Adneuo 2018-2033
- Arfarniad Cynaliadwyedd Integredig ar gyfer yr Ail Gynllun Datblygu Lleol Diwygiedig Adneuo 2018-2033
- Strategaeth y Rhaglen Moderneiddio Addysg
- Strategaeth Cyfleusterau Cyhoeddus Sir Gaerfyrddin
- Creu Sir Gaerfyrddin Ddigidol
- Holiadur Preswylwyr Sir Gâr 2023
- Ymgynghoriad ynghylch Polisi Plant sy'n Codi'n 4 Oed Ysgolion Cynradd 2025/26
Pwyllgorau a Chyfarfodydd
- Agendâu a chofnodion
- Pwyllgor Llywodraethu ac Archwilio
- Dyddiadur y Cyngor
- Pwyllgor Gwasanaethau Democrataidd
- Y Cabinet
- Penderfyniadau swyddogion
- Blaengynlluniau Waith
- Pwyllgor Cynllunio
- Craffu
- Pwyllgor Safonau
- Cyngor Ymgynghorol Sefydlog dros Addysg Grefyddol (CYSAG)
Strategaethau a chynlluniau
- Cynllun Cyflenwi Tai Fforddiadwy 2016 - 20
- Datganiad Gweledigaeth y Cabinet 2022 - 2027 (Gorffennaf 2022)
- Strategaeth Drawsnewid Cyngor Sir Caerfyrddin
- Polisi Diogelu Corfforaethol
- Strategaeth Ddigidol ar gyfer Ysgolion 2018 - 2021
- Strategaeth Technoleg Ddigidol 2018 - 2021
- Strategaeth Trawsnewid Digidol
- Cymorth i Deuluoedd Sir Gaerfyrddin 2018-23
- Gwybodaeth ddiweddaraf am wasanaeth Llyfrgelloedd - Symud ymlaen 2017 - 2025
- Strategaeth y Rhaglen Moderneiddio Addysg (1)
- Symud Sir Gâr Wledig Ymlaen
- Cynllun Cydraddoldeb Strategol
- Cynllun Trechu Tlodi 2023
- Strategaeth Hybu’r Gymraeg
- Safonau’r Gymraeg
- Adroddiad Blynyddol y Gymraeg
Y Cyllideb y Cyngor
Cyllideb y Cyngor
- Crynhoad Cyllideb
- Datganiad Cyfrifon
- Cronfa Bensiwn Dyfed
- Ein Rhanbarth ar Waith (ERW)
- Bargen Ddinesig Bae Abertawe
- Ffyrdd syml i arbed arian i'r Cyngor
Perfformiad y Cyngor
- Rheoli Perfformiad
- Archwiliadau, Arolygiadau ac Adroddiadau
- Y Ddeddf Llesiant Cenedlaethau’r Dyfodol
- Adroddiad Blynyddol y Cyngor 2022-23
Hysbysiadau cyhoeddus
Canllawiau Brexit
Iaith Gymraeg
Carbon Sero-net
Cydraddoldeb ac Amrywiaeth
Cyfamod Lluoedd Arfog
Etholiadau a Phleidleisio
- Etholiadau Lleol 2022
- Pleidleisio
- Bod yn gymwys i bleidleisio
- Sut mae pleidleisio?
- Newidiadau i bleidleisio drwy'r post a phleidleisio drwy ddirprwy
- Cofrestru i bleidleisio
- Diweddaru eich manylion ar y Gofrestr Etholiadol
- Diweddariad blynyddol o'r gofrestr pleidleiswyr
- Sut i optio allan o'r gofrestr agored
- Gweld y Gofrestr Etholiadol
- Is-etholiadau
- Fy Un Agosaf - Gwybodaeth etholiadol
- Etholiadau Senedd Cymru
- Etholiadau'r Comisiynydd Heddlu a Throseddu 2024
- Etholiad Cyffredinol Seneddol 2019
- Help i Bleidleiswyr Anabl
- Adolygiad o Ffiniau Seneddol
- Prawf Adnabod Pleidleisiwr
- Adolygiad Cymunedol 2023
- Adolygiad o Ddosbarthau Pleidleisio a Mannau Pleidleisio
- Recriwtio ar gyfer etholiadau
Mwy ynghylch Cyngor a Democratiaeth