Agenda a Chofnodion

There were no declarations of personal interest.

PENDERFYNWYD llofnodi bod Cofnod Penderfyniadau'r cyfarfod oedd wedi'i gynnal ar 24 Hydref, 2017 yn gofnod cywir.

Bu'r Aelod o'r Bwrdd Gweithredol yn ystyried ceisiadau am gymorth gan y Gronfa Cymorth Digwyddiadau a gafodd eu hasesu ar sail eu cyfraniad at amcanion strategol y Cyngor o ran twristiaeth, cymunedau a'r economi. Rhoddodd y Rheolwr Marchnata a'r Cyfryngau ragor o wybodaeth am bob digwyddiad.

O ran cais "Wythnos Gymraeg" Tref Caerfyrddin dywedodd y Rheolwr Marchnata a'r Cyfryngau fod cymorth wedi'i roi yn y blynyddoedd blaenorol i'r digwyddiad hwn ac argymhellwyd bod cymorth yn cael ei roi eto yn 2018.  Fodd bynnag, dywedwyd y dylai ceisiadau ar gyfer y digwyddiad hwn yn y dyfodol ymdrechu i gynnwys cyfleoedd ychwanegol i dyfu'r digwyddiad i fod yn ddigwyddiad sirol ar gyfer y gynulleidfa ehangach.  Awgrymwyd y gellid cyflawni hyn drwy ddefnyddio'r Cylch Rhwydwaith Digwyddiadau a thrwy geisio incwm gan noddwr masnachol lleol a fyddai'n galluogi'r digwyddiad i fod yn fwy cynaliadwy yn y dyfodol.

Dywedodd y Rheolwr Marchnata a'r Cyfryngau wrth y Bwrdd Gweithredol y byddai'r meini prawf cymhwyso newydd, a fyddai'n cynnwys themâu allweddol ar gyfer 2018/19 a dyddiadau cau ar gyfer cyflwyno ceisiadau, yn cael eu darparu i'w hystyried yn y cyfarfod nesaf.

PENDERFYNWYD

3.1 cymeradwyo'r ceisiadau canlynol am gymorth o'r Gronfa Cymorth Digwyddiadau yn amodol ar y telerau a'r amodau arferol a bennwyd ym meini prawf y gronfa:-

Digwyddiad                                                                            Dyfarniad

Blwyddyn Ariannol 2017/18:-

·         "Wythnos Gymraeg" Tref Caerfyrddin             £2000.00

Blwyddyn Ariannol 2018/19:-

·         Ras Beicio Mynydd Battle on the Beach 2018 £2000.00