Agenda item

Ystyriodd y Pwyllgor adroddiad a oedd yn nodi'r cynnydd a wnaed gogyfer â'r camau gweithredu a'r mesurau yng nghynllun cyflawni Amcanion Llesiant 2017/18 a oedd yn berthnasol i faes gorchwyl y Pwyllgor, fel yr oedd ar 30 Mehefin, 2017.

Codwyd y cwestiynau/sylwadau canlynol ar yr adroddiad:-

·         Cyfeiriwyd at y cam gweithredu, ‘Byddwn yn helpu pobl h?n i gyfrannu at ailgylchu drwy'r cynllun 'cymorth codi' ar gyfer pobl nad ydynt yn gallu mynd â gwastraff i ymyl y ffordd.' Gofynnwyd sut oedd y cam gweithred hwn yn cael ei farchnata er mwyn codi ymwybyddiaeth o'r gwasanaeth hwn.  Rhoddodd y Pennaeth Gwasanaethau Amgylcheddol a Gwastraff wybod i'r Pwyllgor fod gwybodaeth am y gwasanaeth hwn i'w chael yn y dogfennau atodol gan Weithwyr Gofal Iechyd Proffesiynol, yn ogystal â bod y gwasanaeth yn cael ei hysbysebu ar Wefan y Cyngor. Mewn ymateb i ymholiad ychwanegol, dywedodd y Pennaeth Gwasanaethau Amgylcheddol a Gwastraff fod yna tua 1,300 o gynlluniau cymorth codi ar waith ledled y Sir ar hyn o bryd.

·         Cyfeiriwyd at y cam gweithredu gyda golwg ar 'arolygu priffyrdd, llwybrau troed a seilwaith goleuadau yn rheolaidd i nodi unrhyw ddiffygion sy'n peri perygl i'r cyhoedd’.  Holwyd a fyddai modd darparu mwy o fanylion am y mater hwn.  Y farn oedd y byddai cael mwy o fanylion o fudd i'r Cynghorwyr wrth i ymholiadau o'r fath ddod i'w rhan.  Dywedodd y Pennaeth Trafnidiaeth a Phriffyrdd na fyddai'n bosibl rhoi gwybod i'r Aelodau am bob atgyweiriad oherwydd graddfa'r gwaith a wneir ar draws y Sir bob dydd. Fodd bynnag, byddai'n rhoi manylion pellach i'r Aelod Lleol y tu allan i'r cyfarfod.

·         Gofynnwyd am eglurhad ynghylch cyfrifoldeb pwy yw clirio priffordd ar ôl achos o halogi. Dywedodd y Pennaeth Trafnidiaeth a Phriffyrdd mai cyfrifoldeb y person neu'r sefydliad a halogodd y briffordd fyddai ei chlirio.  Mewn ymateb i ymholiad a gafwyd ynghylch nifer y peiriannau ysgubo ffyrdd sy'n weithredol o fewn y fflyd ar hyn o bryd, pwysleisiodd y Pennaeth Trafnidiaeth a Phriffyrdd nad oedd y fflyd peiriannau ysgubo ffyrdd wedi cael ei lleihau yn y ddwy flynedd diwethaf ac ychwanegodd nad oedd yna unrhyw newidiadau diweddar wedi bod mewn polisi.

·         Mewn perthynas â'r cam gweithredu a oedd yn dweud 'Byddwn yn cynyddu faint o ynni a gynhyrchir o dechnolegau adnewyddadwy (kWh)' holwyd a oedd targed wedi'i osod? Dywedodd yr Aelod o’r Bwrdd Gweithredol dros yr Amgylchedd fod y Cyngor yn ystyried cynyddu nifer y paneli solar, yn enwedig ar safleoedd y Cyngor.  Cyfeiriwyd at yr adroddiad o fewn Eitem 10 ar yr Agenda - Adroddiad Blynyddol Drafft Cyngor Sir Caerfyrddin ar gyfer 2016/17, a oedd yn dweud bod y defnydd o ynni adnewyddadwy ar gyfer 2016/17 yn 670,400 kWh.   Dywedwyd bod y swm hwn yn cynrychioli ychydig dros 0.9% o gyfanswm yr ynni a ddefnyddiwyd ac ystyrid ei fod yn lefel isel iawn o ynni adnewyddadwy, felly gofynnwyd am eglurhad yngl?n â'r hyn oedd targed y Cyngor ar gyfer ynni adnewyddadwy.  Dywedodd y Pennaeth Trafnidiaeth a Phriffyrdd fod y Cyngor ar hyn o bryd yn prynu ynni oddi wrth gyflenwyr ynni gwyrdd ac y byddai gwybodaeth am ymholiadau pellach yn cael ei rhannu â'r Pwyllgor maes o law.

·         Mewn ymateb i ymholiad yngl?n ag ynni gwyrdd, dywedodd Pennaeth y Gwasanaethau Amgylcheddol a Gwastraff y byddai adroddiad diweddaru yn cael ei ddarparu i'r Pwyllgor ym mis Ionawr 2018 yn unol â Blaengynllun Gwaith y Pwyllgor.  Nododd y Pwyllgor fod y cynllun wedi cael ei lansio'n llwyddiannus a bod ganddo 2,500 o gwsmeriaid hyd yma.

PENDERFYNWYD YN UNFRYDOL dderbyn a nodi'r adroddiad.